João 13:1 - Kaxinawá Bíblia (BR)

¹ Páscoa nawai mexukiri ishanaitiã yurabu henebaini hawẽ Epa Deusbe ana dasi kashanai ma kemai Jesusũ unaĩ na mai anua habũ ikũwaĩbu abui hatuwẽ nuikũkaini haska bestiwẽma hakia nũ hawenabuwẽ taea nuiyabis mawakĩ nuku uĩmaniki.

Kashinawa : Diosun Jesúswen taexun yuba bena yiniki

¹ Pascua nawai meshukidi ixanaitian yudabu jenebaini jawen Epa Diosbe ana dasi kaxanai ma kemai Jesúsun unain na mai anua jabun ikunwainbu bechipai jatuwen nuikunkaini jaska bestiwenma jakia nun jawenabuwen taea nuiyabis mawakin nuku uinmaniki.

João 13:1 Referencias Cruzadas

Provérbios 8:31

Deusũ hunibu bawaiwẽ taea habu shinaĩ hatuwẽ ẽ benima txakayamakũkainiki, mai hirabi hiwemashinawẽ taea haki beyuskũkainirã.

Mateus 26:45

hanua hawẽ tsumabu anu ana hushũ hatu yuikĩ: —Haskaira mã usha nĩkama usha bestia mã huĩrukũsi ikanai? Uĩkãwẽ. Ẽ Deusũ bake matũ Hutxi Kayabi Iuwa huni txakabubũ ea atxi bei ma kemakanikiki.

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

Lucas 9:51

Hanua hawẽ Epa anu Jesus kashanai kemaya dateama Jerusalém anu kai taekĩ

João 11:55

Páscoa judeubu nawai besimisbutiã ma kemaya nawai taeriama hatũ beya txibaĩ hau Deus ana hatuki sinatayamanũ Deus daewai ibubis pepakatsi iki mae hatiubuma anua Jerusalém anu yurabu mirima beshũ

João 12:23

Jesus hushũ hatu yuikĩ: —Matũ Hutxi Kayabi Iuwa Deusũ hatu ea kẽwãmakatsis ikairã, ma kemaikiki, ikisrã.

João 13:3

mai hirabi anua dasibi Epa Deusũ Jesus shanẽ ibumakatsi yununi Deus anua huni ana hawẽri txĩtũ kaĩshanai Jesusũ unaĩ

João 13:34

Haskawẽ taeshũ hawẽ yunuti hãtxa bena ẽ matu baxishũkĩ yunubainaii. Haska matuwẽ ẽ nuiai keskairã, habiaskariai matubus nui duanamepakeriashãkãwẽ. Haskai xinãnãnaĩ mã nuibukuaĩ

João 14:28

“Ka matu anu ẽ ana hushanaii”, ikĩ ẽ yuiai mã ma ea nĩkashuki. Hanua Epa Deus shanẽ ibũ ea binuawẽ taea hanu ẽ kashanaii. Ẽ Epa anu ẽ kashanai mã nĩkaiwẽ taea mã benimakeanaii, txanima ea abu kayabirã.

João 16:28

Hamẽ ẽ Epa Deusũ besuuria kaĩkirani na mai anu yurabube hiwenũ ika ẽ huni haska ea yununi menetã natiã ana hawẽri kakĩ na yurabu ẽ henebainaii— nuku waya

João 17:1

hanua naiuri teskãshũ uĩkĩ nuku nĩkamakĩ yuikĩ: —Epaã, hanu mĩ ea yubanirã, hanuki. Ẽ mĩ bake mawai merabewakĩ ewẽ mĩ kuxipa hatu uĩmawe, hatu ẽ mia kẽwãmashanunã.

João 17:16

Ha inũ, na mai anua Deus ikũwãbuma ẽ hatu keskamawẽ taea ea ikũwaĩburi hatube hiwebia habu keskamariki.

João 17:26

Haska inũ, mikiri mĩ kuxipa binu keyua ẽ hatu unãmapakeaiwẽ taeshũ ana mikiri ẽ hatu unãmakĩ heneyamashanũ mĩ ea abumis keskai hau haburi abunamei heneama ishanũbũwẽ, nuikipairã. Haska hayabuwẽ taea ea ẽ hatu anua kaĩkainama ishanaii— itã

João 17:5

Epaã, eskatianã, mai nũ damiwariama mĩ besuũbia ẽ shanẽ ibui taeaitiã ẽ txashakapa hawẽrua hayani keska habias ea inãshãwẽ.

João 18:4

Jesus atxi beaibu dasibi ma unaĩwẽ taea nuku bebũ Jesus nitã hatu yukakĩ: —Mã tsua benai bekanai?— hatu wa

João 19:28

Jesusũ haska nuku yuitã dasibi hawẽ Epa Deusbe yubakani keyuai unaĩ Deusũ hãtxa anu haska hakiri keneni menei Jesusũ hui kuxipawẽ yuikĩ: —Ma ũpash manui ẽ tetsusinaki— ikai

João 2:13

hanua Páscoatiã hanu nai tsumã detekĩ debu wanikatũ nukũ shenipabu dũkebaini xinaĩ besinũ ika judeubu mae tibi anua ma bea kemaibũ Jerusalém anu Jesusbetã nũ uĩ ka

João 7:30

hanua haskaiwẽ taeshũ atxinũ ishũ xinãbiaibũ hanu mawashanai kemariamawẽ taeshũ tsuã meabuma iniki.

João 7:6

Jesusũ hatu yuikĩ: —Haska ẽ ishanairã, kemariamaki. Maturã, tsuã matu hawa danãbuma hamapaiaibutiã mã katiruki. Hakia eãnã, hatũ txakabukiri shabakabi ẽ hatu yuiaiwẽ taeshũ eki sinatakĩ ea danãkanikiki. Haskawẽ taea ẽ daya ẽ meneriamawẽ taea ẽ kayutirumaki.

João 8:20

Templo hemaĩtĩ anushũ na haska yusĩkinã, bau haki nuitapaibu inãkuĩkĩ pei mistumisbu dapishũ Jesusũ yusĩayã hanu mawashanai kemariamawẽ taeshũ tsuã mekĩ atxiyuama inibuki.

Romanos 8:37

Hakia hamapai txakabu betsa betsapa haratutũra nuku bikawabiaya Jesus Cristõ nuku abuaiwẽ taeshũ hamapai txakabu tibi nũ binuhairakubainaii.

1 Coríntios 1:8

Haskawẽ taeshũ Deusũ hawa heneama matu kuxipa wakubaini Cristo ana huaya hawa txakabu matukiri yuitirubuma ishãkanikiki.

Hebreus 3:14

Cristobe hiwekatsis ikĩ hawẽ kakape nĩkatã nũ ikũwãkĩ taewanirã, betsa wama habiaskas hakiri xinãkubainãkãwẽ.

Hebreus 3:6

Hakia Cristorã, txanima hawẽ bake kayabitũ Deusunabu mekei Deusbe hatu hãtxashuni kaneismaki. Haskakẽ Cristo ikũwãkĩ txibãkĩ xinã betsa wama nũ mestẽtã benimakĩ nũ manaibu Jesusũ nuku benubainama ishanikiki.

Hebreus 6:11

Haska matu tibitũ xinãkĩ mã akairã, betsabu uĩmakĩ heneama xinã txãkãkĩ hawara pepa mã uĩkatsis ikai heneama menekĩ akubaĩkãwẽ, haska Deus yubakani heneama manakinã.

1 Pedro 1:13

Jesus Cristo mã ikũwaĩwẽ taea ana tatimama dasibi matũ xinã mestẽwãtã haskaki txiti itã dateyamakubaĩkãwẽ. Jesus Cristo ana hushanai manakakĩ Deusũ hawẽ pepawẽ matu duawashanai ikũwãkĩ haskakiri besti manayukubaĩkãwẽ.

1 João 4:19

Deusũ dukũ nuku abukĩ taewanikẽ hawẽ taea nukuri nũ hatube abunametiruki.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.