Lucas 11:42 - Kaxinawá Bíblia (BR)

⁴² Fariseubuũ, mã peirawa! Matunã, mã kanekubaĩmisbuki. Matũ piti nis wati itxawashũ maspu mekẽ dabeti washũ bestitxai Deus kẽwãti hiwe anu dayanikabu merabewakĩ mã hatu inãkuĩmiski. Haska pewabiai haska Deusũ hãtxa Moisés yusĩni mã xinãma hawara hawẽ pepawati inũ hawẽ nuiti inũ hawẽ hãtxa betsa watima yunubianikẽ matubu hawẽ hiwekĩ mã hatu uĩmaismaki, kanekinã.

Kashinawa : Diosun Jesúswen taexun yuba bena yiniki

⁴² Fariseobuun, man peidawa! Matunan, man kanekubainmisbuki. Matun piti nis wati ichawaxun maspu meken dabeti waxun bestichai Dios kenwanti jiwe anu dayanikabu medabewakin man jatu inankuinmiski. Jaska pewabiai jaska Diosun jancha Moisin yusini man shinanma jawada jawen pepawati inun jawen nuiti inun jawen jancha betsa watima yunubianiken matubu jawen jiwekin man jatu uinmaismaki, kanekinan.

Lucas 11:42 Referencias Cruzadas

Provérbios 21:3

Hiwei pekaĩkĩ Deusũ yunuti kushipa inũ dasibi haska betxipaiai tibi tsuãra hawẽ yunua ashuainã, daewakĩ inabu kuashũmisbu binuhairamiski.

Miquéias 6:8

Hunibuũ, Senhor Deus daewakĩ mã haska watirumahairaki. Hawara pepakiri Senhor Deusũ ma matu yuinishũ matu manaikiki. Hawẽ yunuti kushipa kaneama inũ, pepa aki betxipainamei yura betsabuwẽ nuikũkaini inũ, ibubis keãma matũ mekenika Deusũ hãtxa nĩkakĩ ha besti txibãkubaĩkãwẽ, matu waniki.

Malaquias 1:6

Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

Malaquias 2:17

Senhor Deusũ matũ hãtxa nĩkai ma matuki txikishi hatsãhairabiakẽ nĩkamas matũ ana yukakĩ: “Nuku nĩkai hau hatsanũ hawa nũ hãtxa txakabu yuiai?” iwanã, mã yukakubainaii. Hakia matũ yuikĩ: “Nũ txakabu wabiaya Senhor Deus nukuwẽ benimaikiki, shinã txãkainã”, iwanã, hãtxakĩ mã yuikubainaii. Hakia matuburã, Deus pepama dabanẽ mã ikũkainaii, hawa ikũwãmarã.

Malaquias 3:8

eãri matu yukakĩ: ‘Huni parananãkĩ tsuã Deus anua yumetsutirumẽ?’ mã ea wa matu kemakĩ: Txanima mã ea parãkĩ meribi betsa enabiakẽ mã ea yumetsũmisbuki. Haskabia mã ea ana yukakĩ: ‘Hawa mia parãkĩ nũ mia yumetsumismẽ?’ mã ea wa ẽ matu yuiai ea nĩkakãwẽ. Hawara hau ea menushũbũ inũ, matũ bai anushũ ma tseka meribi dízimo ea inãti inũ, ea inãkuĩti enabiakẽ yaushikĩ eskarabes ea inãkĩ mã ea yumetsukubaĩmisbuki.

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.

Mateus 23:23

Deusũ hãtxa kenenibu yusĩnanãmisbu inũ fariseubu mã beparamemisbuũ, mã peirawa! Matũ piti niswati tibi itxawashũ mekẽ dabeti mãtxĩwãtã Deusbe nukunabu hãtxashunika mãtxĩ betsa inãbiakubaĩmis haska Deusũ hãtxa Moisés yusĩni mã xinãma hawara hawẽ pepawati inũ hawẽ nuiti inũ hawẽ hãtxa betsa watima yunubianikẽ matubu hawẽ hiwekĩ mã hatu uĩmaismaki, kanekinã.

Mateus 23:27

Hanua maturã, Deusũ hãtxa kenenibu yusĩnanãmisbu inũ fariseubu beparamemisbuũ, hunibũ pewakĩ hanu mawabu maiwamisbu mixki tãpe hawẽrua wanũ, iwanã, bemakis hushupawẽ dapushmisbuki. Hakia uke merã shau inũ nami txapui pisi maiai mania tsuã meisbuma

Lucas 18:12

Ha inũ, semana tibi shaba dabe mia kẽwaĩ ẽ samakemiski. Ha inũ, hamapai dayakĩ bishũ mekẽ dabeti pashkatã bestitxai mĩ kẽwãti hiwe mekenikabu ẽ inãkuĩmiski”, iki ibubis keãyã

João 5:42

Hamẽ eãnã, ẽ matu unaiĩ, Deus nuimis keska hayama mã ikũkainairã.

1 João 4:20

Haratura ikũwaĩ betsa habe ikũwaĩ habe uĩnanãbiai habe abunameamarã, habiaskariai Deus nũ uĩyamaberi abunametirubumaki. Haskawẽ taea tsuãra yuikĩ: “Deus ẽ abuaii”, ibiai samama ikũwaĩbu betsa danaĩ habe dakekenaĩnã, ha huni txani txakaikiki.

1 Samuel 15:22

hanushũ Samuelĩ yuikĩ: “Senhor Deusũ betxipai benimamisrã, nũ ha nĩkakĩ nũ ashuaĩ besti betxipaimiski. Hamẽ ha inabu sheni menukĩ keyushũmisbu inũ hawẽ kẽwãti nami pitxãshũ pimisburã, hawẽ Senhor Deus benimai beshmasmiski. Habũ Senhor Deus nĩkakĩ ashũkubaĩmisburã, habuwẽ benimahairamiski, txashuwã sheni inũ hawẽ nami menukĩ keyushũmisbu binuarã.