Jó 5:12 - Kaxinawá Bíblia (BR)

¹² Unanepa hãtxai yubakai parananaĩbu hatũ shinã hamẽ wãkĩ Deusũ hatu txakabuwamakĩ hatu itimaska wamiski.

Jó 5:12 Referencias Cruzadas

Gênesis 31:22

Hanua Jacó pashai haska kaĩshina ma 3 shaba ma kaya Labão yuiabu nĩkatã

2 Samuel 11:9

hawẽ hiwe anu Urias kama Davĩ hiwe hikiti shui dapi shanẽ ibuhaira Davi mekemisbube Urias meshu merã ushashinaya

2 Samuel 17:14

haska wa nĩkatã Absalão inũ Israelĩ enabu anibu unanepabu yuinamei: “Aitofelĩ nuku yusiaĩ hãtxa pebia Arqueu nawa Husaĩ nuku yusiaĩ hãtxawẽ Aitofel binumakĩ pewaikiki”, inibukiaki. Absalão txakabuwamakatsi ikama Aitofelĩ yusiã hãtxa pepa Senhor Deusũ hatu txibãmakĩ amama inikiaki.

2 Reis 6:9

hatũ shinã haskaibu Eliseũ unãtã Israelĩ enabu shanẽ ibuhaira anu Eliseũ hawẽ hãtxa bumakĩ yuikĩ: “Síria nawa detenamenikabu hari huneshũ matu detekatsis iki manaibuwẽ taea hari buyamashãkãwẽ”, hatu wa

Neemias 4:15

hatu nemanũ ika ma dasibi nũ pei keyuabũ ha inũ habu haska nukuki sinataibu yubakaibu Deusũ hatu itimaska wakĩ keyua habũ nuku nĩkatã hatũ mae anua beabumawẽ taea nukubũ mae mishki kenebauni hanu bestibu tibi nũ dayashinabu anu nũ ana taeaibũ

Neemias 4:9

taea hau Deusũ nuku merabewanũ Deus ea atã shaba inũ meshu merã tibi hau habũ nuku uĩkĩ nuku mekekubainũbũ nũ hatu nitxĩbauna

Salmos 37:17

Habu txakabuaibu Senhor Deusũ hatu keyukĩ nishmawashanikiki. Hakia habũ Senhor Deus nĩkakubaĩmisbu hatu putama mekekubaĩshanikiki.

Provérbios 21:30

Unanepa inũ, tapinika hãtxa inũ, yubakai penikã habũ Senhor Deus yuibiakĩ binukĩ maematirubumaki.

Provérbios 22:12

Senhor Deusũ unanepabu hatu mekekĩ hatu uĩkubainaya txanitxakamisbũ hatu yuikĩ: “Txanima nũ matu yuiaii”, ibiai txanitxakaibu Senhor Deusũ hatu shabakabi kayati wamakĩ hatu unãti wamamiski.

Isaías 44:25

Ha inũ, huniburã, ẽ hatube hãtxamabia haskashanai txanimisbũ hãtxaibu nĩkakĩ unãtã hatũ shinã ẽ nemamiski. Habu unanepai txanimisbu hatũ shinã ẽ hawama wamiski. Huni unanepakĩ yusiaĩbu ẽ hatu hamakiri yuimamiski, unanepakĩ atirububiakẽ hatũ hãtxa inũ hatũ shinã hamẽ wãkinã.

Isaías 8:10

Mã nukukiri yubakabia mã akama ishanaii. Haska betxipaikĩ mã katushũ yuibia mã nuku akama iriashanaii, Deus nukube nashui itã nuku mekeawẽ taearã.”

Hechos 12:11

hanushũ Pedrõ xinã kayatiwakĩ unãtã: —Herodes inũ judeu shanẽ ibubũ dasibi ea haska wakatsi ikaibu nemanũ, iwanã, txanima ẽ Shanẽ Ibũ hawẽ nai tsuma yunua hushũ ea tashnimashu xinãkĩ ẽ unaiĩ— itã,