Joel 2:28 - Kaxinawá Bíblia (BR)

²⁸ Senhor Deusũ ana hatu yuikĩ: “Na eska binukainayarã, ma bari hawẽ henei kaya ẽ Yushĩ Pepa yura dasibi hiwebaunabu anu ẽ hatu yunua hatu atxishanikiki. Matũ huni bakebu inũ matũ aĩbu bakebu ekiri hãtxabaũshãkanikiki. Mestebu inũ yushabubu namawẽ haska ishanai uĩshãkanikiki. Berunãbu inũ txipashburi nama keskawẽ haska ishanai ẽ Yushinẽ hatu uĩmashanikiki.

Joel 2:28 Referencias Cruzadas

Provérbios 1:23

Ẽ matu yusiaĩ ea nĩka pewai bekãwẽ. Ẽ matu nemaya mã ea nĩka pewaya ẽ shinã ẽ matu atximashanaii.

Isaías 32:15

Senhor Deus dasibi damiwanikatũ hawẽ kushipa ana nuku anu yunua huaya hanu hawa mibã hayamabiakẽ betsa maewakĩ mai anu dayati pepa wakĩ hanu mibã pepa benemis anu ana bimihairati hayashanikiki.

Isaías 40:5

Mã ma haska washũkẽ hanushũ Shanẽ Ibũ hawẽ kushipa pepa hatu uĩmai huaya dasibi yurabu haki itxashũ uĩshãkanikiki. Hamebi Shanẽ Ibũ haska yuikiki”, ikaya

Isaías 44:3

Mã haskawẽ taeshũ hanu tsua hiweabumanu mai hawa beneisma anu pashku wakĩ ẽ ũpash tuea habashanikiki. Matũ bababu pepawẽ duawakĩ hiwea bena inãkĩ ẽ hatu yunushanaii.

Isaías 49:26

Habũ matu yunu yunu akĩ bika tenemamisburã, ibubis hatunabubetãri bika teneshãkanikiki, hatũ nami ibubis piai keska wakinã. Ibubis hatũ himiwẽ paẽshãkanikiki, vinhowẽ paeã keskairã. Haskaibũ ha dasibi yura hiwebaunabũ ea ẽ Senhor Deus matũ mekenã piskumanika inũ ea ẽ Jacó kushipahaira inũ ea ẽ matũ mebikinanika habũ ea unãshãkanikiki”, itã,

Isaías 49:6

Deusũ yuikĩ: “Hau Jacó enabu shukua pakea tibi habu Israel teshenibu habu besti anu merabewakĩ ea anu mĩ hatu txĩtũmashanũ mĩ ẽ tsuma katushũ ẽ mia yunuama iniki. Hakia txaihaira mai pakea anu hiweriabu haska haburi mekekĩ piskumakĩ mĩ hatu yusĩbaũshanũ bĩ ewapa txasha keska ẽ mia yunuriaii”, ikaya

Isaías 54:13

Hanushũ eanã, mĩ bakebu dasibi ẽ tapĩmashanaii. Habu dasibirã, benimai hawẽruai unanuma hiweshãkanikiki.

Ezequiel 36:27

Matu merã ẽ yushĩ mistushũ ẽ yunuti hãtxa inũ, ẽ nemati hãtxa inũ, ẽ yusĩti hãtxa mã hawẽ hiwekĩ mã ea uinũbũ ẽ matu txibãmakubaĩshanaii.

Números 11:17

Uiaĩbu bututã ẽ mibe hãtxai kaii. Hau habuã mia merabewakĩ ha yubabu mibetã hau mekekubaĩshanũbũ ẽ yushĩ mĩ hayarã, pashkashũ hatu tibi ẽ inãbaũshanaii, mawaira ana mimesti bika teneama hatube mĩ merabenãshanunã, minabu hatu merabewakĩ iyuirã.

Números 12:6

Senhor Deusũ ana harishũ hatu yuikĩ: “Eska ẽ matu yuiai ea nĩka pewakãwẽ. Matu anua ẽ hãtxa ea yuishunika katutã usha namai inũ betsa watã haska ishanai bebũkiri ẽ matu unãmamiski.

Lucas 1:67

Joãonẽ epa Zacarias Yushĩ Pepatũ kuxipa wa hãtxakĩ Deus kẽwaĩ Deus hãtxashũkĩ yuikĩ:

Lucas 3:6

hanushũ Deusũ merabewati hua dasibibũ uĩshãkanikiki’ ”, akĩ haska yuini keska wakĩ Joãonẽ akĩ hatũ txakabu Deusũ hau ana xinãyamakubaĩshanũ txakabu henekĩ hatũ xinã betsa watã hawenabu hawẽ unãmati João yukakĩ: “Ea naximawe”, hau ea anũbũ ishũ Joãonẽ hatu yusĩkubainikiaki.

João 7:39

Haska nuku yuikinã, Deusũ Yushĩ Pepakiri nuku yuiniki. Hanushũ Jesus ikũwaĩbu hawẽ kuxipa Deusũ inanũ ikaya Jesus mawa besteã hawẽ Epanu kariamakẽ Deusũ Yushĩ Pepa nuku inãyuama iniki.

Hechos 2:33

Hanushũ ana bestẽwãtã Deus hau habe shanẽ ibunũ, iwanã, hawẽ yusiuri tsaũtã haska yubakani hawẽ Yushĩ Pepa hawẽ Epã Jesus inã hatũ nuku inãkeakekĩ nuku kuxipa waikiki, na habia nĩkakĩ mã uĩanã.

Hechos 2:39

Nukuna bestimaki. Haska Deus yubakani ma akikiki. Matu dasibibu inũ matũ bakebu inũ txaihaira manibaunabu nukũ Shanẽ Ibu Deus haska matukiri yubakairã, dasibi matukiri iniki. Haskawẽ taeshũ hatira hawenabu wakĩ katukĩ kenakatsis ikikiki— iwanã,

Hechos 21:9

hawẽ aĩbu bake dabe inũ dabe beneyariabumã Deusũ hãtxa hatu yuiriakubainaibũ

Gálatas 3:28

Haskai mã yura bestitxai keskaki. Judeubu kasmai judeubuma inũ, tsumayabu kasmai tsumabuuma inũ, hunibu kasmai aĩbuaibu xinãma hakia mã Jesus Cristo ikũwaĩbu besti dasibi mã yura bestitxai keska mã haki dasia xinãkubaĩkãwẽ.

Hebreus 1:1

Hãtxa pepa ẽ matu bumai uĩkĩ nĩkairakãwẽ. Ha dukunã, nukũ shenipabube Deus hãtxairã, hawẽ hãtxa yuishunika tibiwẽ hawẽ hãtxa hatu yuimakĩ hawẽtxaĩs hatu yusĩkĩ betsa tibiwẽ tashnimakĩ hatu yuikubainiki.

1 Samuel 19:20

ana Davi hau haria atxitanũbũ hawẽ tsumabu Saulũ ana hatu yunua bui kemashũ Deusũ hãtxa yuishunikabu Samuelĩ hatu imaya nishi paewẽ paeã keska benimakĩ Deus kẽwãkubiranaibu uiãbũ hawaira Deusũ Yushinĩ Saulũ tsumabu haburi hatu betsa wa Deusũ hãtxa yuishunikariai nishi paewẽ paeã keska benimakĩ hatubetã Deus kẽwaĩbũ Davi tsuã hawa wama

1 Samuel 19:21

hatu yunua bushiãbu haskaibũ Saulũ nĩkatã hawẽ tsuma betsabũri Davi hau atxinũbũ ana hatu yunua buabu Deusũ Yushinĩ hatu habiaskari wai nĩkatã hawẽ tsuma betsabu Saulũ ana ha katxu hatu yunua buaibu Deusũ Yushinĩ atxishũ habiaskas hatu wakubainaya

1 Samuel 28:6

hatu haska wapa? iwanã, Saulũ Senhor Deus yuka hakia Senhor Deusũ kemakĩ hawa yuiamahaira inũ, usha namaiwẽ yuiama inũ, Urim unãtiwẽ unãmamari inũ, hawẽ hãtxa yuishunikabuwẽ yuimamari