João 14:26 - Kaxinawá Bíblia (BR)

²⁶ Hakia hawẽ Yushĩ Pepa matũ Mekenã Bena ẽ kenaya ẽ Epa Deusũ yunua hushũ haska ẽ matu yusĩkubaĩmis dasibi ẽ matu yuiai ana shabakabi matu xinãmakubaĩshanikiki.

Kashinawa : Diosun Jesúswen taexun yuba bena yiniki

²⁶ Jakia jawen Yushin Pepa matun Mekenan Bena en kenaya en Epa Diosun yunua juxun jaska en matu yusinkubainmis dasibi en matu yuiai ana xabakabi matu shinanmakubainxanikiki.

João 14:26 Referencias Cruzadas

Salmos 51:11

Ẽ mibe nia ea pashkayamawe. Mĩ Yushĩ Pepa ea meranua ea mebĩyamawe.

Isaías 54:13

Hanushũ eanã, mĩ bakebu dasibi ẽ tapĩmashanaii. Habu dasibirã, benimai hawẽruai unanuma hiweshãkanikiki.

Isaías 63:10

Hatu haska wabia Israelbũ Senhor Deusũ Yushĩ sinatamakĩ dananibuki, nukũ mekenika meribi itxakinã. Haskawẽ taea ha danaĩbuki sinatakĩ hau hatu detenũbũ nawabuwẽ hatube detenamekũkainiki.

Mateus 1:18

Jesus Cristo kaĩ eskanikiaki. Matu yuinũ nĩkakãwẽ. Hanua Maria aĩwãkatsi ikĩ hawẽ epa Josẽ yukaima bimariamakẽ Deusũ Yushĩ Pepatũ huni bake naneima Mariã unãyã,

Mateus 1:20

xinãkubaini usha namaya Deusũ nai tsumã yuikĩ: “Joséẽ, miarã, mĩ Davĩ babaki. Mia yuinũ nĩkairawe. Deusũ Yushĩ Pepatũ Maria bake naneimawẽ taea hawẽ datei hawa dakeama aĩwãshãwẽ.

Mateus 28:19

Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ.

Mateus 3:11

iwanã, “Eãnã, hawẽ unãmati wakĩ henewẽ besti ẽ matu naximakubainaii. Hakia huni betsarã, kuxipahaira ea binũa txipu hushanikiki. Hawẽ tsumapã hawẽ daya ashũmis keska wakĩ ẽ hawẽ hawaumahairatũ eã merabewakĩ ẽ duawatirumaki, hawẽ bitxi tae meshpũ tsitsaukaĩ ẽ pekashũtirumarã. Hakia matu pepawakĩ Deusũ Yushĩ Pepa matu inãtã bika matu tenemakĩ matũ txakabu yamawashanikiki, txiwẽ hawara txakabu abuama kua keska wakinã.

Marcos 12:36

Matu yuinũ nĩkakãwẽ. Deusũ Yushĩ Pepatũ Davi yusĩa kenenitũ matu yuikĩ: Deus mekenikatũ ẽ Shanẽ Ibu Messias yuikĩ: “Miki sinataibu ẽ hatu maemariama manai ẽ yusiuri tsauyuwe”, aniki. Haska watã keneniki.

Lucas 1:35

hawẽ nuikĩ nai tsumã ana yuikĩ: —Kuxipa hatu binuatũ hawẽ kuxipawẽ hawẽ Yushĩ Pepa yunua mikia dami naneima kaĩmashũ hatũ Deus txibãyã: “Harã, meribi Deusũ bakeki”, ishũ kenakubaĩshãkanikiki.

Lucas 1:41

Isabelĩ Maria nĩkaya hawẽ pustu meranua hawẽ bake tukuaya Deusũ Yushĩ Pepatũ kuxipa waya

Lucas 1:67

Joãonẽ epa Zacarias Yushĩ Pepatũ kuxipa wa hãtxakĩ Deus kẽwaĩ Deus hãtxashũkĩ yuikĩ:

Lucas 11:13

Haskakẽ mã pepamabia matũ bakebu mã duawamis mã unaiĩ. Hamẽ haska binumakĩ Epa Deus nai anuatũ mã tsuabũra yukai nĩkatã hawẽ Yushĩ Pepa matu inãmiski— hatu wanikiaki.

Lucas 2:25

habiatiãri huni betsa pepahaira Deus kẽwãkĩ kaneisma hawẽ kena Simeão Jerusalém anu hiweshũ Deusũ Israelbu dasibi ana merabewakĩ hatu pekakĩ akawashanai yubani Simeão manakakubaĩxina hawẽ Yushĩ Pepa haya hatũ merabewakĩ unãmaya

Lucas 24:49

Haska ẽ Epã ea yununi keska wakĩ eãri ẽ maturi yunuaii. Deusũ hawẽ hãtxati kuxipa datetima ẽ matu yunushanai binũ ika na habia Jerusalém anu hiweyushũ manakayukãwẽ. Deusũ hawẽ kuxipa nai anua matu inã bitã nawa dasibibu yusĩkĩ taewashãkãwẽ— hatu watã

Lucas 3:22

Deusũ Yushĩ Pepa deiwã keska hui hamamaki butuaya nai anushũ hawẽ Epã yuikĩ: —Miarã, mĩ ẽ bakeki. Ẽ mia abuhairakĩ katunirã, ẽ miwẽ benimahairaii— anikiaki.

João 12:16

hanushũ ha dukũ Jesus haskai nũ hawẽ tsumabũ nũ hawa nĩkakĩ pewama iniki. Hakia txipu Deusũ Jesus bestẽwaĩmakẽ xinãkĩ haska dasibi ikima ha kenenibu inũ kẽwãkubirãxinabu xinãkĩ atimas hakiri nũ nĩkaniki.

João 14:16

Mã haska wakubainaya ẽ matu yukashuna Merabenã Bena betsa Deusũ matu anu yunushanikiki, hau matube hiwei ikibi ipashanunã.

João 14:25

Natiã matube hiweshũ ẽ matu yusĩyukubainaii.

João 15:26

Hanushũ maturi danaĩbũ ẽ Epa anua mekenã betsa matu anu ẽ yunua hanua Yushĩ Txanima Unãmanika hushũ ekiri matu unãmai ea hãtxashũshanikiki.

João 16:7

Hakia ikũkĩ ẽ matu yuiai nĩkakãwẽ. Ẽ matu kashũamakenã, Mekenã Bena matu anu hutirumaki. Hakia kashũ Mekenã Bena matu anu ẽ yunushanaii. Haskawẽ taea ẽ kayarã, maturã, mã pepakũkaĩshanaii.

João 2:22

Hanua Jesus mawa ana bestẽxĩkẽ: “Shaba dabe inũ besti kaya ana ẽ benishanaii”, hatu wani nũ xinaĩwẽ taeshũ hakiri haska tibi kenenibu inũ Jesusũ nuku yusĩniri xinãkĩ nũ ikũwãniki.

João 20:22

kuxipa wakĩ nukukiri kũtxũkaĩ kuxu atã nuku yuikĩ: —Yushĩ Pepa hayarikãwẽ. Haskatã tsuabura Deuskiri habu txakabu haya mã hakimawakẽ Deusũri hatũ txakabu hatu buashũshanikiki. Hakia hatũ txakabu mã hakimawamakẽ Deusũri hatũ txakabu hatu buashunama ishanikiki— nuku watã haniraki ana dami kaĩkẽ

João 7:39

Haska nuku yuikinã, Deusũ Yushĩ Pepakiri nuku yuiniki. Hanushũ Jesus ikũwaĩbu hawẽ kuxipa Deusũ inanũ ikaya Jesus mawa besteã hawẽ Epanu kariamakẽ Deusũ Yushĩ Pepa nuku inãyuama iniki.

Hechos 1:2

Nai anu kariama Yushĩ Pepaki dasia nishũ hawẽ tsumabu kuxipayabu yusĩkĩ hau haska katushũ txanima akubaĩshanũbũ hatu yunuyabis shaba betsatiã nai anu inakainikiaki.

Hechos 1:4

Hanua Jesus hawẽ kuxipayabube niyushũ hau Jerusalém anua kaĩbaĩyamayushanũbũ hatu nemakĩ yuikĩ: —Haska Epa Deusũ matu yubani ẽ matu yuixinarã, hau matu inãkĩ yunushanũ nenua kaĩama habianushũs manayushãkãwẽ.

Hechos 1:8

Haska mã hawẽ unãtirurã, hawẽ Yushĩ Pepa matu anu huaya hawẽ kuxipa bitã Jerusalém anushũ inũ Judéia mai pakea inũ Samaria mai pakea ha dabe hirabi anushũ inũ txaihaira mai kesua anu hiwebaunabu anu bukubaũkĩ ekiri mã hatuki txanikũkaĩyushanaii— hatu wai

Hechos 11:16

Hanushũ hatu haska waya haska bebũkiri nukũ Shanẽ Ibũ nuku yuibaini ẽ xinãxinaki: “Txanima Naximanika Joãonẽ henewẽ hatu naximakubaĩxinaki. Hakia Deusũ Yushĩ Pepatũ matu naxima keska wakĩ matu kuxipa washanikiki”, akĩ Jesusũ nuku yuibaini ikai ẽ uĩxinaki.

Hechos 13:2

Hanua ana shaba betsatiã habu itxatã samakekĩ Deus kẽwaĩbũ Deusũ Yushĩ Pepatũ hatu yuikĩ: —Barnabé inũ Saulo daya betsa ma ẽ hatu kenani ẽ hatu yunukatsis ikaya hau dayatanũbũ meribi hatu nitxĩkãwẽ— hatu wa

Hechos 13:4

hanushũ Deusũ Yushĩ Pepatũ Barnabé inũ Saulo Antioquia anua nitxĩkĩ yunua hatũ merabewanika João Marcos iyui iãnẽwã maikiri kesha anu mae betsa Selêucia anu hikitã natukã ewapa hawẽ kena Chipre anu kakatsi pakatã niwe shashu ewapawẽ inatã besusi pukei kai

Hechos 15:28

Hakia haska mã judeubumãri Jesus ikũwaĩ unãnuma mã hiwenũbũ Deusũ Yushĩ Pepatũ nuku xinãmaya ana nukũ beyakiri hawa betsa matu yunuama na besti nũ matu nemai nĩkakãwẽ, mã judeubube berabinãrabeyamanũbunã.

Hechos 15:8

Ha Romano shanẽ ibu Cornéliõ hiwe anushũ ẽ hatu yusĩayã habũ Jesus ikũwaĩbu Deusũ dasibi nukũ xinã unãmistũ ha judeubumari hawenabu wakĩ ikũwãmakĩ nuku keskari wakĩ kuxipa wakĩ hawẽ Yushĩ Pepa hatu inãkĩ hatu atximayamaki.

Hechos 16:6

mai pakea betsa Ásia anu Paulo inũ, Silas inũ, Timóteo Jesuskiri hatu yusĩ hari bunũ ikaibũ Deusũ Yushĩ Pepatũ hatu nemaya mai pakea dabe Frígia inũ Galácia anuabu hatu yusĩ kapukebauni

Hechos 2:33

Hanushũ ana bestẽwãtã Deus hau habe shanẽ ibunũ, iwanã, hawẽ yusiuri tsaũtã haska yubakani hawẽ Yushĩ Pepa hawẽ Epã Jesus inã hatũ nuku inãkeakekĩ nuku kuxipa waikiki, na habia nĩkakĩ mã uĩanã.

Hechos 2:4

haskakĩ dasibi hatu atximakĩ keyuaya haska hãtxatirubumabiakẽ nawa betsa betsapabũ hãtxa tibiwẽ Deusũ Yushĩ Pepatũ yuimakĩ hatu hãtxamakĩ taewaya

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hechos 20:35

Haska inũ, nukũ Shanẽ Ibu Jesusũ nuku yusĩkĩ yuikĩ: “Tsuara nuitapakĩ hawara bi benimamisbuki. Hakia tsuãra nuitapaibu merabewakĩ inaĩ benimatxakayamamisbuki”, hatu wani xinaĩ: “Txikixama dayakĩ nuitapaibu merabewakubaĩshãkãwẽ”, akĩ ẽ matu yusĩkũbaĩmiski— iwanã,

Hechos 28:25

haskakiri xinãma hatũmebi itimaskatã inũ bui beni taebainaibũ Paulõ eskakiri hatu yuikĩ: —Shabakabi matũ shenipabukiri Deusũ Yushĩ Pepatũ hãtxamakĩ Isaías yuimakĩ:

Hechos 5:3

hanushũ Pedrõ yuikĩ: —Ananiasiĩ, mĩ bai inãtã pei bitã pashkashũ dabukũ arutã haskakĩ Satanásã mia txakabuwamaya nuku yui Deusũ Yushĩ Pepaki mĩ txani txakai?

Hechos 7:51

Estêvãonẽ Sinédrio ana hatu yuikubaĩkĩ: —Dasibi kuxipa Deus haya mesebiakẽ matũ shenipabu ipaunibu keskai matuburã, matũ besu inũ, matũ huĩti inũ, matũ pabĩki kuxikẽ Deusũ Yushĩ Pepatũ matu yusĩbiakubainaya mã nĩkaisbumaki, nawabũ Deus unãbuma keskarã.

Hechos 7:55

hakia Deusũ Yushĩ Pepatũ Estêvão merabewakĩ kuxipa waya naiuri teskãshũ uĩkĩ Deus txasha kuxipahaira anu hawẽ yusiuri Jesus nia uĩtã

Romanos 14:17

Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Romanos 15:16

mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.

Romanos 5:5

Haska nũ manakatiru Deus nukuwẽ nuimis nuku unãmakĩ hawẽ Yushĩ Pepa nuku inã hawẽ taeshũ Deus ikũwãkĩ txibãkubaĩkĩ haska nuku yubani manai hamẽ nũ manakamaki. Haska xarabuwẽ taeshũ hamapai bika nũ teneairã, hawẽ taeshũ Deus nũ kẽwãkubainaii.

1 Coríntios 12:3

Hamẽ betsarã, Deusũ Yushĩ Pepa hayatũ hawẽ hãtxa yuishunikã Jesus yuputirumahairaki. Ha inũ, yura betsãri txanima yuikĩ: “Jesus Cristo ẽ Shanẽ Ibuki”, iwanã, yuitirumaki, Yushĩ Pepatũ kuxipawẽ merabewamawẽ taearã. Haskaki, xinaĩrakãwẽ.

2 Coríntios 6:6

Haska inũ, nukũ hiwea pepa kayabi nũ hatu uĩmairã, tsua parãma inũ, unãnepai sinatama txanima nũ ikũ kayabi ikai Deusũ Yushĩ Pepatũ kuxipaya nũ Deusũ tsumabu txanima nui kayabi nũ hiwekũkaĩmiski.

Efésios 1:13

Cristowẽ taea mã judeubuma dikabitũ hawẽ hãtxa txanima Deusũ bake Jesus mekenãkiri kakape nĩkatã ikũwaĩbu hawẽ nuku tibi unãti wati yubanishũ hawẽ Yushĩ Pepa nuku inãtã ha dabe hawenabu nuku inũ matu warianiki.

Efésios 1:17

Haska inũ, nukũ Shanẽ Ibu Jesus Cristõ Epa Deus nũ kẽwãmis ẽ matu yukashũmiski, hau hawẽ Yushĩnĩ ana matu nĩkamakĩ unãnepawakĩ matu merãshũ hau txanima kayabi Deus matu unãhairamanunã.

Efésios 4:30

Haskakẽ habe matu hiwemakatsis ikĩ hamebi Deusũ nai anu matu iyushanũ, iwanã, hawenabu wakĩ matu unãti wakatsi matu inãni hawẽ Yushĩ Pepa ma hayarã, ana txakabukĩ hawẽ Yushĩ Pepa punu nukawayamakubaĩkãwẽ.

1 Tesalonicenses 4:8

Hanushũ tsuabũra na yusĩa danãkĩ hunĩ yusĩa danãma hakia Deusũ hawẽ Yushĩ Pepa matu inãmis danãkanikiki.

2 Timóteo 1:14

Haska wakĩ Jesuskiri yusĩa mĩ tapĩni hau tsuã betsa wayamanũbũ Deusũ Yushĩ Pepa nukuki dasiatũ mia merabewaya hawẽ kuxipawẽ uĩrakubaĩwẽ.

Tito 3:5

Nukubũ hawa wakĩ nũ peshunamabia hawẽ nui pepas hawa husiamawẽ nuku mekekĩ piskumaniki, nukũ txakabu txuka keska wakĩ. Nuku ana kaĩ bena wakĩ hawẽ hiwea bena nuku inãniki, hawẽ Yushĩ Pepawenã.

Hebreus 10:15

Deusũ Yushĩ Pepatũ betsa watimawakĩ hawẽ yuishunika Jeremias yuikĩ yubai:

Hebreus 2:4

Ha inũ, hawẽ Yushĩ Pepawẽ hawẽ e imakĩ unãmati damiwamakĩ na yuba bena Jesusũ tsumabubetã Epa Deusũ hatu mestẽwãmaniki. Haska wanishũ hawẽ xinãnẽ nuku tibi hawẽ daya betsa betsapa nuku inãmiski, haska xinaĩ keska nuku tibi inãkinã.

Hebreus 3:7

Haskawẽ taeshũ Deusũ Yushĩ Pepatũ hawẽ hãtxa yuishunai txanimani matu ana xinãmakĩ yuinũ nĩkakãwẽ. “Natiã Deusũ hãtxa matũ mã nĩkaiburã,

Hebreus 9:8

Na haska wakubainiburã, natiã Deusũ Yushĩ Pepatũ ha haska wakubiranibu keska shabakãshũ kẽwãkubiranibu nuku unãmaikiki. Habiaskariai ha bai txibaĩ Deuski nukuti meribihaira anu tsua hikiama ipaunibuki, Jesus Cristõ nuku bepẽshũriamawẽ taearã.

1 Pedro 1:12

Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.

1 João 2:20

Jesus Cristo meribitũ hawenabu wakĩ ma matu pashkaniki, hawẽ Yushĩ Pepawenã. Haska dasibitũ mã ma hakiri hawẽ hãtxa txanima mã ma hayakẽ ana tsuã matu parãtirumaki.

1 João 2:27

Hakia txanima Deusũ Yushĩ Pepa Jesus Cristõ matu inãkĩ ma matu meribi wani hatũ besti hawẽ yusĩa txanima hawa matu parãma yusĩkĩ matu merabewakubainaya ha parananãmisbũ hatũ hãtxawẽ matu yusĩtirubu hayamaki. Haskawẽ taea mã ma Jesus Cristoki dasiaburã, haska Deusũ Yushĩ Pepatũ besti matu yusĩaĩ betsa wakĩ heneyamakubaĩkãwẽ.

1 João 5:7

Ha Jesus haskani habu txaniairã, eskaki. Hawẽ unãmati dabe inũ besti txaniti hayaki,

Judas 1:20

Ẽ betsabu inũ ẽ puibuũ, tsuabura ẽ matuwẽ nuiairã, matu yuinũ nĩkakãwẽ. Ikũhairawai ana kuxipanamei hawẽ besti mestẽtã txĩtuãma meribi hiweshũyukĩ Deusũ Yushĩ Pepatũ matu xinãmakĩ yuimaya Deusbe hãtxai hawẽ kuxipawẽ dayuikubaĩkãwẽ.

Apocalipse 2:11

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, ana haria dabeki mawakĩ txi here meama ishãkanikiki’”, ea washu ẽ matu keneshunaii.