João 2:19 - Kaxinawá Bíblia (BR)

¹⁹ hunea hãtxawẽ hatu yuikĩ: —Na mixki hiwe mã tekekĩ keyuarã, shaba dabe inũ besti kaya ana ẽ benishanaii— hatu wa

Kashinawa : Diosun Jesúswen taexun yuba bena yiniki

¹⁹ junea janchawen jatu yuikin: —Na mishki jiwe man tekekin keyuadan, xaba dabe inun besti kaya ana en benixanaii— jatu wa

João 2:19 Referencias Cruzadas

Mateus 12:40

Nínive anu kashũ hau hatu yusĩtanũ Jonas yunua nĩkama hari kama mae betsa anu pashai kai iãnẽwã merã pukuabu hasapanã bakawã ewapatũ sheaxina shaba dabe inũ besti mexu habiatiri kaya maxĩ mapeketã bakawã hanã Jonas besteniki. Earã, matũ Hutxi Kayabi Iuwa habiaskariai mawa mai anu daka shaba dabe inũ besti mexu habiatiri ka ẽ ana bestẽriashanaii.

Mateus 16:21

hanua Jerusalém anu ka haska washanaibu nuku yusĩkĩ taewakĩ: —Eki sinatakĩ ea itxakawakĩ judeu shanẽ ibubu inũ, Deusbe nukunabu hãtxashunikabu inũ, Deusũ hãtxa kenenibu yusĩnanãmisbũ ea danãkĩ itxakawakĩ ea hatu tenãmabu shaba dabe inũ bestitiã ẽ ana bestẽshanaii— akĩ

Mateus 27:40

yuikĩ: —Uĩwẽ. “Deus kẽwãti mixki Templo tekekĩ purekĩ keyutã shaba dabe inũ besti kaya ẽ ana benishanaii”, mĩ ixiãki. Mĩ ha kuxipa hayarã, haska mĩ Deusũ bakemẽkaĩ ha cruz anua mimebi pashai buturiwe, mawamarã— akaibũ

Mateus 27:63

yuikĩ: —Shanẽ ibuũ, ha huni txani txakakĩ mawariama hãtxai nũ nĩkamisrã: “Mawa shaba dabe inũ besti kaya ẽ ana bestẽshanaii”, ixiã nuku yuixinabu nũ xinaiĩ.

Marcos 14:58

—Nukũ nĩkakinã, Jesusũ eska yuiai nũ nĩkaxinaki. Matu yuinũ: “Na Deus kẽwãti mixki Templo hunibũ anirã, tekekĩ purekĩ keyutã usha dabe inũ besti kaya hunibũ akamakẽ ana ẽ benishanaii”, ikai nũ nĩkaxinaki— hatu wakeakeaibũ

Marcos 8:31

Jesusũ ana hatu yuikĩ: —Deusũ bake ẽ matũ Hutxi Kayabi Iuwarã, ea nuitapawashãkanikiki. Eki sinatakĩ ea itxakawakĩ mae shanẽ ibubu inũ, Deusbe nukunabu hãtxashunika shanẽ ibubu inũ, Deusũ hãtxa kenenibu yusĩnanãmisbũri ea danãkĩ ea hatu tenãmabu dabe inũ besti shaba kaya ẽ ana bestẽshanaii— akĩ

João 11:25

hanushũ Jesusũ ana yuikĩ: —Bestẽwãkĩ hiwemanikarã, habia ẽ eaki. Tsuabũra ea ikũwaĩ mawabia ana hiweshãkanikiki.

João 5:19

Jesusũ ana hatu yuikĩ: —Txanima ẽ matu yuiaii. Deusũ bakẽ hawẽ xinãnẽ besti haska atirumaki. Hakia hamapai xarabu Epa Deusũ akai uĩkĩ habiaskari wakĩ hawẽ bakẽri ariatiruki. Haskakẽ Epa Deusũ xinãnẽ ea hawẽ bakẽ ẽ ariaii.

Hechos 2:24

Hakia mawabiakẽ Jesus Deusũ ana bestẽwaĩmaki, mawamamistũ isĩ tenemakĩ baxitirubia hawẽ hiwea yabutiruma binumakinã.

Hechos 2:32

Hamẽ Deusũ haskakiri hãtxamanirã, ha Jesus mawa bestẽwãxina txanima ibubis dasibibũ nũ uĩkubaĩxina nũ unãkanaii.

Hechos 3:15

Haska wakĩ hatũ nuku hiwekuĩmashanai mã hatu tenãmabia mawa Deusũ ana nuku bestẽwãshuĩma nukubũ uĩkubainimashũ nũ unaiĩ.

Hechos 3:26

Haskawẽ taeshũ Deusũ hawẽ bake bestẽwaĩmashũ mã hawenabu dukũ matukiri pe xinãkĩ matu duawakĩ taewaikiki, matũ txakabu henetã mã xinã betsa wanũbunã— hatu wai

Hechos 6:14

“Jesus Nazaré anuatũ Templo yamawatã nukũ beya betsa betsapa Moisés nuku yusĩni betsa washanikiki”, ikai nũ nĩkariakubainaii— hatu wabu

Romanos 4:24

inũ nukukiriri xinãkĩ ashuniki, hatu kenemakinã. Habiatũri nukũ Shanẽ Ibu Jesus bestẽwani ha xinãwẽ nũ ikũwãyã Deusũ hawenabu nuku wamiski.

Romanos 6:4

Ha inũ, nuku naximaburã, Cristobe nũ mawa keska nuku habe maiwanibu keskakẽ nukũ xinã txakabu putai nũ hiwei benashanũ hawẽ Epa kuxipatũ Jesus Cristo bestẽwani keska wakĩ hiwea bena betsahairawakĩ nuku bestẽwã keska wamiski.

Romanos 8:11

Hanua Deusũ hawẽ bake Jesus Cristo mawa bestẽwanitũ mã mawa maturi bestẽwãshanikiki, hiwea bena matu inãkinã. Deusũ Yushĩ mã hayawẽ taeshũ matũ yura mawatã txapui keyubiamiskẽ ha Yushĩ matuki dasiatũ matu ana hiwemashanikiki, nai anurã.

1 Coríntios 15:12

Hamẽ betsarã, Cristo mawaxina Deusũ bestẽwanikiri nũ matu yusĩbiamiskẽ haskakĩ: “Mawabũ yura ana besteãma ishanikiki”, iwanã, hatiritũ xinãkĩ Corinto anushũ yuimisbumẽ? Mã haska xinaĩbu matu ana yusĩnũ nĩkairakãwẽ.

Colosenses 2:12

Haska inũ, Cristo mã ikũwãyã yura betsabu hatu unãti wamai mã naxiniburã, eska tibi hawẽ xinãmatiki. Nĩkairakãwẽ. Naximakĩ matu henẽ bitxiaburã, Cristobe matu mai wanibu keskaki. Hanushũ hene anua matu benibirãkĩ tashnimakĩ kaĩmaiburã, Cristobe besteã keska wakĩ matu akawanibuki, haska wakĩ Deusũ hawẽ kuxipawẽ Cristo bestẽwani ha kuxipa mã ikũwaĩwẽ matu imakinã.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.