Lucas 12:17 - Kaxinawá Bíblia (BR)

¹⁷ hawẽ xinãnẽ xinãkĩ: “Ẽ shekiwã mirima ẽ hani arutirumaki. Haska washãpa?” iwanã,

Kashinawa : Diosun Jesúswen taexun yuba bena yiniki

¹⁷ jawen shinanen shinankin: “En xekiwan midima en jani adutidumaki. ¿Jaska waxanpa?” iwanan,

Lucas 12:17 Referencias Cruzadas

Isaías 58:7

Tsuabura buniaibu matũ piti pashkashũ hatu pimakãwẽ. Nuitapai hiweuma mapuabu matũ hiwetã hatu ishũ hatu ushãkãwẽ. Tsuara tariuma matũ tari betsa hatu sawemakãwẽ. Minabu kayabi hatu merabewakĩ heneyamakubaĩkãwẽ.

Mateus 16:7

xinã pewama nũ hawẽ tsumabu yuinamei: —Nũ misi beama ishukẽ nuku haska yuikiki— nũ ikaya

Mateus 5:42

Ha inũ, yura betsa nuitapai hawa hayama mĩ mabu biyukatsi mia yuka yauxiama inãyukubaĩshãkãwẽ— iwanã,

Lucas 10:25

mapushũ nĩkaibũ Moisés keneni yusĩnanãmistũ Jesus unãti wanũ ika benikawã yukakĩ: —Yusĩnaã, hiwea kayabi bikatsi ikĩ Deus benimawakĩ haska washãpa?— aka

Lucas 11:41

Ha inũ, ha dukũ matũ xinã pewatã Deus duawakatsi ikĩ yauxiama nuitapaibu inãkuĩ mã pepakũkaĩshanaii.

Lucas 12:16

hanushũ haskakiri miyuiwẽ hatu yusĩkĩ —Huni betsa mabu mirimayatũ hawẽ bai anu yunu betsa betsapa washũ itxawatã

Lucas 12:18

“Ẽ xinãnã, ẽ shekiwã aruti betsa betsapa apakĩ keyutã ana hanu aruti hiwe ewapa wakĩ hanu ẽ shekiwã inũ ẽ mabu ẽ arushanaii”.

Lucas 12:22

hanushũ Jesusũ hawẽ tsumabu besti ana yuikĩ: —Eska bestiwẽ taea matũmebi mã hamapaiwẽ dabanã imisbukiri matu yusĩnũ nĩkakãwẽ. Hiwe bestia pepakũkaĩnũ ika piti pi inũ tari sawenũ ika hawẽ dabanã iyamakubaĩshãkãwẽ. Hiwea hayairã, pitiwẽ besti mã itirubumaki. Yura hayairã, tari sawe bestinũ ika mã itirubumariki. Haskakẽ ha dabewẽ taea mã hiwenũ Deusũ matu hiwea inãma iniki.

Lucas 12:29

Haskakẽ yura dasibibu mai hirabi anuabu piti inũ tariwẽ kemukĩ benakubaũmisbuki. Hakia maturã, mã betsaki. Matũ Epã matu unaĩwẽ taea ha piti inũ tari mã bikatsis imisrã, ana has xinaĩ hawẽ dabanã iyamakubaĩshãkãwẽ.

Lucas 12:33

Matũ mabu hawara ma hayawẽ nuiama matũ mabu betsawẽ pei bitã hawẽ nuitapaibu merabewakubaĩshãkãwẽ. Hamẽ ha pei matũ kapãkãki mã arua yumetsubũ bibaĩtirubuki. Ha inũ, hawẽ masãnẽ pesa pesa atiruki. Hakia matũ pei yauxiama mã inãnanãmisbu pewẽ matu kupikĩ nai anua hawa txapui keyuisma Deusũ matu inãshanikiki.

Lucas 16:3

hawẽ mabu mekeshunikatũ xinãkĩ: “Ẽ tsumapã ea nitxĩainã, haskashãpa? Ẽ yura ma ẽ babu bai anu pukĩ ẽ dayatirumaki. Ha inũ, hamapai hatu ea abauni ẽ daketapakaũtirumaki, pei ea ikirã.

Lucas 16:9

Haskawẽ taeshũ mabuyatã mã haskakubaĩshanũbũ matu yusĩnũ nĩkakãwẽ. Mabuwẽ kemua mesebiakẽ ha mabu mã hayawẽ merabenãkĩ yurabu haibuwakĩ mã beyawatirurã, yurabube inãnãnaĩ pepashãkãwẽ. Matũ mabu keyuaya hanua mã ea txibãkĩ haska hatu ashũmiswẽ taea Deus matuwẽ benimakĩ nai anu hiweti kayabi inãkĩ matu manakushanikiki.

Lucas 18:22

nĩkatã Jesusũ uĩ hawẽ nuikĩ ana yuikĩ: —Mĩ pe ea yuiaii. Na besti mĩ xinãriamaki. Mia yuinũ nĩkawe. Nai anua Deusũ manakuti pepa bikatsis ikĩ mĩ hawara dasibi mĩ haya hatu inã keyutã ha pei mĩ bixiã ha nuitapaibu inãkuĩtã txĩtuãma ebe kakĩ ea txibãkubaĩshãwẽ. Mĩ haskakũkainaiwẽ taeshũ hiwekuĩa mĩ bishanaii— aka

Lucas 19:17

hawẽ shanẽ ibũ yuikĩ: “Pehairaki. Mĩ ẽ dayanika pepaki. Eskarabes mĩ pe mekexinawẽ taea mia manakukĩ dez mae hati mekei ea shanẽ ibushũyuwe”, akaya

Lucas 3:11

Joãonẽ hatu yuikĩ: —Deus daewakinã, mĩ tari dabeyarã, ha nuitapai tariuma mã betsa inãtiruki. Ha inũ, mĩ pitiyarã, yura betsa piti hayama mã betsa inãtiruki— iwanã, hatu yuikubainaya

Hechos 16:30

hanushũ kaĩmatã hatu yukakĩ: —Shanẽ ibubuũ, hanu kupiaitiã ẽ Deus daewakatsis ikaii. Haskapa, hau ea mekeshanunã?— hatu wa

Hechos 2:37

hanu hatube itxabũ nĩkai haskatimẽ? ika hatũ huĩti nixmahairai bika tenekĩ xinãkĩ Pedro inũ Jesusũ tsuma kuxipaya betsabu hatu yukakĩ: —Betsabuũ, haskatã nũ haskatirumẽ?— hatu wabu

Romanos 12:13

Ha inũ, matubetã ikũwaĩ betsabu mabu yupaibu hawara mã haya pashkashũkĩ hatu merabewakubaĩkãwẽ. Ha inũ, ikũwaĩ betsabu haniara matuki bai beabu matũ hiwe anu ishũ pimatã hatu ushãkubaĩshãkãwẽ.

1 Timóteo 6:17

Tsuãra ikũwaĩ hawẽ pei inũ hawẽ mabu itxapa hayabũ xinaĩ: “Natiã ẽ mabu ẽ hayawẽ ẽ hawẽ hiwei peaki”, ikĩ hau ana haskakiri xinaĩ hawẽ kẽyamanũbũ hatu yuiwe. Ha haskakiri xinãmisburã, hatũ mabu txapumiswẽ hatu mestẽwãtã hiwematirumaki. Haskakẽ uatiã imisbu haska xinãma hakia natianã, Deusũ nuku benimawakĩ hatũ hamapai betsa betsapa yauxiama nuku inãkubaĩmis haska besti bi hau hiwekubainũbũwẽ.

1 João 3:16

Nũ nui kayabi haya nũ tapĩtirurã, haska Jesus Cristo nukuwẽ dabanã hawẽ hiwea nuku inãni nũ xinãtirubuki. Haskawẽ taea nukubũri nukũ betsabu nũ hatu abukayabiai nũ hatu uĩmatirubuki.