João 9:39 - Kaxinawá Bíblia (BR)

³⁹ Jesusũ ana yuikĩ: —Deusũ hatu unãti waiwẽ taea yurabube ẽ hiwekũkainaii. Tsuabũra uĩsbumã bepesheshũ hau uĩshanũbũ inũ natiã tsuabũra xinãkĩ uĩbiai bekũ keska hau ishanũbũ ẽ huniki— ikai

Kashinawa : Diosun Jesúswen taexun yuba bena yiniki

³⁹ Jesúsun ana yuikin: —Diosun jatu unanti waiwen taea yudabube en jiwekunkainaii. Tsuabunda uinsbuman bexpexexun jau uinxanunbun inun natian tsuabunda shinankin uinbiai bekun keska jau ixanunbun en juniki— ikai

João 9:39 Referencias Cruzadas

Isaías 44:18

Ha huniburã, hawa unãma inũ hawa tapiãbumaki. Beruyabia uĩkĩ pewama beshush hairabuki. Hatũ shinã hatu bepuhaira hawa nĩka pewatirubumariki.

Isaías 6:9

hatũ ea yuikĩ: “Kashũ yurabu eska ea hatu yuishũtãwẽ: ‘Ẽ hãtxa nĩkabiai habũ hawa nĩka pewama ishãkanikiki. Uĩ bestishãkanikiki, habũ hawa tapiãbumarã.’

Mateus 11:5

Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsaniki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu nuitapaibũ hatũ pashati kakape nĩkatã benimaiburã, haska João yuitãkãwẽ.

Mateus 15:14

Hau xinã inũbũwẽ. Huni bekũmã huni betsa habe bekũ iyupai harakiri iyuai unãma habia dabe mikĩ maebaĩ di irabemisbuki. Ha beparameaibu haska keskabuki, habũ tsua merabewatirumarã. Haskakẽ hawa hatu yuiyamakãwẽ— nuku wa

Mateus 6:23

Hakia beru txakabuya haska xinã txakabu haya kemukĩ uĩtxakakĩ mã kanemiski. Ha inũ, Deusũ xinaĩ unãbiakĩ tsuãra xinã pewama kanei txakabuhairamisbuki. Maturã, haskayamashãkãwẽ.

Lucas 1:79

Yurabu hatũ txakabuwẽ taea atimapanu mawai benui bupanãbũ mexu tẽ ikai anua bĩ txasha watã nuku inã keska wakĩ nũ habu hiweyuabu nũ hawẽ unãnuma hiwei kai nuku yusĩshanikiki”, inikẽ

Lucas 13:30

Haskawẽ taea na habiatiã tsuabura habu shanẽ ibuisbumarã, habu dukũ shanẽ ibu ishãkanikiki. Ha inũ, na habiatiã tsuabura shanẽ ibumisburã, mawaira ana shanẽ ibuama ishãkanikiki— hatu waya

Lucas 2:34

hanushũ Simeãonẽ hatu yuikĩ: —Deusũ hau matu duawakubaĩshanũwẽ— iwanã, Maria besti yuikĩ: —Na bakerã, hawẽ yura Israelbu unãti wakatsi Deusũ katuniki. Hawẽ yusĩa nĩkatã hatiritũ xinã betsa watã txibaĩbũ inũ hatiritũ xinã betsa wama danãkubaĩshãkanikiki. Mĩ bake danãkĩ nupe kenuhairawẽ mĩ huĩti txatxia keska wakĩ mia yumãwãkĩ mia nuitapawashãkanikiki— anikiaki.

Lucas 4:18

“Nuitapaibu kakape ẽ hatu yusĩnũ Deusũ ea katuniwẽ taea hawẽ Yushĩ Pepa ẽ hayaki. Hanushũ huĩti nixmabu hatu benimawakĩ yura betsã hatu tsuma wa henemakĩ bekũ keskabu bepesha keska wakĩ hatu yusĩ pewakĩ hatu itxakawaibu nemakĩ Deus benimawatikiri dasibibu ẽ hatu unãmakubaĩshanũ Deusũ ea yununiki”, hatu watã keneni hãtxa yuikĩ keyushũ

João 12:31

Na habiatiã yurabu unãti wakĩ diabo Satanás yurabu dasibibuwẽ shanẽ ibumis mebĩtã ẽ urẽshanaii.

João 12:46

Yurabu mai anua hatu ikũwãmatanũ ika shaba keska ẽ huniwẽ taea tsuabũra ea ikũwaĩ mexu merã hari hiweama keska ishãkanikiki.

João 3:17

Hanushũ hau ewẽ taeshũ yurabu hatu kupishanũ, iwanã, Deusũ ea hawẽ bake bestitxai ea tashnimama iniki. Hakia Deus daewakĩ hau ewẽ dabanã matũ txakabu buashũkubaĩshanũ, iwanã, Deusũ ea hawẽ bake bestitxai tashnimaniki.

João 3:19

Yurabu hamapai txakabuwẽ kemui abukĩ henekatsi ikama Deusũ hãtxa shaba keska danãmisbuki. Hanushũ hatũ xinã txakabuwẽ taeshũ Deusũ hatu kupinũ, iwanã, hawẽ hãtxa shaba keska yunukĩ tashnimaniki. Haskawẽ taeshũ tsuã hawa nĩkama hawẽ bake danãkĩ txakabuwẽ besti kemumisbu Deusũ hatu kupihairashanikiki, niti akamarã.

João 8:12

Templo hemaĩtĩ anushũ Jesusũ yurabu uĩkĩ mapuabu hatu yuikĩ: —Earã, mai hirabi ẽ bĩ txashahaira keskaki, hatu tapĩmanikarã. Tsuabũra ea nĩkatã txibaĩburã, ha bĩki nukui hiwea bena hayakanikiki. Haskawẽ taea hawa mexu merã ana biũma niama keska ishãkanikiki— hatu waya

João 8:15

Yurabũ xinãmiswẽ mã ea unãti waii. Hakia eãnã, haskawẽ ẽ matu unãti wamaki.

João 9:25

hanushũ ana hatu yuikĩ: —Huni txakabumẽkaĩ, ẽ unãmaki. Ẽ bekũbiakẽ ikis ea uĩmaxina ha besti ẽ unaiĩ— hatu wa

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

2 Coríntios 2:16

Haska xinaĩbutunarã, nukũ yusĩanã, ikũwãbumã nuku nĩkamarã, atimapa yura mawa pisi mayai keska shetekĩ aka wakanikiki, nuku danãkinã. Hakia dasibibũ nukũ yusĩa nĩkakĩ Cristo ikũwãkĩ nukũ yusĩa ininipa keska abukĩ benukatsi ikama haska niti ikama Deusbe hiwekuĩshanaibu bikubaĩkanikiki. Hakia Cristokiri shabakabi yusĩa mesekenã, tsuabũra nũ xinã txakai, ha hiweakirirã?

Efésios 5:14

Haskakẽ haska xinã betsa watirubu xinãkĩ Deuskiri nawati yuikĩ: “Txakabũ matu tsumarã, mepamarikãwẽ. Mã mawabiani hanũ beniribirãkãwẽ. Matũ txakabu mã heneaya Messias Cristõ hawẽ txashawẽ matu yusĩkĩ matu unãmashanikiki”, ikaki.

2 Tesalonicenses 2:10

Habũ Deusũ kakape Jesuswẽ mekekatsi iki abunameama danãnãkĩ txanima hãtxa danaĩbu ha huni txakabunã, txakabu atimapa betsa betsapawẽ hatu parãyã haska uĩtã txibaĩbũ

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

1 João 2:11

Hamẽ tsuara ikũwaĩbube abunameama hatube danãnanaĩ dakekenaĩnã, hawẽ hiwea pemawẽ taea mexu merã nia hani kai unãma keskaki. Ha mexu merã niarã, hawẽ hiwea shenĩ hawẽ xinã bepu keyua bekũ keska hiweaki.