Lucas 18:30 - Kaxinawá Bíblia (BR)

³⁰ na habiatiãri dayaibu Deusũ pepawẽ matu duawakĩ manakukubaĩxĩshũ habiaskari wakĩ nai anuri matu habe hiwekuĩmashanikiki, ikibi imakinã— hatu wabaini

Kashinawa : Diosun Jesúswen taexun yuba bena yiniki

³⁰ na jabiatiandi dayaibu Diosun pepawen matu duawakin manakukubainshinxun jabiaskadi wakin nai anudi matu jabe jiwekuinmaxanikiki, ikibi imakinan— jatu wabaini

Lucas 18:30 Referencias Cruzadas

Jó 42:10

Hanushũ hawẽ haibu dabe inũ besti Jó hatu yukashũkĩ meneaya Senhor Deusũ haska Jó pepawa hiwekũkainima keska ana duawakĩ hawẽ yura shushawatã uatiã hayakũkainima keska wakĩ ana dabeki hawẽ hamapai Jó inãnikiaki.

Salmos 37:16

Ha huni pepa mabu eskarabesya hiwearã, haska peki, haska huni mabuwãyãtũ shinaĩ txakabumisbu keskamarã. Hanua huni pepa mabu eskarabes haya hawa hawẽ mabu shinãma ha mabuwãyã binuaki.

Mateus 12:32

Hamẽ tsuabũra ẽ matũ Hutxi Kayabi Iuwa ea yuãbiaibũ Deusũ hatũ txakabu buashũtiruki. Hakia tsuabũra Deusũ Yushĩ Pepa yuaĩbu hatũ txakabu Deusũ buama xinãnũbarikiki, natiã inũ bari hawẽ heneatianã— iwanã,

Mateus 4:24

hanua Síria mai pakea hirabi anushũ Jesusũ hatu shushawai kakaibu nĩkatã isĩ betsa betsapa teneaibu inũ, yushĩ txakabuyabu inũ, yura txakabu saki saki ikaibu inũ, yura babubu nuitapaibu hatu iwebirãbiranaibu Jesusũ hatu shushawakĩ kayawapakeaya

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

1 Timóteo 6:6

Haskakiri nukubũ nũ hariri xinãkĩ ikũwaĩburã, txanima kayabiki. Deusũ hawẽ pepa tibi mabu keyumis keskama nuku inaĩ inũ nuku inãshanaiwẽ taea nũ benimahairakũkainaii. Haskakẽ natiã haska nũ haya bestiwẽ benimayunãkãwẽ.

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.

Apocalipse 2:17

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, pewẽ kupikĩ misi naiuria Deusũ hunemis ẽ hatu pimashanaii, nai anu unãnuma ebe hatu hiwemakinã. Ha inũ, kena bena nẽkati hushupaki hatũ kena nea ẽ hatu inãriashanaii. Ha habũ biaibũ besti ha kena unãshãkanikiki, tsua betsã unãtirumarã’”, ea washu ẽ matu keneshunaii.

Apocalipse 3:21

Tsuabũra ea danãma habũ txakabu maemakĩ binumisburã, hatu manakukĩ ea dapi tsaumakĩ ẽ hatu shanẽ ibumashanaii, haska eã ẽ binu keyuni ẽ Epa dapi tsauwa ẽ habe shanẽ ibuni keska wakinã.