Lucas 1:46 - Kaxinawá Bíblia (BR)

^46-48 hanushũ Mariãri yuikĩ: “Ẽ hawẽ tsuma beshmas hairabiakẽ Deusũ ea xinãkĩ ea katuxinaki. Haska inũ, dasibibũ xinãkĩ: ‘Deusũ Maria xinã txãkãwãmiski’, iwanã, ekiri yuikubaĩshanaibuwẽ taea ẽ mekenã Deus kuxipawẽ taea huĩti benimakĩ ẽ Shanẽ Ibu Deus ẽ kẽwaiĩ.

Kashinawa : Diosun Jesúswen taexun yuba bena yiniki

^46-48 januxun Maríandi yuikin: “En jawen tsuma bexmasjaidabiaken Diosun ea shinankin ea katushinaki. Jaska inun, dasibibun shinankin: ‘Diosun María shinan chankanwanmiski’, iwanan, ekidi yuikubainxanaibuwen taea en mekenan Dios kushipawen taea juinti benimakin en Xanen Ibu Dios en kenwaiin.

Lucas 1:46 Referencias Cruzadas

Isaías 45:25

Ewẽ taea dasibi Israelĩ enabu hamapai txakabu binu keyutã ewẽ keĩ benimashãkanikiki”, ikaya,

Isaías 61:10

Haskakiri Senhor Deus yubakakũkainaiwẽ taea ea ẽ shinã txãkaiĩ. Hawẽ meketi haya ea inãkĩ piskumatã hawẽ yunuti kushipawẽ ea mekekĩ binumakĩ ea duawakubainikiki, huni aĩyãkatsi iki hawẽruakĩ maiti pepa sawemis keskai inũ aĩbu beneyanũ, iwanã, hawẽruakĩ dauti betsa betsapawẽ daumis keskairã. Haskawẽ taea ẽ Deuswẽ ẽ benima txakayamaii.

Romanos 5:11

Natiã nukũ Shanẽ Ibu Jesus Cristõ hawẽ Epa Deus hatũ nuku haibu wamakĩ daewamani unãnuma hiwekĩ txanima hawẽ taeshũ benimakĩ Deus nũ kẽwãkubainaii.

1 Coríntios 1:31

Nuku haska wanũbariaikiri bebũkiri Jeremiasĩ keneni nĩkairakãwẽ: “Tsuabũra kẽwaĩ hamebi keãma nukũ Yavé Deus besti hau kẽwãkubainũbũwẽ”, iniki.

2 Coríntios 2:14

Hakia Cristoki nũ dasia nũ hawenabukẽ hamapai bika Deusũ nuku habetã binumakubaĩmiski. Ha inũ, nukuwẽ hawẽ kakape yurabu Cristokiri mae tibi anua yusĩmakĩ nuku hatu unãmamiski. Nukuburã, nũ nis hawẽrua keskabuki. Haskawẽ taeshũ Epa Deus kẽwanãkãwẽ.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

Filipenses 4:4

Nukũ Shanẽ Ibu ikũwaĩnã, benimarikãwẽ. Ana habias ẽ matu yuaii. Heneama benimarikãwẽ!

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

1 Pedro 1:8

Haska inũ, Jesus Cristo uĩyama ibiani mã abuhairaii. Ha inũ, natiã uĩyama ibiani mã ikũhairawariaii. Haska benima pae mã haya hãtxawẽ besti ha benima pae tsuã haska tashnimatirumaki.