João 19:35 - Kaxinawá Bíblia (BR)

^35-37 hakia bebũkiri Deusũ hãtxa keneni anu yuikĩ: “Hawẽ shau tekeama ishãkanikiki”, anibu inũ, kene betsa anushũ yuikĩ: “Tsuara txatxiabu hawenabũ uĩshãkanikiki”, iwanã, keneniburã, unãmabia habiaskari keneni menekĩ arianibuki. Matũri mã ikũwãshanũbũ hawara ibubis ẽ uĩni ẽ matu yuiaii. Ẽ uĩniwẽ taea ẽ hãtxa txanimaki.

Kashinawa : Diosun Jesúswen taexun yuba bena yiniki

^35-37 jakia bebunkidi Diosun jancha keneni anu yuikin: “Jawen xau tekeama ixankanikiki”, anibu inun, kene betsa anuxun yuikin: “Tsuada chachiabu jawenabun uinxankanikiki”, iwanan, kenenibudan, unanmabia jabiaskadi keneni menekin adianibuki. Matundi man ikunwanxanunbun jawada ibubis en uini en matu yuiaii. En uiniwen taea en jancha chanimaki.

João 19:35 Referencias Cruzadas

João 11:15

Ẽ harimakẽ ixĩkẽ ẽ benimaii. Haskarã peki, matunarã, ana shabakabi ẽ matu ikũwãmai kairã. Eki sinatabiaibu anua Lázaro uĩnũ bukãwẽ— nuku waya

João 11:42

Ẽ mia yuka nĩkatã mĩ ea merabewakubaĩmiski. Mĩ ea yununirã, na ebe mapubaunabũ hau ea uĩkĩ ikũwanũbũ shabakabi ẽ mia yukaii— itã,

João 14:29

Na eska bebũkiri ẽ matu yuiai txipu ikai uĩkĩ ẽ matu hãtxa wai xinãkĩ mã ea ikũwãshanaii.

João 15:27

Ha inũ, maturi ẽ tashnikiranai anua tapĩ mã ebe ikũkirãxinarã, mã ekiri hãtxai txaninikaburiki— iwanã,

João 19:26

hawẽ ewa inũ ea uĩkĩ ekiri Jesusũ yuikĩ: —Ewaã, ha mia dapi niarã, mĩ bakewawe— iwanã, ea abuhairamisshũ eari yuikĩ: —Baa, ikis ẽ ibu mĩ ewa ea washũwẽ. Ea uĩrashũkubaĩshãwẽ— ea wa ẽ hiwe anu iyuimashũ ẽ merabewapauniki.

João 21:24

Ana mirima Jesusũ akubaini dasibi nũ kene keyuarã, hati una mai hirabi anushũ meketirubumaki. Hakia Deuskiri Jesusũ nuku unãmai uĩkĩ nĩkakĩ dasibi ẽ tapĩniwẽ taeshũ ẽ hãtxa txanimawẽ eã ibubis ẽ matu keneshũshurã, hatiski. João

Hechos 10:39

Haskarã, nukunã, ibubis nũ uĩkubirãyamaki. Hanua Jerusalém anushũ inũ mae betsa betsapa Judéia mai pakea anushũ Jesusũ haska wakubainai atxishũ cruzki mastashũ tenãyamabuki.

Romanos 15:4

Haska dasibi Deusũ hãtxa yuishunikatũ bebũkiri keneniburã, haska ha keneni tapĩkĩ xinaĩ nũ hawẽ hiwekubaĩshanũbũ nuku ashunibuki. Haskawẽ taea ha Deusũ hãtxa uĩkĩ tapĩ nũ txĩtuãma nuku merabewaya hawẽ taea benimai nũ hiweibi hiweshanai nuku manakamaikiki.

1 Pedro 5:1

Nukũ Shanẽ Ibu Cristo nuku yumãshunai ẽ uĩniwẽ taeshũ natiã habuã mae tibi anushũ Cristo ikũwaĩbu matu mekenikabu ẽ matu hatu yusĩ pewakatsis ikai ea nĩkakãwẽ. Eari Cristo ikũwaĩbu ẽ hatũ mekenãriki, habu keskarirã. Ha inũ, Cristo shanẽ ibuhairai hukĩ hawẽ kuxipa nuku uĩmaya eari ẽ hatube benimatxakayamashanaii.

1 João 5:13

Jesus Deusũ bake mã ikũwaĩbu na yusĩa ẽ matu keneshunaii, Deusbe mã hiwei ikibi ika mã ma haya mã unãnũbunã.

3 João 1:12

Dasibibũ: “Haska kaka tashnimakãwẽ”, ika ẽ ikairã, Demétrio bestikiria hãtxa tashnia ẽ nĩkaii, hawẽ kaka txanimarã. Haska hakiri kaka kaĩayã nukũri hakiri hãtxakĩ habiaskari nũ xinaiĩ. Nuku nũ parananaĩ hãtxaisma mĩ unaiĩ.