Juízes 15:15 - Kaxinawá Bíblia (BR)

¹⁵ hawẽ mekẽ anu hawa tsumamabia jumento kui txapuriama shetaya daka betxitã hawaira bitã hawẽ hatu detebaũkĩ 1.000 Filisteu nawabu tenãtã

Juízes 15:15 Referencias Cruzadas

Hebreus 11:34

Betsabu itxakawakĩ tenãnũ, iwanã, txi merã hatu putabu Deus ikũwãkĩ hawẽ kuxipawẽ txi nematã hawa menuama kaĩnibukiaki. Betsabu nupe hawẽ detenameti bestiwẽ hatu detepanãbũ Deus ikũwaĩbuwẽ taea pashanibukiaki. Haskakẽ huĩti babubũ ikũhairawakĩ taewaibu Deusũ hatu kuxipa wakubainaya nawabũ Deusũ enabuki sinataibu detekatsis ikaibu maemakĩ hatu pashamanibukiaki.

Josué 23:10

Haska matu yubani keska wakĩ matũ mekenika Senhor Deusũ hatu itxakawamiswẽ taeshũ matu bestitxaitũ 1.000 hunibu mã nitxĩtiruki, hatu kushimabaĩkinã.

Juízes 15:16

haska hatu washukiri yuikĩ: “Jumento kuiwẽ yurabu detekĩ ẽ hatu mãtxĩ dabe inũ besti washuki. Jumento kuiwẽ 1.000 hunibu ẽ tenãshuki”, itã

Juízes 15:17

jumento kui hanu putabaĩ kenakĩ: “Na matirã, Ramate-Leíki”, anikiaki, nukũ hãtxawẽ yuiarã “Jumentõ Kui Matiki”, akinã.

Juízes 4:21

hĩ ikirana punu nukatã usha txakayamakẽ hawẽ tari hiwe pũteti hi kenuhairatã hawẽ mastakĩ hawẽ mestẽwãkĩ neshamisbu betsa bitã hawẽ mastatiri bishũ Sísera anu unãshubira kakaĩ hawa banawama ha dakanu mebaũkĩ hawẽ bushka unãtã hi kenuhaira Síserã ishpushku anu timashũ unãshubima hawẽ mastakĩ hi kenuhairawẽ bushka pesabaĩ maiki seuwa Sísera hawaira mawakẽ

Juízes 7:16

hawẽ 300 hunibu pashkakĩ shuku dabe inũ besti hatu watã huni tibi txashuwã mashũ puri ati inũ shumu shaka Gideãonẽ hatu inã dasibibũ shumu merã bĩ dekutã huneshũ buaibũ

1 Samuel 14:14

habu dukũ tenã taewakĩ hanu kesheabu anu mae hatiuma anushũ Jônatas inũ hawẽ tsumapã 20 hunibu hawaira hatu detekĩ tenãbu

1 Samuel 14:6

hanushũ hawẽ merabewanika Jônatasã yuikĩ: —Filisteu nawa detenamenikabu hawa nukũ Deus unãbuma anu hatuki kemai ukeri kesha betsauri kawanãwẽ, Senhor Deusũ nukuwẽ taeshũ nuku merabewatirumẽkainã. Senhor Deusũ hawẽ maemati kushiparã, hawa bikamaki. Huni itxapawẽ kasmai huni eskarabeswẽ Senhor Deusũ nuku hatu maemamatiruki— aka