Josué 4:19 - Kaxinawá Bíblia (BR)

¹⁹ Bari bena hawẽ ushe ha dukũ hawẽ dia 10tiã Hene Jordão pukei mapekebaini mai pãpa anu Jericó bari huaikiri Gilgal anu kai hikishũ hatũ tari hiwe ana pũtebaunabũ

Josué 4:19 Referencias Cruzadas

2 Reis 2:1

Niwe kushipahaira shubi shubi imakĩ nai anu Senhor Deusũ Elias ainibaĩshanai kemaya Gilgal anua Elias inũ Eliseu kaĩkaĩkĩ

Amós 4:4

Senhor Deusũ ana hatu yuikĩ: “Betel inũ Gilgal mae meribi anu hari ana buritãtãkãwẽ. Matũ shenipabu ẽ yusini hãtxa danãkĩ ea sinatamakĩ txakabui mã pikuhairakũkainaii. Penama tibi matũ mekenika yushibubu hawẽ daewati nami sheniya bushũ hatu kuashũkĩ shaba dabe inũ besti tibi matũ dízimos hatu inãrikubaĩkãwẽ.

Miquéias 6:5

Enabuũ, natiã ekiri haska shinãkubaĩkãwẽ. Matũ shenipabu bukubainaibu yupunũ ika haska Moabe nawabu shanẽ ibuhaira Balaque yubakabiaya haska Beorĩ huni bake Deusũ hãtxa yuishunika Balaãonẽ Balaque nema matũ shenipabu yupuama iniki. Ha dikabi betsa eska shinãkãwẽ. Sitim anua matũ shenipabu kaĩbirani Hene Jordão pukebirani Gilgal anu hiki bukĩ ea ẽ Senhor Deus hau ea unanũbũ ẽ hatu merabewakĩ binumani haska ana shinãkĩ tapĩkãwẽ”, akĩ matu yuikiki.

Deuteronômio 1:3

Hene Jordão kesha betsaurishũ Moisĩ hatu yunua Amorreu nawabu shanẽ ibuhaira Seom, mae Hesbom anu hiwea hawẽ detenamenikabube Israelĩ enabu hatu maemashinabu Moisĩ ana hatu yunua mai pakea kesuakea Edrei anu Basã nawabu shanẽ ibuhaira Ogue Astarote anu hiweshũ hatu yunuaya Israelĩ enabũ Ogue inũ hawẽ detenamenikabu hatu maemakĩ keyushinabu Egito anua tashnibiranibu ma 40 ano kaya 11 ushetiã shaba ha dukũ taeaya ha nawabu hatu yamawashinabu habiatiãri Moisĩ haska dasibi Senhor Deusũ yunuima hau txibãkĩ akubaĩshanũbũ Moisĩ hakiri hatu hãtxa yusinikiaki.

Josué 24:11

Hene Jordão pukebirã Jericóki kematushitã mã hatube detenameaibu ẽ hatu itxakawakĩ babuwakẽ mã hatu detekĩ keyuniki. Ha nawabu ẽ hatu babuwaya Amorreu nawabu inũ, Ferezeu nawabu inũ, Canaã nawabu inũ, Heteu nawabu inũ, Girgaseu nawabu inũ, Heveu nawabu inũ, Jebuseu nawabu mã hatu maemakĩ yamawaimaki.

Josué 4:18

pukebirani hene anua hawaira mapekei metuanu maputanaibũs manãkiria hene ana tuebirani matahairanikiaki, pukeriabuma ishu keskairã.

Josué 5:10

Jericó besusi mai pãpa anu Gilgal anu hiweyukĩ hanu tashni taebiranibu ushe babekei 14 diatiã bari kaya ha Páscoa ikaya haska Egito anushũ Senhor Deusũ detenika nai tsumã hatu mabiris abaini shinãkĩ besikĩ

Josué 5:9

hanushũ Senhor Deusũ Josué ana yuikĩ: “Egito anu hiweshũ hatũ txakabu tibi tapinishũ mã hawẽ ea dakewakubiranimabuki. Hakia mã ma hatũ hina kubitxi hatu meshtemawẽ taea ẽ ana matuki dakeamaki, matũ txakabu ana shinãmarã”, anikiaki. Haskawẽ taeshũ ha mae kenakĩ: “Gilgalki”, amisbuki. Gilgalrã, nukũ hãtxawenã, “Hatũ Txakabu Putakĩ Tarã Keska Waniki.”

1 Samuel 10:8

Mĩ haskakaĩshina bebũkiri Gilgal anu kashãwẽ, hari ana ẽ miki nukui kashanaii. Harishũ mibetã inabu sheni menukĩ keyutã hawẽ nami Deus daewati inãkuĩkĩ nũ daewashanaii. Harishũ 7 shaba ea manashãwẽ, ẽ kai miki nukushanairã, mĩ haska wakubaĩshanai harishũ shabakabi ẽ mia ana yui kashanairã— aka

1 Samuel 15:33

hakia Samuelĩ Agague yuikĩ: —Mĩ matxatu txaipa kenuhairawẽ aĩbuaibu itxapa mĩ hatu bakeuma waniwẽ taea mĩ ewa hatu keskariai bakeumari ikũkaĩshanikiki— akĩ Gilgal anushũ hawaira Senhor Deuski nukuti tari hiwe bebũshũ Samuelĩ Agague derakĩ tenãkĩ bais bais akĩ keyutã