Joel 2:21 - Kaxinawá Bíblia (BR)

²¹ Ẽ mai pakeaã, hawa dateama benima txakayamariwe, Senhor Deusũ hatu betsahaira washũkĩ tsuã haska shinãtiruma washanaiwẽ taearã.

Joel 2:21 Referencias Cruzadas

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Isaías 35:1

Hanu tsua hiweabuma anu mai tsusĩ benimashanikiki. Hua hawẽrua tueaya benimashanikiki.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 44:23

Isaías benimakĩ yuikĩ: Senhor Deusũ hawẽ kushipa matu uĩmakĩ Jacó enabu Israelbu ma ana hatu mebikinãki. Naiĩ, Senhor Deusũ hatu haska waiwẽ taea benimakĩ kẽwãkãwẽ. Mai kini keyatapahairatuũ, benimai sai ikãwẽ. Mati tibi inũ ni shukua inũ dasibi hi mapubaunabuũ, hawẽ kushipa uĩ benima txakayamai kãtakãwẽ.

Isaías 54:4

Miki hawa kashekĩ mia usãma ishanaibuwẽ taea hawa dateyamashãwẽ. Miki sinatama ishanaibuwẽ taea dakeyamashãwẽ. Mĩ txipash yumetxakai txakabuni hawẽ dakemisrã, hakimawe. Mia itxakawakĩ mĩ benẽ henebaĩkĩ mia dakewanirã, ana has shinãyamawe.

Isaías 55:12

Nenu Babilônia anu mã Israelbu benibu ana matũ mae anu txĩtũbaini benimabaini bui matũ mai pakea anu unanuma mã hikishãkanaii. Mã haskabainaibu matu uĩtã mati matipa inũ mawa tibi matuwẽ benimai kãtaibũ ni shukuabũ matu uĩtã matuwẽri benimakĩ mekẽ paush paush akai keskai bubi bubi ishãkanikiki.

Joel 2:20

Shini nortekiria matukiri beaibu matu anua ẽ hatu urẽshanaii, hari tsua hiweabumakiri hatu nitxĩkinã. Habu dukũ bebuaibu Ianẽwã Mar Morto anu ẽ hatu hasashanaii. Habu txipu bekĩ hatu mekebiranaibu Ianẽwã Mar Mediterráneo bari kaikiri anu ẽ hatu hasariashanaii. Ẽ hatu haska wa hatũ yura txapui pisi mayashãkanikiki, ea Senhor Deusũ hatu betsahaira washũkĩ tsuã haska shinãtiruma wakinã”, ikikiki.

Joel 2:26

Matubũ pikĩ yaniwakubaĩkinã, ea matũ Mekenika Senhor Deus mã ea kẽwãkubaĩshanaii. Ẽ kushipa ẽ matu unãmashinawẽ taea mã enaburã, ana matũ dake pae teneama mã ishanaii.

Deuteronômio 4:32

Shinãkãwẽ. Unu hiwei taenibutiã inũ hari mã hiwei taenitiã ikubirãshinaburã, Senhor Deusũ mai hirabi dami wakĩ huni wani anua mai nati ikĩ tsuabura mã hatu yukatiruki. Na haska ẽ matu yuiai keska nukũ Senhor Deusũ kushipa keska betsabũ unanibumẽkaĩ. Uĩriakanimẽkainã, na haska nũ uĩshina keskarã.

1 Samuel 12:16

Eskatiã hawẽ dateti dami ewapahaira Senhor Deusũ matu uĩmaikiki. Habianu tukuama mapushũ uĩyukãwẽ.

1 Samuel 12:24

Matuwẽ taeshũ haska Senhor Deusũ akubirãmis shinãhairakubaĩkĩ datekĩ txanima kayabi Senhor Deus besti kẽwãkubaĩshãkãwẽ, shinã betsa wamarã.