João 6:70 - Kaxinawá Bíblia (BR)

⁷⁰ Jesusũ nuku yuikĩ: —Eãnã, ẽ matu katubiayama bestitxai yushĩ txakabu mã hayaki— nuku wa

Kashinawa : Diosun Jesúswen taexun yuba bena yiniki

⁷⁰ Jesúsun nuku yuikin: —Eanan, en matu katubiayama bestichai yushin chakabu man jayaki— nuku wa

João 6:70 Referencias Cruzadas

João 13:18

Na haska hãtxairã, matu dasibikiri ẽ hãtxamaki. Eã ẽ matu katunishũ ẽ unaiĩ. Hamẽ ekiri Deusũ hãtxa yuishunikatũ ea dayuikĩ: “Ebetã pibiakĩ ea detenũ ishũ xinaĩkiki”, ini keskai haska ekiri kenenibu yuiaiwẽ taea txanima matu bestitxaitũ mã ea habiaskari wakatsis ikaii.

João 13:2

Hanushũ bari kaya mexu merã Jesusbetã nũ piaya habiatiãri Judas Iscariotẽ Jesus hatu atximashanai diabo Satanásã Judas xinãmaya

João 13:21

hanua Jesus hawẽ huĩti meteshekei nixmahairakĩ shabakabi ana nuku yuikĩ: —Txanima haratura bestitxaitũ mã ea hatu atximai kaii— nuku wa

João 13:27

piaya Satanás Judasĩ xinã merã ma hikiawẽ taeshũ Jesusũ Judas yuikĩ: —Mĩ haska xinaĩnã, hawaira aritãwẽ— aka

João 15:16

Mã ea katuama eã ẽ matu katuniki. Haskawẽ taeshũ ẽ matu yunuaii. Kashũ hatu yusĩkĩ mã bimi itxapa wai keska wakĩ ẽ tsumabu hatu wakĩ hau txĩtũyamanũbũ hatu kuxipa wakubaĩshãkãwẽ. Haska wakĩ ẽ kenayashũ Epa Deus hamapai tibi mã yuka matu ashũshanikiki.

João 17:12

Na enaburã, mai anua hatube hiweshũ mĩ kena kuxipa mĩ ea inãniwẽ txakabu nemakĩ ẽ hatu mekekubirãxinaki, hawa hatu benuamarã. Judas besti haska hakiri kenenibu keska aki ma benuni iki kashuki.

João 2:2

nũ Jesusũ tsumabu Jesusbe nukuri iabu

João 20:24

Jesusũ 12 tsuma kuxipaya betsa Tomé tsupibu bakekẽ hawẽ kenamisbu nũ shukua anu Jesus hua nũ uĩxĩkẽ habiatiãri nukube ikama ixĩkẽ mexukiri huai betsã Tomé nũ yuikĩ: —Nukũ Shanẽ Ibu hiwea nũ uĩxinaii— nũ akeakea nuku ikũwãma yuikĩ: —Hawẽ mekẽ anu mastaxinabu shui ẽ uĩyama habianuri ẽ metuti ẽ mistuama txatxixinabu hawẽ haxi shui ẽ mekẽwẽ ẽ mekĩ mistuama Jesus ana hiwea ẽ ikũwãtirumaki— nuku waxĩkẽ

João 6:64

yusĩkĩ taewabirãshuwẽ hawẽ hãtxa ikũwãbuma inũ tsuãra atximashanai unaĩwẽ taeshũ Jesusũ ana yuikĩ: —Hamẽ matunã, betsa betsapabũ mã ea ikũwãbumaki. Haskakẽ: “Epa Deusũ matu kenama mã ea ikũwãtirubumaki”, akĩ ẽ matu yuishuki— ikaya

João 6:67

hakia nũ hawẽ 12 tsumabu nũ pashkabainabumakẽ Jesusũ nuku yuikĩ: —Matũri mã ea henekatsi ikimẽkaĩ?— nuku wa

João 6:71

nũ hawẽ 12 tsumabu betsã Jesus hatu atximashanaiwẽ taea Simão Iscariotẽ bake Judaskiri xinãkĩ haska nukukiri hãtxaniki.

João 8:44

Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.

Hechos 1:17

Hamẽ Judasrã, ha dukũ Jesusũ nukube katushũ nukube daya inãriayama ikimaki.

Hechos 13:10

huni mukaya Elimas yuikĩ: —Diabo Satanásã bakeẽ, parananaĩ txani txakai dasibi pepaki mĩ sinatamiski. Haskai Yavé Deuskiri txani txakai Deuskiri bai mĩ nuku yushtu wamakatsis ikai?

1 Timóteo 3:11

Habiaskari wakĩ aĩbuaiburi merabewanika katukatsis ikinã, hakiri pe xinaĩ haki kasheisbuma inũ, hatũ txani tuekĩ hatu nĩkamaisma inũ, patapai kasheisbuma inũ, dasibi hawẽ pepa hatu uĩmakubaĩmisrã, haska keskabu besti akubaĩkãwẽ, katukinã.

Tito 2:3

Aĩbu ewabu hatu merabewakatsi yusĩkĩ habiaskari hatu akubaĩwẽ. Hatũ hiweawẽ pe hiwekĩ Deuskiri hau pe xinãnũbũ inũ, hau ana yuãnanãyamanũbũ inũ, hau ana paẽyamanũbũ inũ, haska Deusũ abumis hawẽ hiweawẽri hau dasibibu uĩmakubainũbũ hatu yuikubaĩwẽ.

1 João 3:8

Hakia tsuãra txakabu akubainaiburã, Satanás txibãkĩ akanikiki. Bebũkiri Satanásã Deus nĩkama hatũ dukũtũ hakiri txakabuwanishũ hatũ hatu amakubainikiki. Haskawẽ taea Satanásã haska hatu amakubaĩmis yamawakĩ keyunũ ika Deusũ bake tashniniki.