João 6:57 - Kaxinawá Bíblia (BR)

⁵⁷ Haska inũ, Epa Deus hiwei ikibi ikatũ ea yununiwẽ taea hawẽ kuxipawẽ ẽ hiwekũkainaii. Habiaskariai tsuabũra ea pi ẽ kuxipawẽ hiwekubaĩshãkanikiki.

Kashinawa : Diosun Jesúswen taexun yuba bena yiniki

⁵⁷ Jaska inun, Epa Dios jiwei ikibi ikatun ea yununiwen taea jawen kushipawen en jiwekunkainaii. Jabiaskadiai tsuabunda ea pi en kushipawen jiwekubainxankanikiki.

João 6:57 Referencias Cruzadas

Mateus 16:16

Simão Pedrõ kemakĩ: —Miarã, Epa Deus hiweatũ bake mĩ nukũ mekenika Messias Cristoki— aka

João 14:19

Mawaira hatishuĩra yurabũ ea uĩyama ishãkanikiki. Hakia matunã, mã ana ea uĩyushanaii. Ha inũ, ẽ ana matu hiweshunaiwẽ taea maturi mã hiweriakũkaĩshanaii.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 17:21

Haskai mia inũ ea dasia nũ bestitxai keska hiwea haburi nukuki dasiabu habiaskari wakĩ mĩ hatu merabewashanũ ẽ mia hatu yukashunaii. Mĩ hatu haska wa habu shukushũ ea ikũwaĩbu mai hirabi anu mĩ ea yununi unãtirubuki.

João 3:17

Hanushũ hau ewẽ taeshũ yurabu hatu kupishanũ, iwanã, Deusũ ea hawẽ bake bestitxai ea tashnimama iniki. Hakia Deus daewakĩ hau ewẽ dabanã matũ txakabu buashũkubaĩshanũ, iwanã, Deusũ ea hawẽ bake bestitxai tashnimaniki.

João 6:29

Jesusũ ana hatu yuikĩ: —Deus benimawakinã, hatũ ea yununi besti ikũwãkãwẽ, ẽ eakirã— hatu wa

1 Coríntios 15:22

Adão ini keskariai yurabu dasibi mawashãkanikiki. Hakia Cristo bestẽtã ana hiwenikẽ haska keskariai yurabu ikũwaĩ ana bestẽtã hiweriashãkanikiki.

1 Coríntios 15:45

Deusũ yunua Moisés kenekĩ: “Huni wakĩ taewakĩ Adão damiwatã Deusũ hiwemaniki”, aniki, Moisésnã. Hamẽ Cristõ yura Adão keskari bia nuku mawashũkĩ hiwekuĩa Deusbe niti ikama hawẽ Yushĩwẽ hiweti nuku washuniki.

Gálatas 2:20

Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

1 João 4:9

Jesus ikũwaĩ hawẽ taea nũ hiwea hayashanũbũ Deusũ hawẽ bake bestitxai yurabu anu yununiki, nukuwẽ nuikĩ nuku abuai nuku uĩmakinã.