Lucas 15:5 - Kaxinawá Bíblia (BR)

⁵ Atimas ha benua betxituxitã benimakĩ iabirani

Kashinawa : Diosun Jesúswen taexun yuba bena yiniki

⁵ Atimas ja benua bechitushitan benimakin iabidani

Lucas 15:5 Referencias Cruzadas

Isaías 63:9

bika betsa betsapa mekĩ teneaiburã. Habu hau hatu hãtxashunũbũ Deusũ yunuismarã, haburã, hatu piskumamaki, ibubis Senhor Deusũ hatu wakinã. Senhor Deus nukuwẽ dabanã ikĩ nukuwẽ nuikinã, nuku mebikinãmiski, nuku mekeshũ nuku ikuai keska wakinã. Haska nuku ashũkubaĩmis keska wakĩ nuku ashũkĩ heneama ikũkainiki.

Ezequiel 18:23

Hunibu txakabu hatũ txakabuwẽ mawaibu ẽ betxipaiamaki. Hakia shinã betsa wakĩ hatũ txakabu henetã hiweaibu ẽ kupitiwẽ hawa dateama hau hiwekubaĩshanũbũ ẽ betxipaimiski. Ea Senhor Deusũ ẽ hãtxa txanimawẽ ẽ mestẽwaiĩ.

Miquéias 5:4

Ha huni kaini ewatã shanẽ ibu kaĩkĩ hawenabu mekekatsi hawẽ mekenika Senhor Deusũ kushipawẽ hawenabu mekekubaĩshanikiki, nuku unanuma hiwemakinã. Mai hirabi kesua anushũ Senhor Deus kẽwãkubainaibuwẽ taeshũ

Miquéias 7:18

Nukũ mekenika Senhor Deusuũ, minabu eskarabes tesheniwẽ nuikĩ mĩ hãtxa danãkĩ nũ txakabuwaima tere akĩ mĩ ana shinaĩsmawẽ taea Mekenika Yushĩ mia keska betsa tsua hayamaki. Nukuki sinatapakeama maĩtã haska mĩ nuku betxipaiai mĩ nuku uĩmamiski, nuku duawakubaĩkinã.

Lucas 15:32

Haskabiakẽ mĩ betsa mashku mawa keska ixiã ma ana hiwea keskaki. Uatiã benuxina ikis nũ ma betxiawẽ taea benimai nũ beyusi nawai pehairaii”— hatu watã

Lucas 15:4

—Tsuara mã 100 txashuwã hayatũ bestitxai benua ha 99 bai anu mapukẽ bestitxai benua mã benamiski. Haskamamẽ?

Lucas 15:6

mĩ hiwe anu hikitã mĩ haibuaibu inũ mia dapi hiweabu kenakĩ itxawashũ hatu yuikĩ: “Ẽ txashuwã benuarã, ma ẽ betxitanaii. Haskawẽ taea ebe benimahairakãwẽ”, akĩ mã hatu yuimiski.

Lucas 19:9

Jesusũ yuikĩ: —Earã, matũ Hutxi Kayabi Iuwatũ huni txakabu benua keska benabaũkĩ merabewanũ ika ẽ huniki. Na habiatiã na hiwe anu matũ mekenã ma matu anu hikishuki. Haskawẽ taea mĩ xinã betsa waya Deusũ minabube mia mekekubaĩshanikiki. Haska Abraãonẽ ikũwãpauni keskakĩ ikũwaĩ mĩ ma Abraãonẽ baba kayabiki— akaya

Lucas 23:43

Jesusũ yuikĩ: —Txanima ẽ mia yuiaii. Mĩ xinã betsa waiwẽ taea na habiatiã pe besti anu ebe ka mĩ hiwepakeshanaii— ikaya

João 15:11

Xinã txãkaĩ mã ebe benimahairanũbũ hawẽ benimati hãtxa ẽ matu yuiaii.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Efésios 3:7

Ha haska waniwẽ taea Deus duapa ewẽ nuikĩ hawẽ kaka pepa ẽ yusĩkubaunũ ea yununiki, haska wakĩ hawẽ kuxipahaira ea uĩmakinã.

2 Timóteo 2:26

Mĩ haska waya habu diabo Satanásã hatu beya wakĩ tsumawani habũ mia nemakubaĩxinabu besteã keskatã kaĩkaĩkĩ Jesus Cristokiri txanima hãtxa unãtã ana txakabu wakatsi ikama habũ Satanás mepãmabaĩtirubuki.

Hebreus 12:2

Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.

1 Pedro 1:5

Matũ xinãwẽ mã Deusũ kakape ikũwãkubainaiwẽ taea Deusũ hawẽ kuxipa paewẽ matu mekekubaĩkĩ haska yubakani hanu bari hawẽ heneaitiã haska matu pewashuni mã unãkubaĩmis ibubis hanu haki nukukĩ mã uĩshãkanaii.