Josué 6:11 - Kaxinawá Bíblia (BR)

¹¹ Senhor Deus hatube yubakani hãtxa aruni bau Josué hatu iamabaũkĩ maewã Jericó hatu dũkemabaũtãkĩ hatũ tari hiwe pũtebaũshinabu anu ana hatu iwea ushashini

Josué 6:11 Referencias Cruzadas

Josué 6:10

habiatiãri Josué hawẽ detenamenikabu hatu dasibi ana yuikĩ: “Matũ hui hau nĩkayamanũbũ sai sai iyamakãwẽ. Ha dikabi: ‘Sai sai ikãwẽ’, iwanã, ẽ matu yunuriama hãtxama pes buaketãyukãwẽ. Txipu: ‘Hui kushipawẽ sai sai iki keyukãwẽ’, akĩ ẽ matu yunushanaii”, hatu watã

Josué 6:12

penaya Josué bestẽshũ hatu ana yunua Senhor Deus hatube yubakani hãtxa aruni bau Deusbe hawenabu hãtxashunikabũ iabainaibũ ha 7 Deusbe hawenabu hãtxashunikabũri txashuwã mashũ tsuma hatu bebushũkĩ txã txã akĩ mawakubainaibũ inũ dasibibu bebũ detenamenikabu hawẽ detetiya hatube butani

Josué 6:14

shaba ha katxu Jericó ana dũkebaũtani hatũ tari hiwe anu ana txĩtuãbu habiaskastãtãkĩ 6 dia dũkekĩ keyuabu

Josué 6:3

Shaba tibi mae dũkei bestiwai maputãtãshãkãwẽ, 6 diarã. Matũ huni detenamenikabu hawẽ detetiya inũ ẽ matube yubakani hãtxa aruni bau iabu bebũkiri 7 ebe matu hãtxashunikabũ txashuwã mashũ puri ati txã txã akĩ mawakubainaibũ shaba tibi dũkekĩ hatu iyutãtãshãwẽ. Hanua sétimo diatiã ebe matu hãtxashunikabũ hatũ txashuwã mashũ txã txã akĩ mawakubainaibũ matũ detenamenikabu iyukĩ hatu dũkemabaũshãkãwẽ, 7kirã.