Lucas 17:21 - Kaxinawá Bíblia (BR)

²¹ Ha inũ, tsuãra yuikĩ: “Uĩwẽ. Deus shanẽ ibui naki”, ikasmai: “Uĩwẽ. Unuki”, ikĩ yuiama ishãkanikiki. Ikũ ẽ matu yuiaii. Deus shanẽ ibuirã, ikis matube dasia niaki, taeirã— hatu watã

Kashinawa : Diosun Jesúswen taexun yuba bena yiniki

²¹ Ja inun, tsuanda yuikin: “Uinwen. Dios xanen ibui naki”, ikasmai: “Uinwen. Unuki”, ikin yuiama ixankanikiki. Chanima en matu yuiaii. Dios xanen ibuidan, ikis matube dasia niaki, taeidan— jatu watan

Lucas 17:21 Referencias Cruzadas

Mateus 12:28

Hamẽ ikũ Deusũ kuxipawẽ eã ẽ yushĩ txakabu kaĩmamiswẽ taea Deus shanẽ ibui matu anu ma huaki.

Marcos 13:21

Habiatiãri huni betsabu hushũ matu parãkĩ yuikĩ: “Earã, Deusũ ea yunua ẽ hawẽ hãtxa yuishunikaki. Ea nĩkairakãwẽ”, ikaibũ betsabũri yuikĩ: “Deusũ Messias Cristo, earã, matu anu ẽ ana hushuki”, ikaibu betsabũ nĩkatã hatu yuikĩ: “Uĩa. Nuku anu Cristo ma hushukiaki”, ikaibũ ana betsabũ yuikĩ: “Uĩa. Hanu ma hushukiaki, Cristorã”, ikaibũ hanushũ habũ hamapai betsa betsapa huni betsabũ atiruma habũ akĩ yura itxapa parãkĩ Deusũ hawena wakĩ hatu katuriani parãkatsis iriashãkanikiki. Haskaibu nĩkatã ikũwãkĩ mã kaneyamashanũbũ bebũkiri shabakabi ha parananãshanaibukiri ẽ matu besuũbi banabimai nĩkakãwẽ— iwanã,

Lucas 17:23

Mã haskaya matu parãkĩ yuikĩ: “Nenu ma huaki, Cristorã”, ikasmai, “Unu ma huaki”, ikaibu nĩkabiatã hari hatu txibãyamashãkãwẽ.

Lucas 21:8

Jesusũ hatu yuikĩ: —Ẽ ana huriamakẽ haskai nuitapai taeshanaibu Deusũ yuini eskashãkanikiki. Shabakabi matu yuinũ nĩkakãwẽ. Ma ẽ hanu hua kemaya huni betsabu beshũ yuikĩ: “Ẽ Deusũ Messias Cristoki. Ea nĩkakãwẽ”, ikaibũ betsabũri yuikĩ: “Cristo dama huikiki. Matu uĩmanũ ea txibãkãwẽ”, iwanã, yuiaibu hatu nĩkayamashãkãwẽ, hau matu parãyamanũbunã.

João 1:26

hanushũ Jesuskiri Joãonẽ hatu yuikĩ: —Ikũ txanima henewẽ besti ẽ hatu naximakubainaii. Hamẽ ea dukũ ẽ kaĩbianikẽ ha huni betsa matube hiwebia mã unãriamarã, hawẽ kuxipawẽ ea binuhairaki. Haskawẽ taea earã, hawẽ tsumapã hawẽ daya ashũmis keska wakĩ ẽ hawẽ hawaumahairatũ eã merabewakĩ hawẽ bitxi tae meshpũ tsitsaushũ ẽ pekashũtirumaki— ikĩ

João 18:36

kemakĩ: —Earã, ẽ Shanẽ Ibu kayabiki. Mia yuinũ nĩkawe. Nenua hunibu shanẽ ibumisbu keskai ẽ shanẽ ibuamaki. Hakia ẽ kuxiparã, na nenu mai anua yurabũ xinaĩ hiweabu keskamaki. Hakia na, mai anua ẽ shanẽ ibuaya judeubũ ea atxishũ mia anu ea iweyamanũbũ ẽ tsumabu ewẽ taea nemakanai hatube detenamekeãkãshuki. Haskakẽ earã, ẽ Shanẽ Ibu kayabiki, nenuamarã. Ẽ hawa txakabu hayamaki— aka

Romanos 14:17

Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.