Lucas 19:26 - Kaxinawá Bíblia (BR)

²⁶ shanẽ ibũ hatu yuikĩ: “Tsuara na ẽ dayaru pepa keskatũ hawara haya pe mekea unãtã itxapa hayabiakẽ manakukĩ ana itxapahaira ẽ inãshanaii, binumakinã. Hakia tsuara na ẽ dayaru txikix keskatũ hawara haya pe mekeama ha eskarabes haya unãtã ẽ mebĩshanaii.

Kashinawa : Diosun Jesúswen taexun yuba bena yiniki

²⁶ xanen ibun jatu yuikin: “Tsuada na en dayadu pepa keskatun jawada jaya pe mekea unantan ichapa jayabiaken manakukin ana ichapajaida en inanxanaii, binumakinan. Jakia tsuada na en dayadu chikish keskatun jawada jaya pe mekeama ja eskadabes jaya unantan en mebinxanaii.

Lucas 19:26 Referencias Cruzadas

2 Samuel 7:15

Kanebiaibũ ẽ pepa ẽ hatu mebiãma ishanaii, Saul anua ẽ pepa ẽ mebini keskama Saul putatã hawẽ shãtukũ ẽ mia shanẽ ibu wanirã.

Mateus 13:12

Hakia tsuabũra ẽ hãtxa besti nĩkakĩ txibaĩbu itxapa ẽ ana hatu shabakabi yusĩkubaĩshanaii. Hamẽ tsuabũra eskarabes nĩkabiakĩ ea txibaĩsbuma ha eskarabes ẽ hatu mebĩshanaii, hakimawakinã— iwanã

Mateus 21:43

Haska keneni keska wakĩ matũ shenipabu Deusũ katubianishũ mã hawenabubiatũ xinãma mã danãnãyã hanushũ yura betsabũri nĩkakatsi ikaibu Deusũ katutã hatu habe shanẽ ibumashanikiki.

Marcos 4:25

Haska inũ, tsuabũra ẽ hãtxa besti nĩkakĩ txibaĩbu itxapa ẽ ana hatu shabakabi yusĩkubaĩshanaii. Hamẽ tsuabũra eskarabes nĩkabiakĩ ea txibaĩsbuma ha eskarabes ẽ hatu mebĩshanaii, hakimawakinã— iwanã,

Lucas 16:3

hawẽ mabu mekeshunikatũ xinãkĩ: “Ẽ tsumapã ea nitxĩainã, haskashãpa? Ẽ yura ma ẽ babu bai anu pukĩ ẽ dayatirumaki. Ha inũ, hamapai hatu ea abauni ẽ daketapakaũtirumaki, pei ea ikirã.

Lucas 19:25

habũ hatũ shanẽ ibu yuikĩ: “Ma dez binuhaira hayaki. Haskakĩ mĩ ana pei inaĩ?” aka

Lucas 8:18

Haskawẽ taeshunã, nĩka peirawakãwẽ. Hakia tsuabũra ẽ hãtxa besti nĩkakĩ txibaĩbu itxapa ẽ ana hatu shabakabi yusĩkubaĩshanaii. Hamẽ tsuabũra ea txibã kayabismabia: “Ẽ ikũwaiĩ”, ikĩ haska besti xinãmis ha eskarabes ẽ hatu mebĩshanaii, hakimawakinã— hatu wai

Hechos 1:20

Txanima Salmos una merã Judaskiri Davĩ bebũkiri yuikĩ: ‘Hawẽ mae henebainaya ana tsua hanu hiweama ishanikiki’, ani inũ: ‘Hawẽ daya henebaina huni betsã hau ibu washanũwẽ’, aniki.

2 João 1:8

Jesus ikũwãkĩ hawẽ daya nũ amiswẽ taeshũ hau matũ pepawẽ Deusũ matu manakushanai mã bishanai benukatsi ikamarã, txĩtuãma ha parananaĩbu hatu uĩrakubaĩkãwẽ.

Apocalipse 2:3

ẽ hãtxa heneama ea duawanũ ika ewẽ taea nuitapabiai punu nukai txĩtuãma mã txibãkubainai ẽ matu unaiĩ.

Apocalipse 3:11

Ha inũ, matũ pepa hawẽ kupiti hau tsuã matu biãbaĩyamashanũ ẽ yusĩa xinãkĩ txibãkĩ heneyamakãwẽ, ẽ samama ana txĩtũkirãshanairã.

1 Samuel 15:28

haska wã hanushũ Samuelĩ Saul ana yuikĩ: —Na ẽ tari mĩ ea ushnishu keska wakĩ Israelĩ enabũ mĩ hatũ shanẽ ibubiakẽ Senhor Deusũ mia ma ushnia keska waikiki. Haska keskari wakĩ mĩ shanẽ ibuai mia ma mebĩtã Israelĩ enabu betsa pepa mia binua Senhor Deusũ katutã inãshanikiki.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.