Juízes 15:14 - Kaxinawá Bíblia (BR)

¹⁴ mae Leí anu hawenabũ Sansão Filisteu nawabu hatu iyushunabu betxibirani hatuki nukui hatũ tari hiwe anua kaĩbirani benimahairai sai sai ibiranaibũ Senhor Deusũ Yushinĩ Sansão kushipawaya hawẽ pũyãyabi hawẽ mekẽ dispiwẽ neashũ iweabu dasibi tesekaini dispi menua keskai niri iki keyuaya

Juízes 15:14 Referencias Cruzadas

Êxodo 14:3

Mã haskaya Faraónẽ matukiri shinãkĩ: ‘Txĩtũ keshtukũkaini hani kati unãma ma benuabuki. Hanu tsua hiweabumanu bui hani butirubumaki’, ikĩ matu shinãshanikiki.

Êxodo 14:5

“Israelĩ enabu ma pashashinabuki”, akĩ Egito nawa shanẽ ibuhaira Faraóki txaniabu hawẽ shanẽ ibu beshmasbubetã Faraónẽ shinã betsawatã: “Nũ hawa shinãmakẽ pashaibũ nũ hatu nemama ishiãki. Nuku tsuã ana dayashũtirumaki”, iki yuinamea akeakeaibũ

Miquéias 7:8

Eki sinataibu Israel anuabuũ, ẽ txakabuwẽ taea ibubis ẽ bika teneai uĩ ewẽ benimayamakãwẽ. Ẽ di ibiaima ẽ ana benikauãshanaii, txakabu meshu keskatũ ea atxibiabaũkẽ Senhor Deus ẽ shaba keska ẽ mekenã txashakapaki.

Filipenses 4:3

Haska inũ, miarã, mĩ txĩtuĩsmawẽ taeshũ mia yununũ nĩkawe. Nukũ pui dabe Evódia inũ Síntique ea hatu merabewashũshãwẽ, hau daenamenũbunã. Clemente inũ merabenanika betsabu ha aĩbu dabebetã Cristokiri kakape ẽ yusĩayã habũ ea putama ea merabewai bika teneriakubainibuki, haburã, hatũ kena tibi ha hiwekuĩti unaki ma hatũ kena Deusũ hatu kenekĩ netãnikirã.

Juízes 14:19

hanushũ Senhor Deusũ Yushinĩ Sansão kushipawakẽ Filisteu nawabũ mae betsa Asquelom anu kashũ 30 hunibu hatu detekĩ tenãshũ hatũ beyusti tari pepa hatu biãshũ bushũ hawẽ hunea unãmati hãtxa tapĩtã habũ yuishinabu haska hatu yubashina ha tari hatu manakukĩ inãkĩ keyutã sinatahairai hawẽ epã hiwe anu txĩtũkaĩkẽ

Juízes 14:6

Senhor Deusũ yushinĩ Sansão kushipawa hawẽ mekẽ anu hawa tsumamabia leão atxishũ hawẽ pabu tibi tseka tseka akĩ tenãkĩ cabra bake pishta akawa hanua ana kai Timna anu hawẽ ibubuki nukutã leão detebirãshukiri hawa hatu yuiama

Juízes 15:13

Sansão yui pewakĩ: —Txanima nukũ nũ mia deteamaki. Filisteu nawabu mia inãkatsi nũ mia atxi bestinũ ika hushuki— atã atxitã dispi bena dabewẽ hawẽ mekẽ dabe petxiuri neakĩ yurayabi nea mestẽwãtã hanu hunea hiwea anua tashnimabirãkĩ iwekĩ

Juízes 15:9

Jacó bake Judá enabũ maiwã pakea anu Filisteu nawa huni itxapabu bushũ hatũ mae betsa Leí dapi hatũ tari hiwe pũtebaunabu

Juízes 16:12

ana ushahairariakẽ hawẽ hiwe anu huni kushipa itxapa ana hatu huneriatã Dalilã dispi ewapa benahaira bishũ Sansão daneakĩ pehaira watã hui kushipawẽ kenakĩ yuikĩ: —Sansãonẽ, Filisteu nawabũ mia atxinũ ika bekanikiki— aka bestẽkauãkĩ habiaskari wakĩ dispi ewapa benabiakẽ liã mesi pishta keska wakĩ hawaira ana tesa keyuriakẽ habũ atxinũ ikaibũ uĩtã tashniabumakẽ

Juízes 16:24

hawenabũ kẽwaĩ yura itxapabũ uĩ bekĩ hatũ yushibu habũri kẽwaĩ kãtakĩ yuikĩ: “Sansão nukuki sinatakĩ nukũ bai menukĩ yamawashũ nuku itxapa tenãkĩ keyuima nukũ mekenika yushibubũ nuku atximaimaki”, ikaibũ

1 Samuel 10:10

hanua hawẽ dayarube Saul Gibeá ma kemai kai Deusũ hãtxa yuishunikabu benimabirani Saulki nukuabu Deusũ yushinĩ Saul betsa wakĩ kushipa wa nishi paewẽ paeã keska benimakĩ hatubetã Saulũ Deus kẽwãkubainaya

1 Samuel 10:6

Hatuki mĩ nukukẽ Senhor Deusũ yushinĩ mia kushipawaya Deusũ hãtxa yuishunikabu paeã keska hatube benimai habu betsa keskai mĩ huni betsahaira ishanaii.

1 Samuel 11:6

Saulũ nĩkatanaya habiatiãri Deusũ yushinĩ kushipa wakĩ Saul atxiaya Saul sinata paepakaũkĩ

1 Samuel 17:35

hawaira txibãbaĩ kusha kusha akĩ txashuwã tukuã ẽ shetakash akubaĩmiski. Ẽ haska wa eari pinũ ika ea shinãbirani huai hawẽ daniwẽ tsumabaĩ ẽ mestẽtiwẽ kusha kusha akĩ ẽ tenãmiski, dateamarã. Urso dikabi hushũ yumetsukainai ẽ habiaskari wamiski.

1 Samuel 4:5

Israelĩ detenamenikabũ tari hiwe pũtenibu anua hawẽ hãtxa aruni bau bei hikiaibu uĩ benimahairai detenamenikabu dasibi sai sai itxakayamakĩ mai dikabi taka akaibũ