Lucas 12:56 - Kaxinawá Bíblia (BR)

⁵⁶ Beparamemisbuũ, haska ui inũ niwe bemis unãbiamisshũ hanu txakabu betsa betsapa kaĩakeakeai uĩbiakĩ haskai mã hiwea matu kupishanai mã unãmamẽ?— iwanã

Kashinawa : Diosun Jesúswen taexun yuba bena yiniki

⁵⁶ Bepadamemisbuun, jaska ui inun niwe bemis unanbiamisxun janu chakabu betsa betsapa kaiankeakeai uinbiakin ¿jaskai man jiwea matu kupixanai man unanmamen?— iwanan

Lucas 12:56 Referencias Cruzadas

Malaquias 3:1

Senhor Deus kushipa dasibi binu keyuatũ matu yuikĩ: “Ẽ hãtxa bunika ea bebũ ẽ nitxĩshanaii, hau hatũ ẽ hanu kashanai bebũkiri hau ea bai pewashũshanunã, ikĩ Senhor Deus ẽ matũ shanẽ ibu mã ea benakubaĩmisbu hanu eki nukuti Templo anu hawairakaĩ ẽ hikishanunã. Haska ẽ yubakani ẽ hãtxa matu bushuĩ ma kaikiki, ha uinũ ika mã ikubainaiburã”, ikaya

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

Mateus 11:25

hanua Jesus xinã txãkaĩ benimakĩ yuikĩ: —Epaã, nai inũ mai hirabi minaski. Mĩ duapa hãtxa ha unãnepai kẽmisbu mĩ hatu unãmama habu keĩsbuma besti mĩ hatu unãmakubainaiwẽ taeshũ ẽ mia kẽwaiĩ— iwanã

Mateus 16:3

Hanua penayari yuikĩ: “Ikis nai taxipa ma nai kuĩ mexu mexuikiki. Natiã ui bekatsis ikikiki”, ikĩ haska ui inũ niwe bemis unãbiakĩ hanu hawẽ txakabu kupititiã ma kemai ẽ matu yusĩtxakayamabiakubaina hawẽ unãmati mã uĩtirumamẽ?

Mateus 6:2

Haskakẽ nuitapaibu mã merabewairã, tsua hatu banabimakĩ shabakabi hatu uĩmakĩ pawayamakubaĩshãkãwẽ. Hakia habu beparamemisbũ nuitapaibu hatu merabewakĩ hau yurabũ ea kẽwãnũbũ, iwanã, itxati hiwe anushũ inũ bai namakishũ hawara hatu inãkĩ shabakabi wamisburã, yurabũ manakuti ma hayabuki. Haskawẽ taeshũ ikũ kẽmisbu Deusũ ana hatu kẽwãma ishãkanikiki.

Gálatas 4:4

Deus yubakakĩ hanu hawẽ bake yunutiwani menekĩ Deusũ hawẽ bake yunua hua aĩbukia kaĩtã Moisés yusĩniwẽ yumetã hatũ Moisés yusĩni txibãkĩ ha yurabu hawẽ mekeaibu hatũ kupiti nuku bishuãyã txanima kayabi Deusũ bakebu benimai nũ pepashanũbũ hawẽ bake shabakabi dami watã tashnimaniki.