João 4:21 - Kaxinawá Bíblia (BR)

²¹ —Aĩbuũ, ea nĩkairawe. Na mati inũ Jerusalém anu kama hani ana kama mã Epa Deus kẽwãshanai ma kemaikiki.

Kashinawa : Diosun Jesúswen taexun yuba bena yiniki

²¹ —Ainbuun, ea ninkaidawe. Na mati inun Jerusalén anu kama jani ana kama man Epa Dios kenwanxanai ma kemaikiki.

João 4:21 Referencias Cruzadas

Isaías 66:1

Hanushũ Senhor Deusũ ana hatu yuikĩ: “Nai anurã, hanu shanẽ ibui ẽ tsaumiski. Hamẽ maikirã, ẽ tae ẽ hanu kẽyãmiski. Ea hanu huĩrukũmanũ ishũ hani tsuã ea duawakĩ shaba betsa anu ea hiwe washũtirumẽ? Tsuã atirumaki.

Malaquias 1:11

Yura shukuabu tibi matunabuma mai hirabi anu manibauna ewẽ datekĩ hanira hiwebaunabu anushũ ea kẽwãkĩ sheni inĩti ea inãkuĩkĩ kuakubaĩkĩ hawara pepa besti ea menushũriamisbuki.

Mateus 28:19

Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.

Lucas 21:24

Ha inũ, detenamekĩ nupe txaipawẽ betsabu detekĩ hatiri tenãtã betsabu atxishũ tsuma washũ mai pakea betsa betsapa anu hatu iyuaibũ Deusũ nawa kuxipabu hatu nemakĩ yamawariama habũ Jerusalém anuabu itxakawashãkanikiki— iwanã,

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 16:2

Hanu itxati hiwe anushũ matu danãkĩ nitxĩkĩ nukunabu matuki dakemashãkanikiki. Ha inũ, betsabũ xinaĩ: “Nũ Deus merabewaii”, ikĩ tsuabura matu betsa betsapa detekĩ

João 16:32

Mã ea haska wabiai hanu mã datei pashairã, ma kemakanikiki. Uĩrakãwẽ, hanu dasibi sa ikĩ mã bestibu ea dapashkabaĩkĩ mã ea henebiabaina earã, ẽ emestimaki. Ẽ Epa ebe ketashameshũ ea heneamaki.

João 4:23

Deusrã, yushĩki, yura kayabimarã. Haska inũ, hawẽ Yushĩ Pepatũ hatu merabewakĩ xinãmaya Deusũ yuini txanima unãkĩ ikũwã kayabishanaibũ Epa Deus duawakĩ kẽwãshãkanikiki, benimawakinã. Haskawẽ taea na habiatiã ma haska Deusũ abuai txanima mã kẽwãkĩ taewashanai ma taeikiki, Epa Deusũ hawẽ Yushĩ Pepatũ merabewayarã— aka

João 5:25

Txanima ana ẽ matu yuiaii. Ẽ Epa Deusũ hawẽ hiwemati kuxipa hamebi hayatũ habias ea inãniki. Haskakẽ hanu bari hawẽ heneaitiã mawabũ ẽ hui nĩkatã besteĩ ana hiweshãkanikiki.

João 5:28

Na haska hãtxa ẽ matu yuiai nĩkatã e iyamakãwẽ. Haskashanai matu yuinũ nĩkakãwẽ. Mawanibu dasibi ẽ hui kuxipawẽ ẽ hatu kena nĩkatã

Hechos 6:14

“Jesus Nazaré anuatũ Templo yamawatã nukũ beya betsa betsapa Moisés nuku yusĩni betsa washanikiki”, ikai nũ nĩkariakubainaii— hatu wabu

Efésios 2:18

Natiã Cristowẽ taeshũ judeubu inũ judeubumãri habias Yushĩ Pepawẽ Deus beyawai nũ haki kematirubuki.

Efésios 3:14

Haskawẽ taea mã judeubumakiri nukũ Epa Deus bebũ dãti itã ẽ matu kuxipa yukashũmiski,

1 Timóteo 2:8

Haska inũ, betsarã, hanishũra ikũwaĩbũ Deus kẽwãnũ ika itxa hunibu hau mexãtã Deusbe hãtxakubainũbũwẽ. Haskai Deusbe hãtxai haska bestiama haska Deusũ abuai benimawai besti hiwei hawa tsuki sinatama tsua ha akama hau pe besti meribi hiwekĩ hatu uĩmakubainũbũwẽ.

1 Pedro 1:17

Habiaskari wakĩ yurabu betsa betsapa dasibi uĩkĩ hatũ xinã tibi inũ haska wamisbu tibi kaneama Deusũ unãti washanaiwẽ taeshũ Deus dayuikĩ: “Epaã, ea mekewe”, aki bari tibi matũ hiweawẽ duawakĩ kẽwaĩ haki mesekubaĩkãwẽ.

Apocalipse 21:22

Ha inũ, Deusũ maewã bena hirabi anushũ Epa Deus Shanẽ Ibu binu keyua inũ hawẽ bake txashuwã habu kẽwãkubaĩmisbuwẽ taea hawẽ kẽwãti hiwe hayama ẽ uĩshuki.