Josué 7:21 - Kaxinawá Bíblia (BR)

²¹ Jericó nawabu nũ hatube detenameaitiã hatũ mabu uĩbaũkĩ Babilônia anua tari peyabukuti hawẽruahaira inũ, 200 prata pei heshe inũ, ouro ture pishta meio quilo binua betxishũ hawẽ kemukĩ bibaĩ ẽ tari hiwe merã mai pukĩtã ha dukũ pei heshe mãtxĩtã hanua ouro ture hanatã hamamaki peyabukutiwẽ atximashũ ẽ maiwashinaki— akaya

Josué 7:21 Referencias Cruzadas

Gênesis 10:10

Sinar mai pakea anu Ninrode shanẽ ibui taekĩ hawẽ maewã tibi Babel inũ, Ereque inũ, Acade inũ, Calné ibu wanikiaki.

Gênesis 3:6

aĩbũ shinãkĩ: —Ha hi bimi piti sharabuki. Hawẽruaki. Hawẽ unãtikiaki— ishũ tsekashũ pishũ hawẽ beneri ma hua inã hatũri pitã

Gênesis 34:27

hanua hatũ pui Diná Siquémnẽ itxakawashinawẽ taea Jacó huni bake betsabu ha hatũ betsã hatu tenãkãshu anu haburi bushũ hiwe tibi anua hatũ mabu biãbaũkĩ

Gênesis 6:2

Deus kẽwaĩbũ Deus kẽwãbumã aĩbu bake uĩkĩ shinãkĩ: “Aĩbuaibu hawẽruabuki”, ikĩ betsa betsapa sharabu katushũ aĩwanibukiaki.

2 Samuel 11:2

shaba betsatiã huĩrukuĩ dakabai ma bari kai hikiaya Davi benikauni hawẽ hiwe sapa sheni manaũri anu nishũ uĩbaũkĩ aĩbu hawẽruahaira batxiuma nashiai

Jó 31:1

Aĩbu txipash ẽ aĩma uĩ hawẽ kemukĩ txutakatsi ikama Deusbe ẽ yubakaniki.

Êxodo 20:17

Ha inũ, betsarã, yura betsã mae anu hawara haya uĩ hawẽ kemutaskayamashãkãwẽ, hawẽ hiwe inũ, hawẽ aĩ inũ, hawẽ huni tsuma dayaru inũ, hawẽ aĩbu tsuma dayaru inũ, hawẽ inabu inũ, hawẽ hamapai tibi haya uĩ hawẽ kemuamarã”, akĩ Senhor Deusũ hawẽ hãtxa hatu yuia

Provérbios 1:19

Habunã, kemukĩ mabu besti hatu parãtã bikubainaibu ibubis haska kemui parananãmisbuwẽ taea hawẽ henei mawa bestishãkanikiki.

Provérbios 4:23

Haskakĩ hiwea kayabi mĩ bitiruwẽ taeshũ hawara betsa mai anua mĩ betxipaiai binumakĩ mĩ shinã pe mekekubaĩshãwẽ.

Isaías 28:15

Matũ yuikĩ: “Hau isĩ txakabu hua nukuki nukuyamashanũ ika ha mawa mekenikabe nũ ma yubakaimaki. Mawa bumisbu anu nũ ma habe yubakaimaki. Nũ hawẽ irui meketiru mã benairã, txani besti nũ benaii. Hunenũ ika txaniwẽ besti nũ parananãkũkainaii”, ikaibũ

Habacuque 2:9

Tsuabubera hatube detenamekĩ mese binutã hatũ mabu yumetsubirã matũ hiwe tibi mã mata wamiswẽ taearã, matu anu kupiti mese huayarã, mã peirashãkãwã!

Lucas 12:15

yurã kaiã yuikĩ: —Mã mabuwẽ kemuairã, matu yuinũ nĩkakãwẽ. Mã mabuyabia hatũ matu hiwematirumawẽ taea hamapai mabu xarabu besti abui ha hayanũ ika mã kemukũkainairã, uĩrakãwẽ— iwanã,

Lucas 12:2

Hawara habũ hune akubaĩmisburã, ana huneama shabakabi dasibibũ unãshãkanikiki.

Efésios 5:3

Hanushũ ikũwãbumã hatu ati wakĩ hawa txakabuki dakeama yuikĩ hamapaiwẽ kemuhairakubaini hiwemisbuki. Hakia matuburã, ana hatu keska hiweama haska ikũwaĩ hiweti betsahaira hiwekĩ txutanamebaũmisbukiri ana xinaĩ hãtxama inũ txakabu atimapa tibi ana xinaĩ hãtxamari inũ kemu paekiri ana xinaĩ hãtxama haska Deusũ hawenabu uĩkatsi ikai keska besti txibaĩ hãtxakubaĩkãwẽ.

Efésios 5:5

Ha inũ, txanima tsuabura haska dakeama hamapai tibibe txutanamebaũmisbu inũ, hawara atimapa tibi amisburã, Cristo inũ Deus shanẽ ibuaya hatube hiwetirubumaki. Ha inũ, tsuabura hamapaiwẽ kemumisrã, dami yushĩ itsa washũ kẽwãmisbu keskawẽ taea ha haskamisbu Cristo inũ Deusbe hiwetirubumariki.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.

Santiago 1:15

Na txakaburã, eskaki. Matu yuinũ nĩkakãwẽ. Tsuabũra habũ huĩti merã hawara txakabu xinãkĩ me taewatã: “Hawamaki”, ikĩ txakabu betsa betsapa mekĩ mata wakubaini Deusbe ana haibunameama hawẽ hãtxa ana txibãkatsi ikama ikubainaibuwẽ taea niti ikama Deusbe hiweama mawai benushãkanikiki.

Josué 7:20

Acãnẽ Josué kemakĩ haskashina yuikĩ: —Txanima ẽ txaniaii. Israelĩ mekenika Senhor Deusũ hãtxa danaĩ ẽ txakabushinaki. Ẽ eska meshinaki. Mia yuinũ ea nĩkawe.

Josué 7:22

haska Josué nĩkatã hau hawairabaĩ bitanũbũ hunibu Acãnẽ tari hiwe anu hatu yunua kushibaĩ hikishũ mai pukĩshũ ha merã hanu arushina ha peyabukuti hawẽrua inũ, ouro ture pishta inũ, ha dukũ uke merãhaira prata pei heshe arushina betxitã

2 Pedro 2:15

Haska Beorĩ bake Balaão ini keskai hatu uĩmatxakai pepa ana txibãma haki petxitã kanei hatũmebi benukĩ ha parananãmisbũ Deusũ hãtxa ana nĩkabumaki. Hamẽ Deusũ hãtxa hatu yuishũbiamis Balaão peiwẽ kemukĩ Deusunabu yupukĩ txakabuwapanã