Josué 2:10 - Kaxinawá Bíblia (BR)

¹⁰ Haska Egito anua mã pashaibu Senhor Deusũ Ianẽwã Tashipa matu pashkashuna mã pukebirani inũ Hene Jordão ukeri kesha betsauria Amorreu nawa shanẽ ibu dabe Seom inũ Ogue hatunabube mã hatu yamawaimairã, nũ unaiĩ.

Josué 2:10 Referencias Cruzadas

Números 20:14

Ana betsatiã Edom nawabu, Jacó betsa Esaú enabu ma pakubiranaibu anu hatũ shanẽ ibu hau yuishũtanũbũ Cades anu hikitã Moisés hawenabu betsabu hatu yunua bui Edom nawa shanẽ ibuhaira anu hikishũ Moisés yuishũkĩ: “Mĩ betsabu Israelĩ enabũ mia yukakatsis ikanikiki. Eskaki, mia yuinũ nuku nĩkawe: Haska bika tenei nũ hiwekũkiranai mĩ unãhairaii.

Números 23:22

Egito anua Senhor Deusũ hatu iwenishũ cavalo bene unicórnio mashũ txaipaya kushipa mesehaira keska hatu wamiski.

Números 24:8

Egito anua Senhor Deusũ hatu iwenirã, hawẽ kushipawẽ hatu nimarã, cavalo bene unicórnio mashũ txaipaya kushipa mesehaira keskabuki. Israelbuki yura betsa betsapa hatuki sinataibu hatu yamawakĩ keyushãkanikiki, pia kuĩwẽ hatu tsakakinã, hatu shau tekekĩ keyukinã.

Josué 24:12

Hanushũ mã huriama bebũkiri i bina mirima ẽ yunua hatuwẽ datei Amorreu nawa shanẽ ibu dabe inũ hawenabu ẽ hatu nitxiã matũ deteti matxatu txaipawẽ inũ matũ piawẽ mã hatu deteama ibubis hatũ mae henebaini pashayamabuki.

Josué 4:24

Deusũ matu haska washuniwẽ taeshũ mai hirabi anu hiwebaunabũ matũ mekenika Senhor Deusũ kushipa unãshãkanikiki. Haskawẽ taeshũ matũ mekenika Senhor Deus duawakubaĩshãkãwẽ, heneamarã”, hatu wanikiaki.

Josué 5:1

Israelĩ enabu hau Hene Jordão pukenũbũ Senhor Deusũ nemakĩ hatu netsushũshĩkẽ bari hikiaikiria Amorreu nawabu shanẽ ibubu inũ Ianẽwã Mediterráneo kesha anu hiwebaunabu Canaã nawabu shanẽ ibubu dasibibũ hatukiri nĩkatã mẽtsisipa detenamenikabubia hatũ huĩti nishmai Israelĩ enabuki datei punu nukai ana kushipa hayabuma Israelĩ enabube detenamekatsi ikama inibukiaki.