João 2:1 - Kaxinawá Bíblia (BR)

¹ Jesusũ ha dukũ dami wakĩ taewani matu yuinũ nĩkakãwẽ. Ana ushaxini Caná mae Galiléia anu aĩyaĩ nawaibu anu hatu merabewai Jesusũ ewa hukẽ

Kashinawa : Diosun Jesúswen taexun yuba bena yiniki

¹ Jesúsun ja dukun damiwakin taewani matu yuinun ninkakanwen. Ana uxashini Caná mae Galilea anu ainyain nawaibu anu jatu medabewai Jesúsun ewa juken

João 2:1 Referencias Cruzadas

Provérbios 18:22

Tsuãra aĩbu pepa biarã, hawẽ taea pepa besti hayakũkaĩshanikiki. Senhor Deusũ hawẽ mia duawakatsi hawẽ pepa mia uĩmakubainikiki.

Provérbios 19:14

Hiwe pepa inũ mabu sharabu hatũ ibubu anua bimisbuki. Hakia aĩbu unanepa Senhor Deusũ besti hatuki nukumakubaĩmiski.

Mateus 12:46

Jesusũ hatu yusĩ meneriama hãtxaya hanua hawẽ ewa inũ hawẽ betsabu bea Jesuski haska kematima hemaĩtĩ mapushũ huni betsã hau yuishũtanũ hawẽ ewã yunua

João 1:29

Hanua ushaxini bestẽtã maniabũ Jesus huai txaima betxitã metukĩ Joãonẽ hatu yuikĩ: —Uĩkãwẽ. Deus daewakĩ hatũ txashuwã bake menumisbu keska wai yurabu dasibibũ txakabu hatũ hatu buashũkĩ Deus nuku daewashũti ma huikiki.

João 1:35

hanua ana ushaxini Naximanika João hawẽ tsumabu betsa dabebe nishũ

João 1:43

Ana ushaxini Galiléia mae pakea anu Jesus kanũ ika yubakaxina kai Filipeki nukutã Jesusũ yuikĩ: —Tapĩ ebe kakũkaĩwẽ— aka —Peki— ikaini

João 2:11

haska wakĩ Caná Galiléia anushũ dami atimaska taewakĩ Jesusũ hawẽ kuxipa nuku uĩmakĩ taewaya hawẽ tsumabũ eskarabes ikũwãkĩ nũ taewaniki.

João 21:2

Galiléia anu nũ ka Simão Pedro inũ, Tomé ‘Tsupibu bakeẽ’, akĩ nũ kenamis inũ, Natanael hawẽ mae Caná Galiléia anua inũ, nũ Zebedeũ bakebu ea inũ ẽ betsa Tiago inũ, ana Jesusũ tsuma dabe betsa nũ itxa mapuabũ

João 4:46

hanushũ Caná mae Galiléia anushũ ũpash dami waimanu Jesus ana txĩtũkaĩ hikiaya habiatiãri Herodesĩ ha dayashũmis shanẽ ibu betsã mae Cafarnaum anua hawẽ huni bake isĩ teneaya

Hebreus 13:4

Ha inũ, txutanamebaũmisbu inũ beneyabia inũ aĩyãbia txakabui kemumisbu Deusũ hatu unãti watã kupiakeakeshanaiwẽ taea tsuãra ikũwaĩ aĩyãtã betsawẽ ana kemuama ha besti uĩ haska mã abunamerabeai mekei habe hiwekubaĩkãwẽ. Beneyatãri betsawẽ ana kemuamari ha besti uĩ haska mã abunamerabeai mekei habe hiweriakubaĩkãwẽ.