Jó 5:19 - Kaxinawá Bíblia (BR)

¹⁹ Hawẽ yusĩti hãtxa mĩ nĩkakĩ txibãkubainaya mia mese mese wakĩ mia bika tenemaibu Deusũ hatu mia nemashũshanikiki. Hawa txakabu hau miki nukuyamanũ haska wakĩ Deusũ mia ashũkubaĩshanikiki.

Jó 5:19 Referencias Cruzadas

Salmos 34:19

Tsuabura huni pepabu merabenaĩ yurabũ hatu unãma betsa betsapawẽ hatu itxakawamisbuki. Hakia Senhor Deusũ haska teneaibu hatu duawakĩ haska tibi hatu putamakĩ binumamiski.

Salmos 34:20

Huni pepa Senhor Deusũ hawẽ shau tibi mekemiski. Haskawẽ taeshũ hawẽ shau betsa tekeama ishãkanikiki.

Salmos 91:15

Hatũ ea kenaya ẽ kemashanaii. Ea kayabis ẽ habes ishanaii. Hawara bika teneai binumatã betxipaihairakĩ duawakĩ yurabu ẽ kẽwãmashanaii.

Provérbios 6:16

Txakabu betsa betsapa akĩ 6 kasmai 7ki amisburã, Senhor Deusũ hatu uĩ betxipaiama danãtxakayamai hatuki sinatahairamiski. Haskakiri matu yuinũ ea nĩkakãwẽ.

Isaías 43:2

Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.

Daniel 3:17

Txi here hi ikai inũ dasibi mĩ nukũ shanẽ ibũ nuku txakabuwakatsis ikai nukũ Mekenika Deus nũ kẽwãmistũ nemakĩ nuku binumatiruki.

Daniel 3:25

shanẽ ibũ ana hatu yuikĩ: —Haska wabiakãshukẽ eã uĩkinã, huni dabe inũ dabe neakama txi anu mapubaunaibu hawa menui txakabuama ẽ uiaiĩ. Ha betsarã, tsuã ha txi anu ureãma yushibũ huni bake itsaki— ikĩ

Daniel 6:16

hatũ hãtxa nĩkatã hau Daniel itãshũ hau mai kini merã inu betsa leão pubẽ hiweabu anu hau urenũbũ Dariõ hatu yunua Daniel putariabuma Dariõ Daniel yuikĩ: —Mĩ mekenika Deus txĩtuãma nĩkakĩ mĩ kẽwãkubainaitũ hau mia mekenũwẽ, mĩ debuyamanunã— akaya

Daniel 6:17

leão pubẽ anu Daniel ureãbu mishki sapa ewapa beshũ ha kini bepukĩ Daniel kupiti tsuã betsã bepẽtiruma wakĩ bĩ dekua txabai tuis tuis ikaiwẽ buyatã hawẽ meitxikiti keneyãwẽ Dariõ tsamiã shanẽ ibu beshmas dabetũ habiaskari wanibuki, mishki bepeãbu unãti shara wakinã.

1 Coríntios 10:13

Tsuabũra hawara txakabu ma huni mã meriama inũ txakabuhairatũ matu atxima ana matu atximakatsis ikai nukũ yura babũ nũ tenetirumarã, xinãkãwẽ. Haskawẽ taeshunã, mĩ yura babubiakẽ Deus putama haki txiti ikubaĩkãwẽ, nuku babu watã hau nuku bika tenemakĩ haska tsuã tenetiruma nũ haskatã binutirumaki. Matu haska tenemabiaya hawẽ baxikuama Deusũ hawẽri hawẽ kuxipa matu unãmakĩ matu hawẽ tashnimakĩ matu binumashanikiki, txakabu tenekĩ mã binuaiwẽ taeshunã.

2 Coríntios 1:8

Ẽ betsabu inũ ẽ puibuũ, eska Ásia mae pakea namakis anushũ nũ hatu yusĩaĩwẽ taeshũ haska bikahaira nuku hiwemaibu nũ tenekubaĩyama matuki ana txaninũ nĩkakãwẽ. Hawara bika nukũmebi haska nũ tenetiruma inũ nũ binutiruma hamapai txakabu tibi tenei nukũ hiwea ma benua keska

2 Pedro 2:9

Noé inũ Ló Deusũ pashawanishũ tsuabura hawenabu ikatsis ikĩ hatũ hiwea Deus inãmisburã, hawẽ taeshũ hawara bika tibi hatu memabiaibũ nukũ Shanẽ Ibũ unãkĩ hatu txakabu binumariakubaĩtiruki. Hamẽ habu txakabumisburã, hanu bari hawẽ heneaitiã hatu unãti watã hatu kupishanai unãriaikiki.