João 16:30 - Kaxinawá Bíblia (BR)

³⁰ Hanũkaĩ txanima mikiri nũ unaiĩ. Nũ mia yukariama unãkĩ nukũ xinã mĩ unaĩ inũ hamapai tibi mĩ unaĩwẽ taeshũ Deus anua mĩ hunirã, nũ ikũwaiĩ. Haskawẽ taea mĩ Deusũ bake kayabikẽ tsuã nũ ana mia yukai bika teneamaki— aka

Kashinawa : Diosun Jesúswen taexun yuba bena yiniki

³⁰ Janunkain chanima mikidi nun unaiin. Nun mia yukadiama unankin nukun shinan min unain inun jamapai tibi min unainwen taexun Dios anua min junidan, nun ikunwaiin. Jaskawen taea min Diosun bake kayabiken tsuan nun ana mia yukai bika teneamaki— aka

João 16:30 Referencias Cruzadas

1 Reis 17:24

aĩbũ kemakĩ yuikĩ: —Haska mĩ ea ashũshuwẽ taeshũ txanima mĩ Deus anua huniki. Senhor Deusũ hãtxa txanima mĩ yuimis ikis ẽ mia unãhairaii— anikiaki.

João 16:17

mawa ana bestẽshanaikiri hãtxai nũ unãma yuinamei: —Hawa nuku yuikatsi ikimẽkaĩ? “Ana eskarabes ea uĩyama hanũkaĩ ana usha eskarabes kaya mã ea ana uĩshanaii”, ikai inũ: “Deus anu ẽ kashanaiwẽ taearã”, ikĩ haskara nuku yui ishumẽ?

João 16:23

Habiatiãri ea uĩkĩ mã ea hawa yukama ishanaii. Hakia ẽ Epa Deus mã yuka ewẽ taeshũ matu merabewashanikiki.

João 16:26

Habiatiãri Deus ẽ ana matu yukashunama ishanaii. Hanu matũmebi ibubis ẽ kenawẽ taeshũ mã yukakubaĩshanaii,

João 16:31

haska waya Jesusũ nuku ana yuikĩ: —Natiã hanu mã ma ea ikũwaĩ?

João 2:11

haska wakĩ Caná Galiléia anushũ dami atimaska taewakĩ Jesusũ hawẽ kuxipa nuku uĩmakĩ taewaya hawẽ tsumabũ eskarabes ikũwãkĩ nũ taewaniki.

João 21:17

ana hawẽ henekĩ Pedro yukakĩ: —Jonasĩ bake Simãoneẽ, mĩ ea abuhairai?— aka dabe inũ bestiki habias yukaiwẽ taea Pedro huĩti nixmai punu nukatã abuaiwẽ taeshũ yuikĩ: —Shanẽ Ibuũ, ẽ xinã dasibi unãkĩ ẽ mia abuhairairã, mĩ unaiĩ— aka —Habiaskari wakĩ enabu txashuwã keska hatu yusĩkĩ hatu ea mekeshuĩrakubaĩshãwẽ— iwanã,

João 5:20

Haska inũ, Epa Deusũ hawẽ bake abukĩ dasibi akĩ uĩmamiski. Haska inũ, ana kuxipahairawẽ dami atimaska betsa betsapa hawẽ bakewẽ matu uĩmaya uĩ mã e ikũkaĩshanaii.

João 8:42

—Deus anua ẽ huniwẽ taeshũ Deus matũ ibu kayabikenã, haska xinãkĩ mã ea aburiakeanaii. Earã, ẽ xinãnẽ aki ẽ huamaki. Hakia hawẽ xinãnẽ Deusũ ea yununi aki matube hiwei ẽ huniki.

Hebreus 4:13

Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.