6 Ha mishki mã bitãshu hawẽ unãmati inũbarikiki.
Hamebi hiwemis Senhor Deus ẽ eaki. Ẽ hãtxa ikũwãkĩ ẽ yunuti shinãkĩ ano tibi na ushe 14 shabatiã ea kẽwaĩ besikĩ pikĩ heneyamakubaĩshãkãwẽ. Matũ bakebu inũ matũ bababu pahairai ano tibi habias ushe habiatiãri hawa hakimama habũri ea kẽwaĩ hau hanu besipakeshanũbũwẽ, heneamarã.
Hanu ana musha beneama hawẽ shãtukũ hi pepa beneshanikiki. Ana nishi mushaya beneama nishi hua pepaya benei mai beweshekeshanikiki. Haska tibi kaĩ beneai ea Senhor Deusũ unãmati uĩkĩ ẽ kena kushipa hawa tsuã yamawatiruma ikibi ika uĩshãkanikiki”, iniki.
Nukuna bestimaki. Haska Deus yubakani ma akikiki. Matu dasibibu inũ matũ bakebu inũ txaihaira manibaunabu nukũ Shanẽ Ibu Deus haska matukiri yubakairã, dasibi matukiri iniki. Haskawẽ taeshũ hatira hawenabu wakĩ katukĩ kenakatsis ikikiki— iwanã,
hawenabu yuikĩ: “Txipu matũ bakebũ mã hawẽ ibu tibi matu yukakĩ: ‘Na mishki ewapa nitxĩkĩ serenibu hawamẽ?’ ika yuka inũbarikanikiki.
Josué hatu yunukĩ: “Ana txĩtũbaĩ Hene Jordão namakis Deusũ hãtxa aruni bau ia mapuabu anu bushũ Israelĩ 12 huni bake matũ shenipabu tibitũ enabu shukua tibibũ mishki bestitxai iatãkãwẽ.
