Lucas 13:19 - Kaxinawá Bíblia (BR)

¹⁹ miyuiwẽ matu yusĩnũ nĩkakãwẽ. Hunĩ hawẽ bai anu mostarda heshe pesheixtabia banaima yumei ewai ewapaxina hawẽ mebiki peiyabu haki huĩrukuĩ utamisbuki. Deus shanẽ ibuirã, haska keskaki. Ha dukũ huni betsã Deusũ hãtxa ikũwãkĩ hawenabu yusĩakeakeaya hawẽ yusĩa nĩkakĩ abukĩ txibãmisbuki, itxapabunã— iwanã,

Kashinawa : Diosun Jesúswen taexun yuba bena yiniki

¹⁹ miyuiwen matu yusinun ninkakanwen. Junin jawen bai anu mostaza jexe pexeishtabia banaima yumei ewai ewapashina jawen mebiki peiyabun jaki juindukuin utamisbuki. Dios xanen ibuidan, jaska keskaki. Ja dukun juni betsan Diosun jancha ikunwankin jawenabu yusian akeakeaya jawen yusian ninkakin bechipaikin chibanmisbuki, ichapabunan— iwanan,

Lucas 13:19 Referencias Cruzadas

Isaías 53:1

haska nũ nĩkairã, tsuã ikũwãtirumẽ? Senhor Deusũ hawẽ kushiparã, tsua shabakabi ma uĩmaimamẽ?

Isaías 53:10

Senhor Deusũ hawẽ tsuma bika betsa betsapa hawena wamashanikiki. Nukũ txakabuwẽ taeshũ hawẽ hiwea yaushiama inãshanaiwẽ taea hiwea txaipa bitã bababu mirima uĩ hatuki nukushanikiki. Senhor Deusũ haska betxipai yubakani hawẽ tsumawẽ taeshũ haska tibi meneshanikiki.

Isaías 58:11

Mã haskakenã, earã, matube ketashamea matu mekekubaĩkĩ hanu buniaibutiã mã pinũbũ hanu tsua hiweabuma anu piti hamẽ ikai ẽ matu washũshanaii. Matũ yura babuaya ẽ matu ana kushipa washanaii. Mã mibã bana matu nashima keska wakĩ ẽ matu duawashanaii, txatxa ũpash hawa hene netsutima keska wakinã.

Isaías 61:11

Haska mibã mai anua hukuĩ peshei taemis keska inũ bai watã hawara heshe betsa banashinabu peshetã hukuĩ ewamiski. Haska keskari wakĩ Senhor Deusũ hawẽ kushipawẽ hawenabu hatu binumakĩ dasibi nawa shukuabu hatu kãtamakĩ kẽwãmashanikiki.

Isaías 9:7

Ha yumetã tsauirã, Davi shanẽ ibuni anu tsaushanikiki. Shanẽ ibuhairakĩ hawẽ kushipawẽ mai hirabi anu shanẽ ibukĩ tsuma keyubaũshanikiki. Hawẽ unanuma hiweaibu keyuama inũ hawẽ yunuti kushipa keyuama ipakeshanikiki. Ha shanẽ ibuhairairã, mestẽ tsuã maewakĩ tsekatiruma habias ipakeshanikiki. Deus kushipahaira dasibi binua hawẽ nui pae tsuã nuka watirumatũ nuku haska washũshanikiki.

Jeremias 31:12

Mati Sião anu bei benimai Israelĩ enabu kãtakubirãshãkanikiki. Senhor Deusũ hatu merabewa shekiwã trigo itxapa inũ, uva vinho inũ, piti sheni itxapa inũ, txashuwã nami itxapa inũ, ina awa nami itxapa hayawẽ taea benimahairakubirãshãkanikiki. Bai mibã bana uiã txa amis keska Israelĩ enabu hatũ kushipa hawa ana benuama ikubaĩshãkanikiki.

Daniel 4:12

Hawẽ pei hawẽrua inũ hawẽ bimi mirimahaira dasibi yurabu inũ yuinakabũ pibiabu teshetiruki. Hawẽ pei namã yuinaka utatirubu inũ hawẽ mebi tibi anu isapã na wakubaini ha hiwẽ dasibibu hiwekubainaibũ ha hi haskaraya haskaratirubuki.

Daniel 4:21

inũ hawẽ pei hawẽrua inũ hawẽ bimi mirimahaira dasibibũ pibaũtirubu hanu yuinaka utamisbu inũ hawẽ mebi tibi anu isapã na wamisburã,

Mateus 17:20

Jesusũ nuku yuikĩ: —Ea ikũ kayabihairawariama mã atiruma ishuki. Txanima hãtxa ẽ matu yuiai nĩkakãwẽ. Mostarda hawẽ heshe pesheixtabia banabu ewai hi ewapamiski. Habiaskari wakĩ ea ikũ pixtawabiakĩ ẽ kuxipa xinãkĩ na mati yuikĩ: “Nenua maei betsa anu katãwẽ”, mã wa matu nĩkatã ha mati maetiruki. Hamẽ ea ikũ kayabi wakĩ dasibi mã haska atirubuki— nuku watã

Marcos 4:30

ana Jesusũ hatu yuikĩ: —Deus shanẽ ibu haska keskamiskiri miyui betsawẽ ana matu yusĩnũ nĩkakãwẽ.

Lucas 17:6

hanushũ Jesusũ hatu yuikĩ: —Mã ea ikũwaĩnã, mostarda heshe pesheixta keska mã hayaki. Haska keska hayabũ na hi yunukĩ: “Nenua mĩ tatxa betsekekaĩ unu iãnẽwã nemaki ni maewe”, mã aka matu nĩkatã itiruki— iwanã,

Hechos 2:41

hanushũ ha shabatiã hawẽ hãtxa nĩkakĩ ikũwãkĩ xinã betsa waibu 3.000 yurabu naximabu hati ana hatubetã ikũwaĩ hatuki dasinibukiaki.

Hechos 21:20

nĩkabaikĩ hanushũ Deus kẽwãtã habu betsã Paulo yuikĩ: —Nukũ betsaã, mia yuinũ nĩkawe. Nukunabu judeubu mirimabũ Jesus ma ikũwãbiakĩ hawẽ nemati inũ hawẽ yunuti Moisés nukũ shenipabu yusĩni meke pewashũ henekatsi ikama txibãpakemisbũ

Hechos 4:4

ha haskaibutiã itxapabũ habũ Pedrõ hãtxa nĩkakĩ kaka pewẽ taeshũ Jesus ikũwãkĩ taewaibu hatu tanakĩ aĩbu tanama hunibu besti 5.000 tananibukiaki.

Romanos 15:19

Deusũ Yushĩ Pepatũ kuxipawẽ hawara atimaska yurabũ atirubuma dami betsa betsapa haskabiamawakĩ ea wama ẽ akeakeaya hawẽ taea kuxipakĩ kakape Jesus Cristokiri hatu yusĩkinã, haska Israelbuma betsa betsapaburi ẽ hatu txibãmakubainima besti ẽ matu yuiaii. Hanushũ taewakinã, Jerusalém mae anushũ ẽ taewaxina mae tibi iake iaketãkaini hari mai pakea betsa Ilírico anu ẽ txĩtũtãyamaki.

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ