Jonas 1:3 - Kaxinawá Bíblia (BR)

³ hawẽ yunua hãtxa nĩkakĩ txibãkatsi ikama Senhor Deus anua pashai Társis anu kanũ ika ianẽwã ewapa kesha anu bai butua mae hawẽ kena Jope anu Jonas ka shashu ewapa Társiskiri kai betxitushitã hawẽ pashai kanũ ishũ peiwẽ pakatã Senhor Deus nĩkama patapakaini txaihaira Társis anu kanũ ika shashu ewapa merã inatã ma kaya

Jonas 1:3 Referencias Cruzadas

Gênesis 3:8

bari matsiaya mapuabũ Senhor Deus bai neki huai hawẽ bana nĩkatã bai txaka merã huneabũ

Gênesis 4:16

Senhor Deus anua Caim tashnia Éden anua bari huaikiri ka Node mai pakea betsa anu hiweshũ

1 Reis 19:3

nĩkatã haki datehairai hawẽ hiwea mekei hawẽ dayaru iyui Judá enabũ mai pakea sulkiri txaihaira Berseba anu kai hikishũ hawẽ dayaru bashibaini

1 Reis 19:9

mawa putxinĩ mapekea mishki kini shui betsa anu hikia meshu merã ushashini bestẽkainaya Senhor Deus habe ana hãtxakĩ yuikĩ: “Eliasiĩ, nenu huirã, mĩ hawa shinaĩ mĩ hushiãmẽ?” aka

Esdras 3:7

Haska Pérsia nawa shanẽ ibuhaira Cirõ hawẽ yunuti una hatu inaĩmawẽ taeshũ hau Senhor Deus kẽwãti hiwe wanũbũ Líbano mati anushũ kusha derashũ sẽkekĩ itxapawashũ ha hi kekukĩ txaipa washũ ianẽwãwẽ bukĩ Jope anu keti ashũ hene anua mapemakĩ ianẽwã kesha hau mãtxĩkubainũbũ maewã dabe Tiro inũ Sidom anu hiweabũ yubakatã piti inũ nushuti inũ piti sheni hawa yaushiama hatu inãkubaĩkĩ habu mishki dayanikabu inũ hi mastanikabu dayamakĩ peiwẽ hatu pakakubainaibũ

Jó 1:12

Satanás kemakĩ Senhor Deusũ yuikĩ: —Peki. Hawara sharabu Jó haya mĩ haska wakatsis ikai miã atãwẽ. Hakia Jó itxakawakĩ hawẽ yura meyamashãwẽ— aka haska wa nĩkatã Senhor Deus anua itxakanika Satanás kaĩkaĩshĩkẽ

Jó 2:7

haska wa nĩkatã Senhor Deus anua itxakanika kaĩkaĩ Jó yura hirabi txami atimapa isĩhaira hawẽ bushkayabis inũ hawẽ taeyabis atximashũ isĩ tenemakubainaya

Isaías 60:9

Haburã, shashuwã tibi itxatã beaibu maewã Társis anua shashuwã betsa betsapari bebukirãkĩ matũ bakebu txaikea matu iweshũkĩ hatũ ouro inũ hatũ prata hatu bemashãkanikiki, ea Israelĩ Senhor Deus meribitũ ẽ matu kushipahaira wai ea duawanũ, ika beirã.

Ezequiel 2:8

Hawara ẽ mia yuiai nĩka pehaira wawe, hatu keska sinatapakĩ ẽ hãtxa danãma hawara ẽ mia inaĩ hashpatã mukukĩ piwe”, ea waya

Ezequiel 3:14

Deusũ Yushinẽ ha ẽ nia anua ea nuyãbaĩkĩ ea iyukĩ Senhor Deusũ hawẽ mekẽnẽ ea tsuma txakayamashũ ea iyua punu nuka sinatayabi dunukaini kai

Jonas 1:10

Ea haska wabiani hawẽ yunua ashuãma Senhor Deus anua ẽ pashai ikaii— hatu wa hawẽ hãtxa nĩkaibũ hanua ianẽwã ana tũkash tũkash itxakayamaya uĩ datetxakayamakĩ Jonas yukakĩ: —Haskai hawẽ yunua txibãma mĩ nuku haska wamai ikai? Ianẽwã hau mainũ nũ mia haska watirumẽ?— akabu

Jonas 4:2

habe hãtxakĩ yuikĩ: —Uiã. Senhor Deusuũ, ẽ mae anu eki nukushũ Nínive anu mĩ ea yunua hatuwẽ nuikĩ mĩ hatu kupiama ishanaiwẽ taea eska shinaĩ ẽ hawaira Társis anu pashai ẽ hunekaĩkatsis ikimaki. Mia mĩ mekenã Deus pepa tsuabura hatuwẽ dabanã ikĩ mĩ hawaira sinataisma kupikatsi hatu banabimabiatã tsuaburawẽ nuihairakĩ mĩ shinã mĩ betsa watiru mĩ ea uĩmaii.

Lucas 9:62

nemakĩ Jesusũ yuikĩ: —Tsuabũra ea txibãbiakĩ hawẽ xinã dabewẽ unuri xinaĩ inũ unuri uĩaĩnã, haska Deus shanẽ ibushanai pe dayashũtirubumaki— anikiaki.

Hechos 15:38

bebũkiri hatubetã yusĩ ka Panfília anushũ hatu shunũbirãkĩ henebiranimawẽ taeshũ Paulõ ana iyukatsi ikamakẽ

Hechos 26:19

Shanẽ ibuhaira Agripaã, haska nũ uĩsma nai anua namai keska ẽ uĩxina txibãnishũ ẽ txibãkubaĩmiski, xinã betsa wamarã.

Hechos 9:36

Ha bari haskaitiã mae betsa txaima Jope anushũ aĩbu betsã Jesus ikũwaĩ hawẽ kena Tabita, Grego hãtxawẽ hawẽ kena Dorcasrã, aĩbu duapatũ hawauma nuitapaibu hatuwẽ dabanã ikĩ hatu merabewakubaĩmis

Hechos 9:38

ha mae urama Lida anushũ Pedrõ hatu yusĩaĩ Jope anuabũ ikũwaĩbũ nĩkatã hau habũ ha yuishũtanũbũ huni dabe nitxĩkĩ hatũ hãtxa hatu yuikĩ: —Pedro yuikinã, eska watãkãwẽ: “Menaã, hawairakiaki. Jope anu huriwe”, atãkãwẽ— hatu wa bushũ yuiabu

Hechos 9:42

dasibi Jope mae ewapanu hiweabũ Pedrõ haska waxina nĩkaxĩshũ itxapabũ Shanẽ Ibu Jesus ikũwãnibukiaki.

Hechos 9:43

Hatu haska washũxina hanu hatũ ina awa bitxi payukĩ pewamis hawẽ kena Simãonẽ hiwe anu hiweyushũ Pedrõ hatu yusĩyukubainikiaki.

1 Coríntios 9:16

Deusũ ea katukĩ Jesusũ kuxipaya ea wa hawẽ kakape yusĩbauni ẽ hawẽ kẽnũ ea yunuama iniki. Hakia ẽ xinãnẽ akirã, ẽ kẽtiruki. Hakia haskama hawẽ kuxipawẽ ea yunu yunu aka ẽ akubainaii, enamawẽ taeshunã. Ẽ yusĩamakẽ Deus eki sinatai ewẽ benimama ishanikiki.

2 Tesalonicenses 1:9

Hamẽ nuku haska wamisbuwẽ taeshũ habu kupikĩ nuitapawariakĩ ikibi imakĩ hawẽ kuxipa paewẽ benukĩ inũ hawẽ txasha pepa hawẽrua hatu uĩmakatsi ikama ha bebunua txaihaira hatu putashanikiki.