Josué 3:17 - Kaxinawá Bíblia (BR)

¹⁷ dasibi Israelĩ enabu pukei keyuriabumakẽ Deusbe hatu hãtxashunikabũ Deus hatube yubakani hãtxa aruni bau iashũ hene netsua tsusĩ namakis anu mapushũ hatu manayuaibũ

Josué 3:17 Referencias Cruzadas

2 Reis 2:8

hanushũ hawẽ yabukuti Eliasĩ pekatã sebikĩ txaipa watã hawẽ hene bekusha, hene dami hamebi tuash iki niti ikẽ ha dabe mai tsusĩ anu pukebaini

Êxodo 14:21

habiatiãri hene bemaki hawẽ mestẽti hi Moisĩ sanãkẽ bari huaikiria niwe kushipahaira shũku imashĩkĩ Senhor Deusũ ianẽwã pashkakĩ ha namakis mai tsuĩ wãkĩ dami wakĩ keyukẽ

Êxodo 14:22

hanua yusiuri inũ yusmauri kebẽkĩ kene keska huyũkĩ hene dabe wakẽ ha namakis mai tsusĩ anu Israelĩ enabu pukebaĩbainaibũ

Êxodo 14:29

hakia bebũkiri mai tsusĩ anu bui yusiuri inũ yusmauri hene pashka dabea namakis Israelĩ enabu pukebainaibũ

Hebreus 11:29

Ha inũ, Israelbu Egito anua pashai bui Iãnẽwã Taxipa namakis pashkatã Deusũ hatu bai wakĩ metu washuna Deusũ meketi kuxipa ikũwaĩ Israelbu pukei keyuaibũ hakia Egitonawabu habias baiwẽ hatu txibãbaini pukeriai hasai keyunibukiaki.

Josué 4:1

Israelĩ enabũ Hene Jordão ma puketã mapekei keyuabũ Senhor Deusũ Josué ana yuikĩ:

Josué 4:10

Haska Moisĩ Josué yunuima ikis hau anũ Senhor Deusũ Josué yunua hawenabu imakĩ Josué keyuriama Hene Jordão namakis anu Deusbe hatu hãtxashunikabũ hawẽ hatube yubakani hãtxa aruni bau ia manayuaibũ Israelĩ enabu hawaira habu dukũ pukebainaibũ

Josué 4:22

Haska yuka ikaibũ hatu yuikĩ: ‘Narã, nukunabu Hene Jordão namakis netsua anua beshũ mãtxinibuki. Haska nukuburi Ianẽwã Tashipa bai washũ Deusũ netsukĩ tashka wa nũ pukeni unãtiki’, akĩ hatu yusĩkubainũbarikãwẽ.

Josué 4:3

hatu yunukĩ: ‘Ana txĩtũbaĩ hanu Deusbe hãtxanikabũ hawẽ yubakani hãtxa aruni bau ia niabu anu Hene Jordão namakis anua 12 mishki tũke ewapabu iatãkãwẽ, hanu mã ushaibu anu bushũ hau mãtxinũbunã’, akĩ hatu yunuwe”, aka

Josué 5:1

Israelĩ enabu hau Hene Jordão pukenũbũ Senhor Deusũ nemakĩ hatu netsushũshĩkẽ bari hikiaikiria Amorreu nawabu shanẽ ibubu inũ Ianẽwã Mediterráneo kesha anu hiwebaunabu Canaã nawabu shanẽ ibubu dasibibũ hatukiri nĩkatã mẽtsisipa detenamenikabubia hatũ huĩti nishmai Israelĩ enabuki datei punu nukai ana kushipa hayabuma Israelĩ enabube detenamekatsi ikama inibukiaki.