Josué 6:17 - Kaxinawá Bíblia (BR)

^17-19 Ha mae meribiki. Ha inũ, ha merã mabu Senhor Deusunaki. Huni dabe nũ yunua merabewakĩ ha aĩbu hininipa dasibibũ memis Raabẽ hatu arukĩ huneshinawẽ taea Raabe inũ hawẽ hiwe meranuabu ha besti tenãma hiwemakãwẽ. Hanushũ betsabu dasibi tenãkãwẽ. Hakia hatũ mabu dasibi meribiki, Deusunarã. Mekĩ biãyamakãwẽ. Ha mabu meribiwẽ kemukĩ bikĩ mã ibu wakẽ Senhor Deus mã nukuki sinatamatiruki. Uĩrakãwẽ. Nukuki sinatakĩ nuku kupikĩ yuputiruki. Hakia hatũ prata inũ, hatũ ouro inũ, hatũ bronze mane mabu inũ, hatũ ferro mane mabu meribiki, dasibi Senhor Deusunarã. Itxawatã Senhor Deus nũ arushũshanaii”, hatu wa

Josué 6:17 Referencias Cruzadas

Gênesis 12:3

Hanushũ tsuãra mia pepawaya ẽ haturi pepawashanaii. Hakia tsuãra mia txakabuwakĩ yupuwaya hatu kupikĩ ẽtseri ẽ hatu mia yupushũkubaĩshanaii, manakukinã. Ha inũ, miwẽ taeshũ nawa betsa betsapa mai hirabi anu shukua hiwebaunabu dasibi ẽ hatu pepawariashanaii”, aka

Miquéias 4:13

“Yura shukuabu itxapa teke teke akĩ shemekĩ mã hatu akawashanũbũ ina awa bene kushipa mane ferro mashũ inũ mane bronze hũtsisya keska wakĩ pubẽ wãkĩ eã ẽ matu mesewashanaii”, akĩ “Senhor Deusũ matu yuiaiwẽ taeshũ Sião anu hiweabuũ, benitã hatuki pai pai ishãkãwẽ. Hatu itxakawakĩ hatu detetã mane ouro inũ mane prata inũ mabu pepa itxawanibu hatu anua mebĩkĩ keyutã, ẽ ea mai hirabi shanẽ ibu mã ea meribi wakubaĩshanaii”, itã

Mateus 25:40

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puiburã, hawaumabubiakẽ nuikĩ mã hatu merabewakubaĩmiski. Hatu haska wakĩ ikũ eari mã ea duawakubaĩmiski”, iwanã, hawẽ yusiuriabu yui keyutã

1 Coríntios 16:22

Tsuabũra nukũ Shanẽ Ibu abuamarã, hau Deusũ yupunũwẽ. Nukũ Shanẽ Ibu nũ manai hawaira hau ana menã hurinũwẽ.

1 Coríntios 2:7

Haska mai damiwariama Deusũ hawẽ unãnepati hawẽ xinã huneyunishũ nuku matu yusĩmairã, eskaki, nĩkakãwẽ. Txanima Deusũ hawẽ bakewẽ taeshũ nuku hawenabu wakatsi nukuki tana yubakaniki. Haskawẽ taea nukuburi hatuki dasitã nũ hatu keskari ipakeshanaii, hawẽrua kuxipa txashakapa buirã.

Gálatas 3:10

Hanushũ Deusũ hãtxakiri hawenabu Moisés yuikĩ: “Hawẽ yunuti inũ hawẽ nemati ẽ matu keneshunai tsuabũra dasibi txibãhairabumakẽ Deusũ hatu yupukĩ pe hiwemama ishanikiki”, haska watã hatu keneshuniwẽ taea txibãmabia hatũmebi pepapaikĩ hawẽ yunuti inũ hawẽ nemati txibãpaikĩ pewabumakẽ Deus hatuki sinatamakĩ yupushanikiki.

Gálatas 3:12

Hawẽ yunuti inũ hawẽ nemati Deusũ Moisés inãni txibaĩnã, hawẽ hiwea kayabi Deus anua bitimaki. Hakia Moisés yuikinã: “Tsuãra Deusũ yunuti inũ hawẽ nemati txibãkubaini ha yusĩa hãtxawẽ kaneama hawẽ hiweshanikiki.”

Hebreus 11:31

Ha inũ, habianuari Raabe aĩbu hininipabia Deuski mesekĩ Israelĩ baba dabe unãtinaĩ buabu hatu itã merabewaxinawẽ taeshũ txakabukubaĩmisbu Jericó anu habe hiweabu hatu yamawakĩ Israelbũ Raabe tenãma inibukiaki.

Hebreus 6:10

Ha inũ, Jesus ikũwaĩbu betsabu merabewai hatuwẽ nuikĩ abukĩ mã Deus abukĩ Deusũ haska abuai akĩ mã benimawamiswẽ taeshũ hawa kanema matũ pepari hakimama matu duawakĩ matu hawa danãma iriashanikiki, haska natiã mã ariakubainaibuwenã.

Santiago 2:25

Abraão keskai Raabe atiabiamis Deuski mesekĩ Israelbũ shanẽ ibũ tsuma unãnepa unãtinã dabenika Jericó mae ewapa anu shanẽ ibuki txaniabu hawẽ soldadobu habu unãtinãtã txaninika dabe hatu atximanũ, iwanã, Raabeĩ hiwe anu hikiabu Raabeĩ hatu merabewakĩ soldadobu parãshũkĩ hawẽ hiwe anu arubiatã hatu yuikĩ: “Txanima ẽ hatu uĩshuki. Hakia harakirira ma bukanikiki. Hatu benatãkãwẽ”, atã bai betsawẽ hatu nitxĩkĩ merabewanikiaki. Raabeĩ hatu haska waiwẽ taeshũ hawẽ akawẽ Deusũ pepa warianiki.

Josué 2:1

Sitim anua kashũ hau hune uĩbaũtanũbũ huni dabe Josué hatu yunukĩ yuikĩ: “Ukeri Jericó inũ hatũ mae kesuakea hune nuku uĩshũbaũtãkãwẽ”, hatu wa bui Hene Jordão pukebaini huĩti kushikaĩ Jericó anu hikitã hanu ushanũ ika Raabe aĩbu hininipa dasibibũ memis hiwe anu hikia maniabũ

Josué 2:22

mananã ha dabe mapekeshina haria shaba dabe inũ besti huneyuabu henekiri bai yusiuri inũ yusmauri hatu benahairabiabu hawa hatu betxiabuma hatu bena keyubirani atimas hatũ mae Jericó anu txĩtũbiranaibũ

Josué 7:1

Judá enabu betsa hawẽ epa Carmi inũ, hawẽ hutxi Zabdi inũ, hawẽ hutxĩ epa Zerárã, ha huni Acã hatũ hatu txakabuwakĩ mabu kuatibiakẽ hawẽ kemukĩ Josué yunutiki meseama mabu betsa hawẽrua hawena wanũ ishũ bishũ hune aruawẽ taeshũ dasibibũ akãshu keska shinaĩ Israelĩ enabuki Senhor Deus sinataya

1 Samuel 15:3

Na habiatiã Amaleque nawabu anu bushũ hatu detekĩ keyutãkãwẽ. Hatuwẽ hawa nuiama dasibi hatu yamawakĩ keyutãkãwẽ. Hunibu inũ, aĩbuaibu inũ, bake mishtĩbu inũ, dama kaĩshinabu hatu tenã keyukĩ hanushũ hatũ ina awa inũ, hatũ txashuwã inũ, hatũ camelo inũ, hatũ jumento hatũ mabu dasibiyabi yamawakĩ keyutãkãwẽ”, akĩ Senhor Deusũ ea yuikĩ mikiri haska hãtxashinaki— aka

1 Samuel 15:6

Moisĩ ainẽ enabu Queneu nawabu Amaleque nawabube husia hiweabuwẽ taeshũ hui kushipawẽ Saulũ hatu yuikĩ: —Queneu nawabuũ, tashnibirani neri dasibi kaĩ bekãwẽ. Amaleque nawabube nũ matu detekatsi ikamaki. Matubunã, Egito anua nukũ shenipabu Israelĩ enabu beaibu matũ shenipabũ hatu duawanibukiaki. Menã hawaira ea nĩkabirani bekãwẽ— hatu wa hawẽ hãtxa nĩkatã Queneu nawabu Amaleque nawabu anua kaĩbaini pashaibũ