Malaquias 2:10 - Kaxinawá Bíblia (BR)

¹⁰ Israelĩ enabu huni dasibibuũ, ẽ ea Malaquiasĩ matu yuinũ ea nĩkakãwẽ. Nuku dasibirã, nũ Epa bestitxai hayamamẽ, dasibi dami wanitũ nuku katunirã? Haskai nukubu nukumebi nũ parananãbukũmisbumẽ, haska Deus nukũ shenipabube yubakani danãkĩ txakabuwairã?

Malaquias 2:10 Referencias Cruzadas

Jó 31:15

Ẽ dayarubu inũ eari habias Deusũ nukũ ewã shãkĩ anu nuku dasibi dami wakĩ hiwemaniwẽ taeshũ ẽ hatu nĩkakubainimaki.

Salmos 100:3

Senhor Deusrã, unãti wakãwẽ. Nukũ Deuski. Hatũ nuku dami wani nũ hawenabuki. Nukuburã, nũ hawẽ yurabuki, hanu basi pepa benemis anu hawẽ txashuwã mapua keskaburã.

Êxodo 19:4

“Hawara Egito nawabu ẽ akima inũ tete peiwẽ nuyai keska kushipawẽ matu iwekĩ ẽ matu mekebirana mã uĩkubirãshinaki.

Êxodo 19:5

Hanũkaĩ ẽ hãtxa nĩkakĩ ẽ yubati hãtxa mã txibãkubainaya mai hirabi enaswẽ taeshũ nawa shukuabu tibi anua ẽ matu katuni enabu pepabus mã ikũkaĩshanaii.

Êxodo 24:3

Moisés butushũ Senhor Deusũ yunuti hãtxa inũ hawẽ nemati hatu pewashũshu hawenabu yuia nĩkatã dasibubũ hui bestitxai keskawẽ Moisés yuikĩ: —Hawẽ hãtxa dasibi Senhor Deusũ ma nuku pewashunarã, nĩkatã txibãkĩ nũ akubaĩshanaii— akabu

Êxodo 24:7

haska watã Deusũ yubati hãtxa una bishũ hawẽ hãtxa dasibi hatu yuishuna nĩkatã hanus hãtxakĩ yuikĩ: —Nukuburã, ana nukũ shinanẽ nũ itirubumaki. Haska Senhor Deusũ hawẽ yunuti nuku pewashunai besti nĩkatã nũ ashũkubaĩshanaii— akabu

Isaías 43:1

Hakia natianã, Jacó enabu Israelbuũ, nĩkakãwẽ. Senhor Deusũ matu dami wanitũ matu yuikĩ: “Dateyamakãwẽ, matu iyunibu haria hatu putamabirãkĩ ẽ matu tashnimabiranimaki. Eã matu katunishũ matũ kenawẽ kenakĩ ena ẽ matu waniki.

Isaías 43:15

Earã, ẽ habia Israelĩ damiwanika meribi Senhor Deus ẽ matũ shanẽ ibuki.”

Isaías 43:7

Dasibi enabu ẽ kenaya habũ ea duawakĩ yurabu ẽ kushipa hau uĩmashanũbũ hatu dami wakĩ ẽ bawanirã, ea anu ana hatu iwerikãwẽ’ ”, iwanã,

Isaías 44:2

Ea ẽ matũ damiwakĩ bawanika Senhor Deusũnã, mã kaĩriama matu pe ewawakĩ ẽ matu merabewakubainiki. Jacó enabu Jesurum nĩkaisma mishtĩbuũ, ẽ matu katuni, mã ẽ tsumaburã, dateyamakãwẽ.

Isaías 63:16

Miarã, mĩ nukũ epaki! Nukũ shenipabu Abraão ana nuku shinãma ma nuku hakimabiaya nũ Israelbubia haskatã nukunabube nũ ana hatuki dasi unãtinãtimaki. Nũ haskabiaya Senhor Deusuũ, miarã, habia mĩ nukũ epaki. Nuku mebikinaĩ taenishũ nuku heneama mĩ nuku akubainaii.

Isaías 64:7

Tsuã mia shinaĩ mibe hãtxai ana tsua hayabumaki. Hau mĩ hatu merabewanũ hawẽ bika tenekĩ mĩ kushipa benakĩ mia yukabumaki. Nukũ txakabuwẽ taea nuku henei nukuki petxitã ana nuku merabewai hãtxama mĩ huneaki.

Isaías 64:8

Nũ haskabiakenã, Senhor Deusuũ, mĩ nukũ epaki. Nukurã, nũ mapu keskaki. Hamẽ miarã, mĩ mapu dami wanika keskaki. Nuku dasibirã, habia miã mĩ nuku dami waniki.

Malaquias 1:6

Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

Malaquias 2:11

Deusũ Judá yubabiani Judá enabũ hawẽ hãtxa txibã pewakĩ ashuãbuma Jerusalém anu hiweabu inũ Israel dasibi hiwebaunabu txakabui mã atimapakũkainaii. Hanu haki nukuti Templo Senhor Deusũ betxipaihairakĩ meribi wabianikẽ Judá enabu hunibu ibubis atimapakĩ txakabuwakanikiki. Haska inũ, nawa betsa aĩbuaibũ yushibubu kẽwãmisbu matunã, Deusũ yunuti txibãma hatu aĩwãkĩ mã bikubainaii.

Malaquias 2:8

Hakia ebe matunabu hãtxashunikabuũ, hiwea pepa ea anua mã ma ea pashkabuki. Mã hatu yusĩ txakaiwẽ taeshũ yura itxapabu benukanikiki. Haska wakĩ ẽ Levibe yubakani matubũ txakabuwakĩ mã atimapawaii.

Mateus 10:21

Ha inũ, yura betsã hanubi hawẽ betsabũ ea ikũwaĩbu hatu atximakeakeriashãkanikiki, hau hatu tenãnũbunã. Habiaskari wakĩ hatũ ibubũ hanubi hawẽ bakebu hatu atximariashãkanikiki. Ha inũ, habiaskari wakĩ bakebu hatũ ibubuki sinatakĩ hatũ ibubũ ea ikũwaĩbu hatu atximashũ hatu tenãmariashãkanikiki.

Mateus 22:16

hanushũ hatuki txiti ika betsabu inũ shanẽ ibu Herodeski txiti ika betsaburi hau Jesus unãti watanũbũ hatu yunuabu Jesus anu bushũ yuikĩ: —Yusĩnaã, huni betsabu miki sinatabiaibũ hawa hatuki dakekĩ habu daewama ikũ hãtxa besti yusĩkĩ haska wakĩ Deus txibãtirubu besti mĩ shabakabi hatu yusĩkubaĩmis nũ unaiĩ.

Mateus 3:9

Hamẽ matũmebi ibubis kẽkĩ mã xinãmis: ‘Nukũ shenipabu Abraão Deusbe haibunameniwẽ taea nũ hawẽ bababu nuku kupiama ishanikiki’, ikĩ, ana xinãyamakãwẽ. Hakia Abraãonẽ bababu dasibi matu yamawakĩ keyutã na mixki manibauna Deusũ damiwakĩ Abraãonẽ bababu benawashũtiruki.

Lucas 1:73

Haska hawẽ kanetima wai nukũ shenipabu Abraão mĩ habe yubakani natiã mĩ ma ana nuku xinãkĩ abuaii.

João 8:39

—Hamaki. Deusũ katuni Abraãonẽ enaburã, nũ nukuki— ikaibũ Jesusũ ana hatu yuikĩ: —Matu txanima mã Abraãonẽ enaburã, haska Abraãonẽ ani mã ariakeanaii.

João 8:41

Haskakẽ matunã, matũ ibuã amis keska xinaĩ mã ikaii— hatu wa haki sinatakĩ yuikĩ: —Nukurã, nũ husi bakemaki. Nukũ ibu kayabi bestitxairã, nũ hayaki, Deusrã— akabu

João 8:56

Yurabube hiwei ẽ huai uĩkatsi manakai ikũwaĩ matũ shenipabu Abraão benimaniki. Atimas ea uĩtã xinã txãkaĩ benimahairaniki— hatu wa

Hechos 17:24

Yavé Deusunã, mai hirabi inũ dasibi nũ hanu hiweabu Deusũ damiwanirã, dasibi hawenaski. Ha nai anua inũ mai anua dasibi mekei shanẽ ibuaya hunibũ haska wakĩ duawanũ, iwanã, hatũ xinãnẽ templo hawẽ kẽwãti hiwe washunabu anu besti hiweamakiaki.

Hechos 17:25

Ha inũ, dasibibu Deusũ nuku hiwemashũ huĩsinamamis inũ hamapai tibi nuku inãkĩ merabewakubaĩmiswẽ taeshũ hawara yurabũ Deus ashũtirubumahairakiaki.

Hechos 17:26

Xinãkãwẽ, eskakirã. Na mai hirabi anu nũ hanu hiwebaũshanũbũ Deusũ huni bestitxai dukũ Adão dami watã hawẽ taeshũ dasibi nawa betsa betsapa pawanikiaki. Na nenu mai anu hatiãra inũ hanira nũ hiweshanũbũ ma hanu tibi nuku mae pewashuni anu nũ ikabuki, na habia mae anu nũ hiweaburã,

Hechos 7:2

nĩkaibũ Estêvãonẽ hatũ yukai kemakĩ: —Ẽ shanẽ ibubu inũ enabuũ, matu yuinũ nĩkakãwẽ. Mesopotâmia mai pakea anu nukũ shenipabu Abraão Harã mae ewapanu kariama bebũkiri nukũ Epa Deus kuxipa pepatũ yubakĩ unãmakĩ hanu hiweshanai anu

Hechos 7:26

Hanua mexukiri betsatiã Moisés ana kashũ hawenabu Israelbu dabe ana detenameaibuki nukutã daewakĩ hatu nemanũ ikaĩ hatu yuikĩ: “Matu dabe mã huni betsamaki. Haskai mã detenamei ikanai?” hatu wa

Romanos 4:1

Deusũ hãtxa yuishunikatũ nukũ shenipabu Abraãokiri keneni eska yuiaki. Deusũ hãtxa Abraãonẽ ikũwãniwẽ taeshũ Deusũ xinãkĩ: “Abraão huni pepaki”, akinã, Abraãonẽ Deus ikũwãkubainai anikiri matu yuinũ nĩkakãwẽ. Abraãokiri Deusũ xinãkĩ: “Abraão pepai hiwekũkainaiwẽ taea huni pepaki”, ikaya Abraão ibubis kẽkeaniki. Hakia pepai hiwekũkainaiwẽ taeama hakia hawẽ hãtxawẽ Deusũ yubai nĩkakĩ tapĩtã ha besti Abraãonẽ txibãkubainiwẽ taeshũ Deusũ Abraãokiri pe unãti wakĩ xinãniki.

Romanos 9:10

Haska bestimaki. Betsa Deusũ anirã, eska waniki. Hawenabu Deusũ katukĩ hawara pepa inũ hawara txakabu yurabũ akubaĩmis xinãma hakia haratubura Deusũ hawenabu wakatsi ikai besti xinãkĩ hatu katumis mã shabakabi unãnũbũ nukũ shenipabu Isaquẽ bakebukiri matu xinãmanũ nĩkakãwẽ. Rebeca tsupibu bake wakĩ Isaquẽ nanemaima kaĩriama hawa pepa inũ hawa txakabuwariabumakẽ bebũkiri Deusũ Rebeca yuikĩ: “Mĩ bake dabe kaĩtã ha ha katxu Jacó kaĩyãtũ hawẽ betsa ha dukũ kaĩyã Esaú tsuma washanikiki, shanẽ ibukinã”, aniki.

1 Coríntios 8:6

Hamẽ nukubũ ikũwãkinã, nukũ Epa Deus bestitũ dasibi bawani inũ nuku hatũ damiwani nũ hawẽ hiweaki. Ha inũ, Shanẽ Ibu bestitxai nũ hayaki, Jesus Cristorã. Hawẽ taeshũri Jesusũ hawẽ Epa Deusbetã dasibi damiwakĩ keyuniwẽ nũ hiweriaki, nukuburã.

Efésios 4:25

Eskatianã, nũ Jesus ikũwaĩburã, nũ yura bestitxai keskaki. Haskawẽ taea hawara yui mã hãtxairã, ana txani txakai parananãma matunabube shabakabi yuinamekubaĩkãwẽ.

Efésios 4:6

Ha dikabi Deus bestitxairã, dasibi ikũwaĩbũ Epaki. Dasibi hawenabu shanẽ ibushũkĩ hawẽ kuxipa dasibi matu uĩmakubainikiki.

1 Tesalonicenses 4:6

Hanushũ bebũkiri nemakĩ haska nũ matu yuima ana nĩkairakãwẽ. Tsuabũra huni betsa parãkĩ hawẽ aĩ mekĩ hatu itxakawaibu Deusũ hatu kupishanikiki.

Hebreus 12:9

Ha inũ, nũ huni ewariama nukũ ibubũ nuku yusĩkĩ nemahairakĩ nuku tapĩmakubainibuki. Hatũ yusĩa bikabiakẽ tapĩkĩ nũ hatu abukubainibuki. Hakia haska nũ wani binukĩ nukũ Epa Deus nai anua abukĩ natiã hawẽ hãtxa nĩkakubaini nũ habe hiweshanaii, hawa txakabuwẽ nuku kupiamarã.

Josué 24:3

Haskai hiweabũ Henewã Eufrates kesha anu hiwebiakẽ matũ shenipabu Abraão besti katubirãkĩ iwenishũ Canaã nawabũ mai pakea anu hiwemakubaũkĩ hawenabu hau pahairashanũbũ hawẽ huni bake Isaque ẽ inãniki.