João 9:7 - Kaxinawá Bíblia (BR)

⁷ yuikĩ: —Siloé hanu ũpash uke merã habai anu mixki pukĩnibu anu ũpash tsauwa anu ka betxukitãwẽ— akarã, nukũ hãtxawẽ Siloé yuiarã, ‘Hari yunuaki’, Jesusũ hãtxa nĩkakĩ ikũwaĩ benikaini ka betxukia bepeshetã uĩbaini inũ kakẽ

Kashinawa : Diosun Jesúswen taexun yuba bena yiniki

⁷ yuikin: —Siloé janu unpax uke medan jabai anu mishki pukinibu anu unpax tsaua anu ka bechukitanwen— akadan, nukun janchawen Siloé yuiadan, ‘Jadi yunuaki’, Jesúsun jancha ninkakin ikunwain benikaini ka bechukia bepexetan uinbaini inun kaken

João 9:7 Referencias Cruzadas

Êxodo 4:11

Senhor Deusũ ana yuikĩ: —Tsuã yurabu keshaya bawanimẽ? Hãtu wakĩ huyu wakĩ pata wakĩ bekũ wãkĩ inũ uĩmairã, tsuã amismẽ? Hakia eã besti ẽ amiski, Senhor Deusũnã.

Isaías 32:3

Habũ berurã, pehaira hatu uinũ ika beru hã ikabu inũ nĩka pewanũ ika paweshpai keyutã hatu nĩkakatsis ishãkanikiki.

Isaías 35:5

Hanushũ bekũbu bepeshetã uĩshãkanikiki. Patabu pape ikĩ nĩka pewashãkanikiki.

Isaías 42:7

Haska wakĩ beshushbu mĩ hatu uĩmashanaii. Bitxiti hiwe merã hatu bitxiyamabu mĩ hatu tashnimashanaii, tsuabura meshu anu hiwea keska hatu tashnima keska wakinã.

Isaías 43:8

“Enaburã, ea anu nitxĩkãwẽ. Haburã, beruyabia beshushbuki. Pabĩkiyabia nĩkaisma patabuki.

Isaías 8:6

“Assíria shanẽ ibu Rezim inũ Remaliasĩ bakẽ hatu datekĩ atxikatsis ikaibuwẽ taea Judá enabu hatuki dateaibũ Siloé hene pes daka unãshubira habamis Judá enabũ itxakawakanikiki.

Mateus 11:5

Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsaniki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu nuitapaibũ hatũ pashati kakape nĩkatã benimaiburã, haska João yuitãkãwẽ.

Lucas 13:4

Ha inũ, ana betsa matu yukapa? Jerusalém anu mixki hiwe keyatapa hawẽ kena Siloé hanushũ uĩbaũti hiwe purekekirã 18 hunibu ha namã mapuabu tenãnirã, txakabuwakĩ huni betsabu Jerusalém anu hiweabu hatũ txakabuwẽ hatu binuawẽ taeshũ kupini mã haska xinãriamismẽkaĩ?

Lucas 2:32

Harã, bĩ ewapa txasha keska nawa betsa betsapabũ uĩkĩ minabu Israelbu mĩ kuxipawẽ mĩ hatu duawai uĩriashãkanikiki”, akaya

João 10:36

Deusũ ea meribi washũ yurabu anu ea yununirã, eã yuikĩ: “Ẽ Deusũ bakeki”, ẽ ikaiwẽ taeshũ: “Mĩ Deus itxaii”, ikĩ ea txitekĩ mã kaneaii.

João 11:37

hakia shanẽ ibu betsabu yuinameriai: —Huni bekũ shushawabiaxina hau Lázaro mawayamanũ shushawati xaraxina hawawẽ haska watima damapaikiki— abainaibũ

João 9:11

hatu yuikĩ: —Ha huni kenakĩ Jesus waibũ pupus watã ea bepushshũ: “Siloé anu betxukitãwẽ”, ea wa ka ẽ betxukia bepeshetã ẽ uĩ taewabirãshuki— hatu wa

João 9:39

Jesusũ ana yuikĩ: —Deusũ hatu unãti waiwẽ taea yurabube ẽ hiwekũkainaii. Tsuabũra uĩsbumã bepesheshũ hau uĩshanũbũ inũ natiã tsuabũra xinãkĩ uĩbiai bekũ keska hau ishanũbũ ẽ huniki— ikai

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Romanos 8:3

Deusũ Moisés yunukĩ hawẽ hãtxa kenemanirã, yurabu hatũ xinã babuwẽ taeshũ haska washũ txibãtirubumakẽ haska bebũkiri yubani yurabu babubu hau hatũ txakabu hatu buashuni mawayunũ, iwanã, hawẽ bake yura babu nukuna keska bimatã Deusũ yununiki. Jesus haskakiranishũ hawẽ mawa kayabimati Satanásã kuxipa mebĩkĩ Deusũ bakẽ maemaniki.

Gálatas 4:4

Deus yubakakĩ hanu hawẽ bake yunutiwani menekĩ Deusũ hawẽ bake yunua hua aĩbukia kaĩtã Moisés yusĩniwẽ yumetã hatũ Moisés yusĩni txibãkĩ ha yurabu hawẽ mekeaibu hatũ kupiti nuku bishuãyã txanima kayabi Deusũ bakebu benimai nũ pepashanũbũ hawẽ bake shabakabi dami watã tashnimaniki.