Lucas 12:1 - Kaxinawá Bíblia (BR)

¹ Hanushũ Jesus haska waibũ ana mirimahaira haki itxabu hani ni peshũ nĩkatirubumabia nĩkaibũ Jesusũ haki txiti ikabus dukũ yusĩ taewakĩ yuikĩ: —Fariseubu yusĩnanaĩ beparamemisbu misi shasha wati keskabuki. Hatũ yusĩa matuki hikitã matu kanematiruki. Hatũ yusĩa uĩrakãwẽ.

Kashinawa : Diosun Jesúswen taexun yuba bena yiniki

¹ Januxun Jesús jaska waibun ana midimajaida jaki ichabu jani ni pexun ninkatidubumabia ninkaibun Jesúsun jaki chiti ikabus dukun yusin taewakin yuikin: —Fariseobu yusinanain bepadamemisbu misi xaxa wati keskabuki. Jatun yusian matuki jikitan matu kanematiduki. Jatun yusian uindakanwen.

Lucas 12:1 Referencias Cruzadas

Isaías 33:14

Sião anu huni txakabu hiweshũ txakabuwamisbu datei habu saki saki ikaibũ habu patapai txakabumisbu date paepakĩ habũ yuikĩ: “Deusũ txiwẽ nuku kupikĩ yamawai inũ hawẽ txi nukaisma ikibi ikanurã, nukuburã, tsuabu nũ hari hiwetirubumẽ?” ikaibũ

Lucas 11:44

Maturã, mã beparamemisbuki. Matunabu yusĩ txakakĩ hatu parãkĩ mã hatu kanemakubaĩmisbuki, tsuara mawa maiwanibu anu nitimabiakẽ unãma hamamaki haki paia keskakinã— akaya

Lucas 12:56

Beparamemisbuũ, haska ui inũ niwe bemis unãbiamisshũ hanu txakabu betsa betsapa kaĩakeakeai uĩbiakĩ haskai mã hiwea matu kupishanai mã unãmamẽ?— iwanã

Lucas 5:1

Hatu yusĩkubaũtani Galiléia iãnẽwã ketãkubaini kakĩ hawẽ kena betsa iãnẽwã Genesaré anu niti ishũ hatu yusĩayã Deusũ hãtxa nĩka pewakatsis iki haki mirima itxakĩ teshke akabu

Lucas 5:15

yura betsabũ Jesusũ haska wakĩ akaikiri txanibaunaibu nĩkatã hawẽ hãtxa nĩkakatsis iki inũ hau hatu shushawanũ bari tibi Jesus anu bebirã bebiranaibu hatu shushawapakei

Lucas 6:17

Hanushũ 12 hunibu katutã hatu iwei bututã mawa tenãmã pãpanushũ haki txiti ikabu Jesusũ yusĩnũ ika tsaukẽ habianuri habũ txibaĩbu inũ mirima yurabu Judéia anua inũ, Jerusalém anua inũ, iãnẽwã kesha betsa Tiro inũ Sidom anua hawẽ hãtxa nĩkatanũ ika bekĩ isĩ teneaibu hatu kayawamakatsi iwexinabu haki dasiabu isĩ teneaibu shushawakĩ yushĩ txakabũ hatu nuitapawai kaĩmakĩ hawẽ kuxipa hanua kaĩkĩ Jesusũ hatu kayawaya uĩ abukĩ Jesus mekatsis ikaibũ

Hechos 21:20

nĩkabaikĩ hanushũ Deus kẽwãtã habu betsã Paulo yuikĩ: —Nukũ betsaã, mia yuinũ nĩkawe. Nukunabu judeubu mirimabũ Jesus ma ikũwãbiakĩ hawẽ nemati inũ hawẽ yunuti Moisés nukũ shenipabu yusĩni meke pewashũ henekatsi ikama txibãpakemisbũ

1 Coríntios 15:3

Haska dukũ eã unãkĩ tapĩnishũ ẽ matu yusĩtanirã, eskaki, nĩkairakãwẽ. Haska Deusũ hãtxa yuishunikabũ kene tibiwẽ yuini keskai yusĩkĩ: “Nukũ txakabu buanũ ika Messias Cristo mawashanikiki”, inibu haska kenenibu meneni keska nũ matu yusĩkubaĩtaniki.

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.

Santiago 3:17

Hakia haska Deus anua huai haya hawẽ unãnepakĩ akirã, mã eskatirubuki. Matũ yura mã shanẽ ibubia matũ xinãwẽ shanẽ ibukiri xinãma hatu binukatsi ikama pe besti ikũkaini shabakabi mã hatu uĩmatirubuki. Ha dikabi duapai inũ, hatuwẽ nuikĩ betsabu hãtxai nemama nĩkamis inũ, daewanika inũ, betsabuwẽ nui merabenã bestimis inũ, beparameama dasibi hatu merabewamis inũ, txanima yui kayabimis inũ, yurabu paraĩsma inũ, Deus txibaĩ txĩtuãma inũ, pepas besti katui unãnepabu mã hiwetirubuki.

1 Pedro 2:1

Haska inũ, hamapai txakabu tibi mã akeakemis inũ, mã parananãmis inũ, mã beparamemis inũ, tsuara hawara pepa hayakẽ mã haskatiruma xinaĩ mã hatuki sinatamis inũ, hawara yura betsa ikai uĩtã matunamabia hawẽ taea mã yuãnanãkeakemis ana haskakiri xinãma henerikubaĩkãwẽ.