Lucas 23:27 - Kaxinawá Bíblia (BR)

²⁷ yura itxapabũ Jesus txibãbainaibũ aĩbuaibu hawẽ nui kashai bis ikubainaibu

Kashinawa : Diosun Jesúswen taexun yuba bena yiniki

²⁷ yuda ichapabun Jesús chibanbainaibun ainbuaibu jawen nui kaxai bis ikubainaibu

Lucas 23:27 Referencias Cruzadas

Salmos 22:17

Ẽ shau tibi uĩkĩ ẽ tanatiruki. Eki sinataibũ beri ikama ea uĩ heneisbumaki.

Mateus 11:17

“Teperewe nũ mawabiaya benimai mã nawamaki. Hanua nũ kashei ikaskĩ nũ nuiti nawa mawabiaya mã kashamariki”, hatu wabu hawawẽra beyusti unãbuma keskabuki, nukunaburã. Matũ xinã txãkãti hubiakẽ mã benimamaki. Hamẽ matũ txakabu xinaĩ kashakatsi ikama mã xinã betsa waismaki.

Mateus 27:55

hanua aĩbuaibũ Galiléia anushũ duawakĩ Jesus txibãmisbu Maria Madalena inũ Tiago inũ Josẽ ewa Maria betsa inũ Zebedeũ huni bake dabetã ewari Jesus mawai habu benãta nishũ uĩrianibuki.

Marcos 15:40

hanua aĩbuaibu Galiléia anuabũ Jesus Galiléia anu ka habũ duawakĩ txibãmisbũ uĩaĩbũ hatubetã uĩriaiburã, Josẽ betsa mashku Tiago ha dabetũ ewa Maria inũ, Salomé inũ, Maria Madalenã habũ benãtashũ uĩaĩbũ hanua aĩbu betsa betsapabu Jerusalém anu Jesusbe bexiãbũri hatubetã Jesus mawai uĩnibukiaki.

Lucas 23:28

Jesusũ hatu uĩkĩ yuikĩ: —Jerusalém anua aĩbuaibuũ, ewẽ nui kashayamakãwẽ. Hakia hanu nuitapaibutiã nenuabũ yuikĩ: “Aĩbũ habũ bake bisbuma besti benimashãkanikiki”, ikaibũ hanushũ yura itxapabũ habũ txakabuwẽ datekĩ mawa yuikĩ: “Nukuki matekei di ikĩ nuku hunewe”, ashãkanikiki. Haska inũ, ea ẽ hawa wama nibiakẽ ea itxakawakanikiki. Hamẽ habũ ea itxakawaibu Deusũ haburi itxakawatxakayamariakĩ hatu kupihairashanikiki. Haskawẽ taea ana ewẽ nui kashama matũmebi inũ matũ bakebuwẽ taea nui kashakãwẽ— hatu wabainaya

Lucas 23:55

hanua aĩbuaibu Galiléia anua Jesusbe bexiãbũ Jesusũ yura buaibu txibãbaini maiwati tãpe inũ haska Jesusũ yura datãtã bepubainaibu uĩtã

Lucas 8:2

ha dikabi aĩbu betsa betsapa isĩ teneaibu shushawakĩ yushĩ txakabu kaĩmakĩ Jesusũ hatu merabewakĩ shushawaimakẽ hatũ peiwẽri Jesus inũ hawẽ tsumabu merabewakubaini Maria Madalena anua Jesusũ sete yushĩ txakabu kaĩmaima inũ, Suzana inũ, shanẽ ibu Herodes yunushũmis Cuzã aĩ Joana inũ, aĩbu betsa betsapaburi Jesus anu butã butãkĩ merabewakubainaibũ

Lucas 8:52

hunĩ kaiã kashai saĩ iki bau bau ikaibu hatu yuikĩ: —Haskai e iskaũ kashai mã biski ikanai? Hawẽ bakerã mawa kayabiamaki. Usha bestia ikikiki— hatu waya

João 16:20

ikũkĩ ẽ matu yuiaii. Ẽ mawakẽ ea manui kashai mã huĩti nixmakẽ habũ ea ikũwãbuma benimahairashãkanikiki. Hakia maturã, ẽ mawakẽ matũ huĩti nui henetã mã benimahairashanaii.