Jó 42:8 - Kaxinawá Bíblia (BR)

⁸ Haskawẽ taeshũ na habiatiã 7 ina awa bene inũ 7 txashuwã bene katushũ ẽ tsuma Jó anu butãkãwẽ. Mã ha bushuã Jó ea daewakĩ matũ inabu tesẽshũ txiwẽ matũ ina hirabi matu kuakĩ keyushũtã Jó matu merabewakĩ ea matu yukashunaya ẽ matu itxakawama ishanaii. Ẽ tsuma Jó hãtxa txanima yuishina keska wama haska mã betxipaiai keska mã ekiri hãtxa txakabubiashĩkẽ ẽ matu kupiama ishanaii”, aka

Jó 42:8 Referencias Cruzadas

Gênesis 20:17

Abimeleque Abraão aĩ Sara bikẽ hawẽ taeshũ hawẽ aĩ inũ hawẽ hiwe anu dayamisbu txutanamebiabu hau ana bake biyamayunũbũ Deusũ hatu beshteimakẽ hanushũ Abimeleque Abraão hawẽ aĩ ana inãkẽ Abraão Deus yukashũkĩ yuikĩ: —Deusuũ, Abimeleque inũ hawẽ aĩ inũ hawẽ hiwe anu dayamisbu hatu shusha wakĩ ana hatu bake bimashãwẽ— akĩ yukashuna samama hatu shusha wakĩ ana hatũ bake nãti pewanikiaki.

Gênesis 20:7

Haskakẽ ha hawẽ aĩ Abraão ana nitxĩshũwẽ. Abraão ẽ hãtxa ea yuishunikawẽ taeshũ Abraão ebe mia hãtxashunaya mĩ hiwea mĩ mekeshanaii. Hakia mĩ nitxĩshunamarã, mĩ mawashanaii, minabus inũ miarã— aka

Jó 1:5

semana tibi pikubaĩkĩ hanu keyuaibutiã shaba betsaki Jó shinãkĩ: “Deus yuãkĩ txakabuwashinabumẽkaĩ”, ishũ Jó penamahaira butukaũ hawẽ bakebu kena beabu hau hatukiri pe Deusũ shinanũ hatu daewashunũ, iwanã, txashuwã tesẽshũ Jó txi anu bestibu tibi hatu menushũpaunikiaki, Deus hatu daewashũkinã.

Jó 1:8

nĩkatã Senhor Deusũ yuikĩ: —Ẽ tsuma Jó mĩ uĩmisrã, haskara hakiri mĩ shinaĩ? Jó ea duawai txĩtuĩsma keska mai hirabi anu hiweabu tsua huni betsa haska keska hayamahairaki. Hakia Jó huni pepatũ hawa txakabu mekĩ txakabuwaismatũ tsua itxakawaismaki— aka

Jó 42:9

hanua Elifaz Temã anua inũ, Bildade Suá anua inũ, Zofar Naamá anua bushũ haska Senhor Deusũ hatu yunua ashuãbu Jó Senhor Deus hatu yukashunaya Jó yukai Senhor Deusũ nĩkashunikiaki.

Isaías 60:14

Habũ matu itxakawapaunibũ bakeburã, matuki mesei matu bebũ beti iki beshãkanikiki. Habũ matu danãhairabiapaunibu matũ tae namã dãti ishũ yuikĩ: ‘Mã Senhor Deusũ maewãki. Siãonã, Israelĩ Deus meribitũ maewãki’, akĩ matu kenashãkanikiki.

Números 23:1

haska uĩtã Balaãonẽ Balaque yuikĩ: —Mishki txi tapu wakĩ 7 nenu ea washũwẽ. Haska washũ 7 ina awa bake inũ 7 txashuwã tesẽshũ ea pewashũriawe, nũ menukĩ keyununã— aka

Números 23:14

Mati Pisga mamaki Zofim mae anu Balaão iyushũ 7 mishki txi tapu hatu wamatã Deus daewakatsi ikĩ txi tapu bestibu tibi anushũ ina awa bake inũ txashuwã bestitxai teseãbu Balaquẽ txiwẽ menua menui keyuaya

Números 23:29

Balaãonẽ ana Balaque yunukĩ: —7 mishki txi tapu ea washũwẽ. 7 ina awa bake inũ txashuwã tesẽshũ ea hatu pewamashũwẽ— aka

Mateus 3:17

yurabu nĩkamai nai anua hui tashnikĩ yuikĩ: “Narã, ẽ bakeki. Ẽ abuhairaii, ẽ Katuarã”, anikiaki.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

2 Timóteo 4:14

Mane mabu wanika Alexandrẽ ea harakiri xinãtima kaya wakĩ ea itxakahairawaimaki. Haskawẽ taeshũ nukũ Shanẽ Ibũ haska abuai keskawẽ kupishanikiki.

Hebreus 10:4

Hakia yuinaka mawa himiwẽ hatũ xinã txakabu pewakĩ hatu buashũtirubumaki.

Hebreus 7:25

Tsuabũra Jesus ikũwaĩ hawẽ Epa Deuski dasia Deusũ kupiti binui pashaibu hiwekuĩa inãkĩ hatu merabewai Deusbe nuku hãtxashũpakeikiki, hawa niti ikamarã.

Santiago 5:14

Haska inũ, tsuara ikũwaĩ betsa isĩ teneaya habũ matu yusĩkĩ mekenikabu hatu kenakãwẽ, habu beshũ nukũ Shanẽ Ibũ kena kuxipawẽ haratura sheniwẽ pushatã hau shushawanũ hau Deus hakiri yukashũkubainũbunã.

Santiago 5:16

Haskakẽ matũ txakabu ana huneama haska mã kanekubainai ikũwaĩ betsabube yuinamekĩ txanikĩ Deus ea akĩ hau matũ txakabu buatã matũ yura shushawanũ yukakubaĩkãwẽ. Deusũ mia unã keyuaya mã habe haskai hãtxairã, txanima tsuara yura pepakirã, Deusũ kuxipa pae itxapa hayaki.

1 João 5:16

Ha inũ, txakabu dabe hayaki. Ha txakabu daberã, betsa Deusũ buakatsis ikikiki. Bestitxai buakatsi ikamarã, mawa kayabi anu katiruki, Jesus mawabiashuni danãkĩ txakabu wamisrã. Haskawẽ taeshũ ikũwaĩ betsã hawara txakabu Deusũ abuama ana akai uĩtã mã merabewakatsis ikairã, hau Deusũ kupiyamashanũ xinã pewamakĩ merabewakĩ matũ betsa Deus yukashũkãwẽ. Hamẽ betsãri haska Deusũ hawẽ txakabu buashũkatsi ikama uĩbiakĩ Deusbe hãtxashũyamakãwẽ, hawẽ hiwea ma kupiti hayakirã.

1 João 5:6

Jesus Cristo tashnikiranã, eskakĩ dasibi hatu unãti wamakĩ kayatiwamaniki, ha dukũ henewẽ ikaibu anu hari naxirã, hanua dasibibũ berubiri cruzkia dunua hawẽ himi habakĩ hatu uĩmakinã. Henewẽ naxi bestiama hakia mawai hawẽ himi habakĩ hatu unãti wamaniki. Haskanirã, Deusũ Yushĩ Pepatunã, hamebi unaĩkiki. Haska unaĩ nukukia txanima txanimiski.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.