João 19:34 - Kaxinawá Bíblia (BR)

³⁴ habiaskabiakẽ soldado betsã haxĩwẽ Jesus pixpe akabu hanua hakimamari himi hawẽ hene husia habaya

Kashinawa : Diosun Jesúswen taexun yuba bena yiniki

³⁴ jabiaskabiaken soldado betsan jashinwen Jesús pishipe akabu janua jakimamadi jimi jawen jene jusia jabaya

João 19:34 Referencias Cruzadas

Salmos 51:7

Ẽ txakabu mĩ ea txuka ẽ ana txakabu hayama ishanaii. Ẽ txakabu ea txukakĩ mĩ ea shũpĩ wanã, ha matsi tãki hushupamis ẽ binushanaii, hawa ana txakabu hayamairã.

Ezequiel 36:25

Ũpash kayabi beshnahairawẽ matũ beya betsa betsapa detsis keska ẽ matu txukashanaii, mã yushibu dami kẽwaĩ mã atimapamis tibi matu tere akĩ keyukinã.

Mateus 27:62

maiwaxinabu judeubũ huĩrukũtitiã Deusbe nukunabu hãtxashunika shanẽ ibubu inũ fariseubu Pilatos anu habe hãtxanũ ika bua itxashũ

João 19:33

hanua Jesuski kemashũ ma mawa uĩtã hawẽ kixi tekeama

João 20:20

hanushũ nuku haska watã hawẽ mekẽ shui inũ hawẽ haxi shui nuku uĩmaya nukũ Shanẽ Ibu ana uiĩ nũ benimahairaya

Hechos 22:16

“Haskakenã, ana hatishuĩra manama mĩ Deuskiri txakabukũkaĩmis hau mia buashunũ Jesusũ kenawẽ taeshũ ẽ mia naximai kanũ beniriwe”, ea waniki.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

1 Coríntios 6:11

Maturã, betsabu ha ikaibu keska hiwebiakũkaĩkĩ Jesus Cristo mã ikũwaĩbu nukũ Shanẽ Ibu Jesus Cristõ kuxipa inũ Deusũ Yushĩ Pepatũ kuxipawẽ matu xinã betsa wamaya ikũwaĩ betsã matu naximabu matũ txakabu detsis dashkia keska wakĩ meribi habias besu keska wakĩ Deusũ Yushĩ Pepatũ matu pepawaniki.

Efésios 5:26

Cristõ nuku haska wakatsi ikĩ nũ hawẽ ikũwaĩbu nuku mawashũkĩ hawena meribi txakabuma nũ shũpinũbũ hawẽ kakape nũ ikũwaĩwẽ taeshũ nuku naximamisbuki.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Hebreus 9:13

Txanima Deusbe nukunabu hãtxashunika dayakĩ ina awa bene inũ txashuwã himi baxa baxa akĩ inũ ina awa bake yushã menua hawẽ mapu ũpashki mutsashũ ha mapu pae watã hatuki baxa baxa ariakĩ tsuabũra txakabu waxina hawẽ txakabu tushkuakĩ ana hawenabubetã tari inũ bitxi hiwe inũ txipu Templo anushũ ana Deus kẽwãtiru wakĩ hatu pewakubaĩkanikiki, bemakis besti wakinã.

Hebreus 9:22

Deusũ Moisés hawẽ hãtxa yununiwẽ taearã, mabu inũ tsuabura Deusuna wakĩ hatu meribi wakinã, himi habama hatũ txakabu buatiruma inikiaki. Hakia Deusunabu meribi hatu wakinã, hatũ txakabu buashũkĩ himi habai bestiwẽ atiwakĩ yununiki, Moisésnã.

1 Pedro 3:21

Hanushũ natiã Jesus mã ikũwãyã ha henewẽ Deusũ hatu kupini mã xinãyã habũ matu naximakĩ matũ yura detsis txukaisbumaki. Hakia nukũ txakabu Deusũ buatã nukũ xinã hau nuku pewashũkubainũ nuku imamisbuki. Hakia nukubu pashairã, Jesus Cristo besteni ha besti txibãkubaini nũ ishãkanaii.

1 João 5:6

Jesus Cristo tashnikiranã, eskakĩ dasibi hatu unãti wamakĩ kayatiwamaniki, ha dukũ henewẽ ikaibu anu hari naxirã, hanua dasibibũ berubiri cruzkia dunua hawẽ himi habakĩ hatu uĩmakinã. Henewẽ naxi bestiama hakia mawai hawẽ himi habakĩ hatu unãti wamaniki. Haskanirã, Deusũ Yushĩ Pepatunã, hamebi unaĩkiki. Haska unaĩ nukukia txanima txanimiski.

1 João 5:8

Yushĩ Peparã, henewẽ naxinirã, mawai himi habanirã. Habu dabe inũ bestirã, hatũ xinãnã, habiaskas xinã kanemaki.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Apocalipse 7:14

kemakĩ: “Shanẽ ibuũ, mĩ miã unaiĩ”, ẽ wa hanushũ mekenikatũ ana ea yuikĩ: “Txanimaki. Itxakawanikatũ yura dasibi mai hirabi anuabu bikawakĩ hatu nuitapawaya yurabũ hatũ txakabu henekĩ habũ tari detsis keska txashuwã bakẽ himiwẽ txukakĩ habũ detsis yamawakĩ habũ tari hushu pehairawabuki.”