Lucas 19:15 - Kaxinawá Bíblia (BR)

¹⁵ habũ danãkĩ haska hakiri yuibiaibũ ha shanẽ ibuhaira binuatũ ha huni hawenabũ abuabumabiakẽ hau habũ shanẽ ibu inũ hatu katushũxĩkẽ txĩtũkirã hikishũ ha hawẽ dez dayanikabu kenashũ ha pei hatu inãbainimakiri hatu yukakĩ: “Hati mã ana ea itxawashũxinamẽ?”, iwanã, bestibu tibi hatubetã pewanũ, iwanã, hatu kena

Kashinawa : Diosun Jesúswen taexun yuba bena yiniki

¹⁵ jabun danankin jaska jakidi yuibiaibun ja xanen ibujaida binuatun ja juni jawenabun bechipaiabumabiaken jau jabun xanen ibu inun jatu katuxunshinken chintunkidan jikixun ja jawen 10 dayanikabu kenaxun ja pei jatu inanbainimakidi jatu yukakin: “¿Jati man ana ea ichawaxunshinamen?”, iwanan, bestibu tibi jatubetan pewanun, iwanan, jatu kena

Lucas 19:15 Referencias Cruzadas

Mateus 25:19

hanua hatũ shanẽ ibu bari itxapa hiwetani hushũ hawẽ tsumabu hawẽ pei inãbaini: “Ẽ pei ea haskawãyamabumẽkaĩ uĩnũ”, iwanã, hatubetã pewakatsi hatu kena

Lucas 12:48

Hakia betsarã, shanẽ ibũ yunuama kakẽ hawẽ xinã haska abuai unãma kanemisbu ha mawaira hatu kupiama ishanikiki. Hanushũ tsuara Deusũ hãtxa itxapa inãxina hawẽ taeshũ hawẽ daya itxapari yukashanikiki. Tsuara Deusũ itxapa mekemamis hani haska wamis itxapari yukariakubaĩshanikiki— iwanã,

Lucas 19:14

hanushũ hawẽ mae pakea anushũ hawenabũ ha shanẽ ibu beshmas danãkĩ abuabumawẽ taeshũ hawenabu betsabu yunukĩ yuikĩ: “Shanẽ ibuhaira binuatũ hiwe anu kashũ ha huni hau nukũ shanẽ ibu iyamashanũ yuitãkãwẽ”, hatu wa buimashũ haki nukutã yuiabu

Lucas 19:16

ha dukũ hushũ yuikĩ: “Shanẽ ibuũ, mĩ pei heshe itxapa inãnanãkĩ ana mirimahaira deztiki binumakĩ ẽ mia itxawashũxinaki”, aka