Josué 6:25 - Kaxinawá Bíblia (BR)

²⁵ Hau uĩtanũbũ huni dabe Josué yunua hatu huneshinawẽ taea Raabe inũ hawenabu Josué hatu mekekĩ tenãma iniwẽ taea ikis Israelĩ enabube Raabẽ enabu husini ma hiweabukiaki.

Josué 6:25 Referencias Cruzadas

Mateus 1:5

Salmomnẽ Raabe aĩwãtã bakewa hatũ bake betsarã, Boaz inikiaki. Boazĩ Rute aĩwãtã bakewa hatũ bake betsarã, Obede inikiaki. Obedẽ bake betsarã, Jessé inikiaki.

Hechos 2:21

Hanushũ tsuabũra: Ẽ Shanẽ Ibu Yavé Deus kuxipaki, ikĩ ea yuiaibu habu besti pashakĩ hatũ hiwea ikibi ika bishãkanikiki’, aka Joelĩ yusĩtã nuku keneshuniki— iwanã, Pedrõ ana hatu yuikĩ:

Hebreus 11:31

Ha inũ, habianuari Raabe aĩbu hininipabia Deuski mesekĩ Israelĩ baba dabe unãtinaĩ buabu hatu itã merabewaxinawẽ taeshũ txakabukubaĩmisbu Jericó anu habe hiweabu hatu yamawakĩ Israelbũ Raabe tenãma inibukiaki.

Santiago 2:25

Abraão keskai Raabe atiabiamis Deuski mesekĩ Israelbũ shanẽ ibũ tsuma unãnepa unãtinã dabenika Jericó mae ewapa anu shanẽ ibuki txaniabu hawẽ soldadobu habu unãtinãtã txaninika dabe hatu atximanũ, iwanã, Raabeĩ hiwe anu hikiabu Raabeĩ hatu merabewakĩ soldadobu parãshũkĩ hawẽ hiwe anu arubiatã hatu yuikĩ: “Txanima ẽ hatu uĩshuki. Hakia harakirira ma bukanikiki. Hatu benatãkãwẽ”, atã bai betsawẽ hatu nitxĩkĩ merabewanikiaki. Raabeĩ hatu haska waiwẽ taeshũ hawẽ akawẽ Deusũ pepa warianiki.

Josué 2:1

Sitim anua kashũ hau hune uĩbaũtanũbũ huni dabe Josué hatu yunukĩ yuikĩ: “Ukeri Jericó inũ hatũ mae kesuakea hune nuku uĩshũbaũtãkãwẽ”, hatu wa bui Hene Jordão pukebaini huĩti kushikaĩ Jericó anu hikitã hanu ushanũ ika Raabe aĩbu hininipa dasibibũ memis hiwe anu hikia maniabũ

Josué 2:4

detenamenikabu beriabuma hawaira hatu mistutã Deusũ Israelĩ enabu duawamis Raabẽ nĩkaimashũ hawẽ hiwe sapa sheni mamaki hatu iyushũ hawẽ yumẽ wati basiwã barĩwãkĩ mãtxĩshina namã hatu hunekĩ arubiashũ detenamenikabu parãkĩ Raabẽ hatu yuikĩ: —Txanima huni dabetũ ea uĩwãshuki. Hakia harakiriara beabu ẽ unãma ishuki. Bari hikiaya nukũ mae hikiti shui tibi mã bepumis ma kemaya nenua tashnibaĩkãshuki. Harakiri buaibu ẽ unãmaki. Mã hatuki nukukatsis ikairã, hawairabaĩ hatu txibãtãkãwẽ— hatu wa

Josué 4:9

hanushũ ana hene namakis anuri Senhor Deus hatube yubakani hãtxa aruni bau ia mapukãshu anuri 12 mishki ewapa Josué hatu mãtxĩmarianikiaki. Hene merã hikibaĩ ha mishki mãtxinibu mania tsuabũra uĩriatirubuki.