Josué 8:1 - Kaxinawá Bíblia (BR)

¹ Hanushũ Senhor Deusũ Josué ana yuikĩ: “Ai anu hiweabuwẽ natiã ana datei punu nukayamawe. Mĩ hunibu detenamenikabu dasibi iyui Ai anu mapekeshãwẽ. Harishũ eã matu merabewakĩ Ai shanẽ ibu inũ, hawenabu inũ hawẽ mae inũ, hawẽ mai pakea matu atximakĩ mina ẽ mia wamashanaii.

Josué 8:1 Referencias Cruzadas

Salmos 27:1

Senhor Deus ẽ shaba keska hatũ ea mekemiswẽ taea ana hamapai betsaki ẽ dateamaki. Ẽ hiwea Deusũ ea keshekubaĩmiswẽ taea ana tsuki ẽ dateamaki.

Salmos 46:11

Ha nukũ Senhor Deus dasibi kushipa binu keyua na habia nukubeki. Jacó Deusũnã, nuku keshekĩ nuku arua tsuã nuku metirumaki!

Isaías 43:2

Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.

Daniel 2:21

Hanu bari tibi uitiã inũ bariãtiã ha tashnimamistunã, Deusũ besti atiruki. Haska wamis shũ shanẽ ibu betsa putakĩ nitxĩtã hawẽ shãtukũ shanẽ ibu betsabu tsaũtiruki. Unanepabu unãmamiski. Tsuara tapinika hawaira tapĩmamiski.

Daniel 4:25

Mĩ shanẽ ibubiakẽ txai tari yurabu pashkatã mĩ hiwenũ mia nitxiãbu inabube hiweshũ ina awa keskakĩ basi mĩ pikubaĩshanaii, basnũmã mĩ yura txa akubainarã. Deus kushipahaira dasibi hatu binua yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis mĩ tapĩriama yuinaka keskai 7 ano hiwekũkaĩkĩ atimas tapĩtã mĩ unãshanaii.

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

Mateus 8:26

bestẽtã hatu yuikĩ: —Haskai mã dateai? Mã ea ikũ kayabiwariamamẽ?— itã benikawã niwẽwã inũ iãnẽwã buspu tsaubiranai nemakĩ: —Nesewe. Peswe— aka niwe maĩ neseaya iãnẽwãri betxuruni maiãyã

Josué 1:9

Hanira mĩ kai anurã, earã, mĩ merabenã Senhor Deus ẽ mibe kaya huĩti nishmai hawa dateama kushipai mẽtsisipakũkaĩshãwẽ, eã ẽ mia yunukĩ nitxiaĩwẽ taearã”, aka

Josué 2:24

bestitxaitũ yuikĩ: —Txanimaki. Ha mai hirabi Senhor Deusũ nuku ibu wamaikiki. Ha dikabi dasibi hanu hiwebaunabu nukuwẽ taea datei hatũ huĩti nishmai ana kushipa hayama punu nukai keyuabukiaki— aka

Josué 6:2

Senhor Deusũ Josué yuikĩ: “Uĩwẽ. Jericó ẽ mia yunuaii. Ariwe. Hawẽ shanẽ ibu inũ hawẽ huni detenamenikabu hatu maemamatã ẽ mia hatu mebĩmaii.

Josué 7:9

Enabu kushibirãkãshu nĩkatã Canaã nawabu inũ ha dapi nawa tibi dasibi nenu hiwebaunabu benimai shukui dasitã nuku dasibi detekĩ keyutã nukũ kena ana nuku shinãtimawashãkanikiki. Haska watã mĩ kena kushipawẽ mĩ nuku iwekubirãshinarã, haskara mikiri shinãshãkanimẽkaĩ?— aka