João 7:31 - Kaxinawá Bíblia (BR)

³¹ Hanua hakiri haskabiaibu itxapabũ ikũwaĩ yuinamei: —Messias Cristo hushũ dami itxapa nuku washũshanaikiri nuku yusĩmisbu na hunĩ haska nuku yusĩmisbu keska waikiki. Txipu Messias Cristo hushũ na hunĩ akai binutirumamẽkaĩ? Nũ xinãnã, atirumaki— iki

Kashinawa : Diosun Jesúswen taexun yuba bena yiniki

³¹ Janua jakidi jaskabiaibu ichapabun ikunwain yuinamei: —Mesías Cristo juxun dami ichapa nuku waxunxanaikidi nuku yusinmisbu na junin jaska nuku yusinmisbu keska waikiki. ¿Chipu Mesías Cristo juxun na junin akai binutidumamenkain? Nun shinanan, atidumaki— iki

João 7:31 Referencias Cruzadas

Mateus 12:23

yurã kaiãnẽ uĩ: —Habaa! Yuu! Davĩ baba mekenika Deusũ nukũ shenipabu yubani habiamẽkaĩ. Hamaraka— ikeakeaibũ

Lucas 8:13

Ha inũ, heshe betsa mixki ewapabu mania anu mai eskarabes bemãtximea anu niri akarã, tsuãra Deusũ hãtxa nĩkakĩ taewai benimabiaya xinã pewamawẽ taeshũ hawẽ hiwepanã Deusũ hãtxa danãmakĩ hatu bika wakĩ hawẽ hamapaiwẽ hatu itxakawabu tenei hawawẽ haskatima ha uĩtã ana hawẽri txĩtũbaĩmisbuki, hatũ tatxa itxapama keskawẽ taearã.

João 11:45

Hatũ berubi Jesusũ haska waiwẽ taeshũ judeu shanẽ ibu itxapabu Mariabe beshũ Lázaro mawaxina Jesusũ ana hiwemai uĩkĩ: “Jesus Deusũ bakeki”, ikĩ ikũwaĩbũ

João 12:42

Isaíasĩ haska kenenikẽ judeu shanẽ ibu itxapabũ Jesus ikũwaĩbũ inũ shanẽ ibuhaira binuabu hatiribũri ikũwãbiai: “Hau nukũ itxati anua tashnimakĩ nuku nitxĩyamashanũbũ”, ika fariseubuki datekĩ yura itxapabũ Jesus ikũwaĩkiri shabakabi yuiama iyunibukiaki,

João 2:11

haska wakĩ Caná Galiléia anushũ dami atimaska taewakĩ Jesusũ hawẽ kuxipa nuku uĩmakĩ taewaya hawẽ tsumabũ eskarabes ikũwãkĩ nũ taewaniki.

João 4:39

hanushũ aĩbũ hatu yuiaiwẽ taeshũ hawẽ mae anushũ Samarianawabu itxapabũ ikũwaĩ Jesus anu

João 7:26

Ũ unu naxui ika yusĩ hãtxairã, hawa tsuã nemama uĩnãmãri! Nukũ shanẽ ibubunã, “Messias Cristoki”, iwanã, xinãkanimẽkaĩ?

João 9:16

hatiri fariseubũ haska xinãbumawẽ taea betsabu yuinamei: —Moisés nuku yusĩni txibaĩ haki meseama sábado huĩrukuãma dayamisrã, ha huni Deus anuamaki— ikaibũ hakia betsaburi yuinamei: —Hawẽ unãmati dami atimaska akinã, huni txakabũ haska watirumaki— iki fariseubu hatũ xinã dabe wai pashkatã

Hechos 8:13

hanushũ Simãonẽ dikabi ikũwãyã naxima Filipebe kakũkaũkĩ haska tsuã atiruma dami atimaska betsa betsapa akai uĩ Simão e ikũkainaya

Santiago 2:26

Ha inũ, yura yushĩyãbia hawẽ yushĩ kaĩkainaya mawamiski. Haska keskariai ikũwã bestikĩ haska Deusũ yunua txibãkĩ dayashunama hawẽ akarã, hamẽki, hatũ xinã pewama mawa keskarã.