Josué 7:13 - Kaxinawá Bíblia (BR)

¹³ Ẽ matu ana merabewatirumẽkaĩ, mĩ shinaĩ benikaĩ ẽ daenũ minabu dasibi itxawashũ hatu pewariwe, eska hatu yuikinã: “Meshukiri eanu bekatsi hau petã benũbũwẽ. Earã, ẽ Israelbũ mekenika Senhor Deuski. Eã hatu yuikĩ: ‘Israelĩ enabuũ, ea nĩkakãwẽ. Jericó anua mabu kua keyuti ẽ yunubiakẽ kua keyuama mã betsa arubaĩshina mã hayaki. Ha mabu tsuãra bishũ mã kuama ishiãwẽ taeshũ nawabu matuki sinataibu mã ana hatu maematirumaki’, akĩ na habias hãtxa ẽ mia yuishu ea hatu yuishũtãwẽ.

Josué 7:13 Referencias Cruzadas

Gênesis 34:27

hanua hatũ pui Diná Siquémnẽ itxakawashinawẽ taea Jacó huni bake betsabu ha hatũ betsã hatu tenãkãshu anu haburi bushũ hiwe tibi anua hatũ mabu biãbaũkĩ

Mateus 7:5

Hakia bemakis beparamei hãtxamisbuũ, maturi txakabubia betsã txakabuai uĩkĩ mã ha amiski. Mã hi hirabi betimanabia tsekashũ puta keska watã matũ huĩti meranua matũ txakabu ewapa putatã ana kaneama merabenãkĩ hi pese mĩ haibũ beru anua bia keska wakĩ huni betsã txakabu beshmas hayari merabewakĩ mã yusĩtiruki.

Josué 3:5

hanushũ hawenabu itxawashũ Josué hatu yuikĩ: “Meshukiri matũ besuubi Senhor Deusũ hawẽ kushipawẽ haskabiama wakĩ matu dami washũshanaiwẽ taeshũ Deuskiri besti shinaĩ pepa bestiyukãwẽ”, hatu watã

Josué 7:11

Minabũ txakabuwakĩ ma kaneshinabuki, ẽ hatube yubakabiani ea txibãkĩ ashũkĩ pewama kanekinã. “Ha mae anua mane mabu ena bishũtã mabu betsa kua keyukãwẽ”, mĩ hatu wabia haska txakabu unãbiakĩ ouro inũ pei heshe inũ tari hawẽrua hune yumetsushũ hawena wakĩ bushũ hatũ mae anu hunebaĩ arushinabuki.