João 7:39 - Kaxinawá Bíblia (BR)

³⁹ Haska nuku yuikinã, Deusũ Yushĩ Pepakiri nuku yuiniki. Hanushũ Jesus ikũwaĩbu hawẽ kuxipa Deusũ inanũ ikaya Jesus mawa besteã hawẽ Epanu kariamakẽ Deusũ Yushĩ Pepa nuku inãyuama iniki.

Kashinawa : Diosun Jesúswen taexun yuba bena yiniki

³⁹ Jaska nuku yuikinan, Diosun Yushin Pepakidi nuku yuiniki. Januxun Jesús ikunwainbu jawen kushipa Diosun inanun ikaya Jesús mawa bestean jawen Epanu kadiamaken Diosun Yushin Pepa nuku inanyuama iniki.

João 7:39 Referencias Cruzadas

Provérbios 1:23

Ẽ matu yusiaĩ ea nĩka pewai bekãwẽ. Ẽ matu nemaya mã ea nĩka pewaya ẽ shinã ẽ matu atximashanaii.

Isaías 32:15

Senhor Deus dasibi damiwanikatũ hawẽ kushipa ana nuku anu yunua huaya hanu hawa mibã hayamabiakẽ betsa maewakĩ mai anu dayati pepa wakĩ hanu mibã pepa benemis anu ana bimihairati hayashanikiki.

Isaías 44:3

Mã haskawẽ taeshũ hanu tsua hiweabumanu mai hawa beneisma anu pashku wakĩ ẽ ũpash tuea habashanikiki. Matũ bababu pepawẽ duawakĩ hiwea bena inãkĩ ẽ hatu yunushanaii.

Joel 2:28

Senhor Deusũ ana hatu yuikĩ: “Na eska binukainayarã, ma bari hawẽ henei kaya ẽ Yushĩ Pepa yura dasibi hiwebaunabu anu ẽ hatu yunua hatu atxishanikiki. Matũ huni bakebu inũ matũ aĩbu bakebu ekiri hãtxabaũshãkanikiki. Mestebu inũ yushabubu namawẽ haska ishanai uĩshãkanikiki. Berunãbu inũ txipashburi nama keskawẽ haska ishanai ẽ Yushinẽ hatu uĩmashanikiki.

Mateus 16:14

—Betsabũ yuikinã: “Naximanika João ana bestẽxinaki”, mia wakanikiaki. Betsabũri yuikĩ: “Elias ana butuimaki”, mia wariakanikiaki. Betsabũri yuikĩ: “Deusũ hãtxa yuishunika Jeremias kasmai hawẽ hãtxa yuishunika betsa daka”, akĩ mikiri yuimisbukiaki— nũ wa

Mateus 21:11

Jesusbe bukĩ hatu yuikĩ: —Deusũ hãtxa yuishunika Jesuski. Galiléia mai pakeanua hawẽ mae Nazaréki— hatu akubainaibũ,

Lucas 24:49

Haska ẽ Epã ea yununi keska wakĩ eãri ẽ maturi yunuaii. Deusũ hawẽ hãtxati kuxipa datetima ẽ matu yunushanai binũ ika na habia Jerusalém anu hiweyushũ manakayukãwẽ. Deusũ hawẽ kuxipa nai anua matu inã bitã nawa dasibibu yusĩkĩ taewashãkãwẽ— hatu watã

Lucas 3:16

haskaibu Joãonẽ hatũ xinã unãkĩ dasibi hatu nemakĩ yuikĩ: —Txanima, eãnã hawẽ matu unãmati wakĩ henewẽ besti ẽ matu naximakubainaii. Hakia ha mã hakiri xinaĩnã, kuxipahairatũ ea binũa txipu huikiki. Kuxipahaira mesetũ ea binuhairawẽ taeshũ ẽ hawẽ hawaumahairatũ haska washũ hawẽ bitxi tae meshpũ pekakĩ merabewakĩ hawẽ dayaru itsakĩ kuxipa mirĩtũ ẽ ashũtirumaki. Hakia hatũ matu pepawakĩ Deusũ Yushĩ Pepa matu inãtã bika matu tenemakĩ matũ txakabu buakĩ yamawa keska washanikiki, hawara txakabu abuama txiwẽ kua keska wakinã.

Lucas 7:16

Jesusũ haska wai uĩ haska uĩsbuma hawẽ datei mesehairakĩ: —Habaa! Nuku anu Deusũ hãtxa yuishunika pepahaira ma ana tashnixinaki. Hawenabu duawai Deus ana bayushuki— ikĩ Deus kẽwãkubainaibũ

João 1:21

—Mĩ tsuaraka, Deus hãtxashunika Elias kanirã, mĩ hamẽ?— akabu —Ẽ hamariki— hatu wa —“Deusũ hãtxa yuishunika kuxipa ea keska hushanikiki”, akĩ Moisés yuinirã, mĩ hamẽkaĩ?— akabu —Ẽ hamariki— hatu wa

João 12:16

hanushũ ha dukũ Jesus haskai nũ hawẽ tsumabũ nũ hawa nĩkakĩ pewama iniki. Hakia txipu Deusũ Jesus bestẽwaĩmakẽ xinãkĩ haska dasibi ikima ha kenenibu inũ kẽwãkubirãxinabu xinãkĩ atimas hakiri nũ nĩkaniki.

João 12:23

Jesus hushũ hatu yuikĩ: —Matũ Hutxi Kayabi Iuwa Deusũ hatu ea kẽwãmakatsis ikairã, ma kemaikiki, ikisrã.

João 14:13

Ẽ kenawẽ taeshũ tsuabũra hamapai Epa Deus mã yuka ẽ hawẽ bakẽ ẽ matu ashũshanaii, ẽ Epã kuxipa matu uĩmakinã.

João 14:26

Hakia hawẽ Yushĩ Pepa matũ Mekenã Bena ẽ kenaya ẽ Epa Deusũ yunua hushũ haska ẽ matu yusĩkubaĩmis dasibi ẽ matu yuiai ana shabakabi matu xinãmakubaĩshanikiki.

João 16:14

Ha Yushĩ Txanima Unãmanika hamebi huama ẽ kuxipa bitã matu unãmakĩ inãkĩ matu kuxipa washanikiki.

João 16:7

Hakia ikũkĩ ẽ matu yuiai nĩkakãwẽ. Ẽ matu kashũamakenã, Mekenã Bena matu anu hutirumaki. Hakia kashũ Mekenã Bena matu anu ẽ yunushanaii. Haskawẽ taea ẽ kayarã, maturã, mã pepakũkaĩshanaii.

João 17:1

hanua naiuri teskãshũ uĩkĩ nuku nĩkamakĩ yuikĩ: —Epaã, hanu mĩ ea yubanirã, hanuki. Ẽ mĩ bake mawai merabewakĩ ewẽ mĩ kuxipa hatu uĩmawe, hatu ẽ mia kẽwãmashanunã.

João 17:5

Epaã, eskatianã, mai nũ damiwariama mĩ besuũbia ẽ shanẽ ibui taeaitiã ẽ txashakapa hawẽrua hayani keska habias ea inãshãwẽ.

João 20:22

kuxipa wakĩ nukukiri kũtxũkaĩ kuxu atã nuku yuikĩ: —Yushĩ Pepa hayarikãwẽ. Haskatã tsuabura Deuskiri habu txakabu haya mã hakimawakẽ Deusũri hatũ txakabu hatu buashũshanikiki. Hakia hatũ txakabu mã hakimawamakẽ Deusũri hatũ txakabu hatu buashunama ishanikiki— nuku watã haniraki ana dami kaĩkẽ

João 6:14

hawẽ unãmati dami Jesusũ hatu ashũshuwẽ taea uĩ yuinamei: —Txanima Deusũ hãtxa yuishunika kayabiki, haska Moisés yuinirã, ha hunirã, habiaki— ikubaũkĩ

João 7:12

yurã kaiã Jesuskiri hãtxai yuinamei betsa betsapabũ hakiri yuikĩ: —Harã, huni txakabuma pepaki— akaibũ betsabũri yuikĩ: —Haskamaki. Huni pemaki. Nukunabu parãmiskiaki— ariaibũ

João 8:54

—Emebi ẽ keaĩnã, pemaki. Hakia ẽ Epã ea kẽwãmiski. Unãmabia: “Nukũ Deuski”, ikĩ ẽ Epakiri mã yuimiski. “Eari ẽ Deus unãmaki”, iki ẽ txani txakakeanaii, matu keskairã. Hakia ẽ Epa Deus unãkĩ hawẽ yunua ẽ txibãmiski.

Hechos 19:2

hatu yukakĩ: —Hanu mã Jesus ikũwãkĩ taewairã, hawẽ Yushĩ Pepatunã, ma matu atxitã matuki hikimamẽ?— hatu wa habũ yuikĩ: —Deusũ Yushĩ Pepakiri tsuã hakiri hawa yusĩkĩ nuku nĩkamariamaki— akabu

Hechos 2:17

Deus txanii: ‘Ma bari hawẽ henei kaya ẽ Yushĩ Pepa yurabu anu ẽ hatu yunua hatuki dasikẽ matũ huni bakebu inũ matũ aĩbu bakebũ ekiri yusĩaĩbũ berunãbu usha keskashũ dami betsa betsapa uĩaĩbũ anibubu usha ekiri namariashãkanikiki.

Hechos 2:33

Hanushũ ana bestẽwãtã Deus hau habe shanẽ ibunũ, iwanã, hawẽ yusiuri tsaũtã haska yubakani hawẽ Yushĩ Pepa hawẽ Epã Jesus inã hatũ nuku inãkeakekĩ nuku kuxipa waikiki, na habia nĩkakĩ mã uĩanã.

Hechos 2:38

Pedrõ hatu kemakĩ: —Deus mã txibãkatsis ikairã, matũ txakabu henetã matũ xinã betsa watã Deus anu berikãwẽ. Haska watã mã Jesus Cristo ikũwaĩwẽ taeshũ hawẽ kenawẽ matu tibi nũ matu naximaya matũ txakabu buatã hawẽ Yushĩ Pepa Deusũ matu inã mã bishanairã.

Hechos 2:4

haskakĩ dasibi hatu atximakĩ keyuaya haska hãtxatirubumabiakẽ nawa betsa betsapabũ hãtxa tibiwẽ Deusũ Yushĩ Pepatũ yuimakĩ hatu hãtxamakĩ taewaya

Hechos 3:13

Nũ haskamaki. Matu yuinũ nĩkakãwẽ. Habias nukũ shenipabu Abraão inũ, Isaque inũ, Jacõ Deus kẽwãpaunibũ na huni ma shushawashuki. Ha inũ, hawẽ bake abuhairakĩ Deusũ nukuwẽ taeshũ kẽhairawabiamiskẽ danãkĩ matubu haki sinatakĩ atxishũ nawa shanẽ ibuhaira anu mã iyua hanushũ Pilatõs xinã pewatã tenãkatsi ikama nitxĩpanã mã nemaimaki.

Hechos 4:31

Deusbe hãtxai meneaibũ habiatiãri hanu itxabu anu patxa sakuaya Deusũ Yushĩ Pepatũ hatu dasibi atxikĩ kuxipa wakĩ keyua hanushũ ana dateama Deusũ kakape hawenabu hatu shabakabi yuikubainibukiaki.

Romanos 8:9

Hakia natianã, Deusũ Yushĩ Pepa mã haya matuki dasishũ matu mekeaya txakabuki petxitã mã ana ha txibãmaki. Hamẽ tsuabura Jesusũ Yushĩ Pepa hayama haki dasiama Cristonabumaki.

2 Coríntios 3:8

Hakia haska nukũ txakabu Cristõ buakatsis inikiri Deusũ Yushĩ Pepatũ nuku yubakĩ hawara Deusũ Moisés yusĩa yusĩ hawẽ besu txasha txasha iki kuxipai txani pehairabianikẽ hawẽ Yushĩ Pepatũ haska wani ana binumaikiki.

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.