Jó 11:18 - Kaxinawá Bíblia (BR)

¹⁸ Deusũ mia mekea mia hiweirã, ha ikũwaĩ unanuma mĩ hiwekũkaĩshanaii, unanuma ushai peirã.

Jó 11:18 Referencias Cruzadas

Jó 11:17

Bari mananãbi bari txashahairamis binumai mĩ benimahairakũkaĩshanaii, hawara mĩ bika tenebiai penakirani shaba hawẽruakirãmis keskai hiwekũkainirã.

Jó 11:19

Mĩ hatu merabewatiru mia benai mia anu bebirã bebirãbiakĩ mĩ huĩrukuĩ daka tsuã mia dateama ishãkanikiki.

Salmos 43:5

Deus ikũwaĩ haki txiti itã hawa heneama Senhor Deus ẽ mekenã ẽ kẽwãkubainaii. Ana punu nukatã ẽ hawa beshteketirumaki. Haskai ẽ hamapai tibiwẽ ẽ ana nuiamaki. Ha bestihaira ẽ Deus inũ ẽ mekenikaki!

Provérbios 14:32

Huni txakabu hatũ txakabuwẽ txakabuwai di imisbuki. Hakia huni pepabu duapakubaini hawẽ pepawẽ hawa dateama unanuma mawatirubuki.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.