Jó 1:21 - Kaxinawá Bíblia (BR)

²¹ yuikĩ: —Tariuma ẽ kaini inũ ẽ mawa tariuma ẽ kaĩkaĩshanaii. Dasibi Senhor Deusũ ha ea inãkubaĩshina Senhor Deusũ ana dasibi ea mebĩshuki. Hakia Senhor Deus kẽwãkĩ ẽ pepa wabestikubaĩshanaii— itã

Jó 1:21 Referencias Cruzadas

Gênesis 30:2

haska wa haki sinatakĩ Jacó Raquel yuikĩ: —Mĩ haskara shinaĩ ikai? Ẽ ea Deusmaki. Deusũ besti mia bimatiruki. Eanã, ẽ mia haska washũ bimatirumaki— aka

Gênesis 45:5

Eskaki, matu yuinũ nĩkakãwẽ. Mã ea haska waniwẽ taeshũ bebũkiri Deusũ matu ea mekemakatsi hatũ ea yunuai itsawakĩ matu ea amaniki, ẽ matu hiwemashanunã. Haskawẽ taea bika tenebauni ibubis sinatanameyamakãwẽ, mã ma ea hatũ escravo dayaru wamabianiwẽ taearã.

2 Samuel 16:12

Haska ikis ea bika tenemaibũ Senhor Deusũ uĩkĩ ekiri pe shinãkĩ ea ana duawakubaĩshanimẽkaĩ, na yuputi hãtxa txakabu ẽ nĩkai keskamarã— hatu wabaini

1 Reis 12:15

Siló anu Deusũ hãtxa yuishunika Aías Senhor Deusũ hãtxamakĩ haska bebũkiri Nebatẽ huni bake Jeroboão yubaimawẽ taea shanẽ ibuhaira Roboão haska Senhor Deusũ shinaĩma keska hau inũ Israelĩ enabu danãmaya hatũ hãtxa Roboãonẽ hawa nĩkamakẽ

Jó 1:11

Hakia hawara sharabu dasibi haya mebĩshãwẽ. Mĩ haska wa miki sinatakĩ habi yupukĩ mia berabĩwãshanikiki— aka

Jó 2:10

nemakĩ Jó yuikĩ: —Aĩbuũ, unaĩsmapatũ hãtxa yuiyamawe. Pepa Deusũ nuku inaĩ nũ bimiski. Haskai txakabu hanua huai ha dikabi bikĩ nũ tenetirumamẽ?— atã txakabu dasibi Jó tenekubaini Deuskiri hawa hãtxa txakabu yuiama ikũkainikiaki.

Salmos 34:1

Bari betsa tukama Senhor Deus kẽwãkĩ duawakinã, ẽ heneama ikũkainaii.

Salmos 34:2

Ẽ shanẽ ibu Senhor Deus shinaĩ ẽ keaiĩ. Huni keĩsbumaã, ebe benimakĩ ea nĩkakãwẽ.

Isaías 42:24

Jacó enabu, Israelburã, hau hatu atxitã bitxishanũbũ tsuã hatu yununimẽ? Txanimẽ, Senhor Deusũ hatu anirã? Txanimaki. Habu Deuskiri txakabuhairakĩ hawa txibã pewama bai kayatapia hatu unãti wamabiakubaina hawa hawẽ yusiã nĩkakĩ txibãshunabumaki.

Isaías 45:7

Bari txashati inũ, meshu inũ, benimai hiweti inũ, hamapaiwẽ bika teneti sharabu pawakĩ ẽ dami waniki. Na haska tibi dami wakinã, ea Senhor Deusũ anishũ ẽ akubaĩmiski”, iwanã,

Amós 3:6

Hamẽ maewã anu mese huaya hatu unãmakĩ tsuãra trombeta txã txã akaiwẽ taea yurabũ nĩkai datemisbuki. Ha maewã anu haska kainã, Senhor Deusũ ma hanu txakabu hatu yunua haska besti kaĩkũkaĩmiski.

Hechos 4:28

Haska dasibi bebũkiri mĩ hakiri yubakani hau haska wai bunũbũ mĩ yuinirã, txanima haska keskarã, habunã, ma akimabuki.

Efésios 5:20

Hawara mã haya inũ hawara mã hayama Epa Deusũ dasibi nuku inãmis xinãkĩ yuikĩ: “Haska hamapai xarabu mĩ ea inaĩwẽ taeshũ ẽ mia kẽwaiĩ”, akubaĩkãwẽ, nukũ Shanẽ Ibu Jesus Cristõ kena kuxipawẽ yuikinã.

1 Tesalonicenses 5:18

Hawara tibi mã haya inũ mã hayama haska Deusũ matu unaĩwẽ taeshũ ha besti kẽwãkubaĩkãwẽ, mã haskaibu Deusũ matu abuikiki, mã Jesus Cristo ikũwaĩbuwẽ taeshunã.

1 Timóteo 6:7

Na mai anu tashnirã, nũ hawauma kaĩniki. Hanua mawakaĩkĩ nũ hawa buama iriashanaii.

Santiago 1:17

Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.

Santiago 5:11

Ha inũ, txĩtuãbumawẽ taeshũ Deusũ duawakĩ hatu kẽwãkubainiki. Nukubu nũ xinã txãkãkatsis ikairã, hawara bika tenekĩ haska besti meama hawẽ kuxipakĩ binukĩ nũ tenetirubuki, haska nũ abuamabiarã. Haska nukũ shenipabu Jó ini mã nĩkamiskiri shabakabi ana matu xinãmanũ nĩkakãwẽ. Hamapai bika tibi yurabũ tenetirubu Jõ tenekubainaya hawẽ yura txami keyuni inũ hamapai bikahaira teneai Deusũ nemama ibiaya Jõ Deus ikũwãpakekubaini txĩtuãma inikiaki. Haska Jõ ikũhairawai nukũ Shanẽ Ibu Deusũ haskara watã hawẽ nuikĩ duawakĩ atimas hawẽ isĩ shushawatã ana hawenabu inũ hawẽ yuinaka debui keyuima ana hawẽtxaĩs inãkeakebainikiaki, hawẽ xinã pepawẽ Deus Jówẽ nuikinã, nukũ Shanẽ Ibu nui txakama inũ merabenã txakaismatũ hawẽ nuikĩ ashũkinã.

Rute 1:21

Nenua beneya inũ bake dabeya ẽ kaĩkainiki. Natiã nenu ana huirã, haska Senhor Deusũ betxipaikĩ ea akima beneuma inũ bakeumari ẽ txĩtũkiranaii. Haska wakĩ Senhor Deus kushipahaira dasibi binuatũ ea nuitapawakĩ yumãwãkĩ ea kupiniwẽ taeshũ mã ea ana “Noemi Batapa” wakĩ kenatirubumaki— hatu wa

1 Samuel 2:7

Mabuya inũ mabuuma Senhor Deusũ nuku wamiski. Hanua nukũ kushipa nuku mebĩbiatã txipu ana kushipa nuku inãtiruki.

1 Samuel 2:8

Deusũ mai hirabi dami wakĩ haki maputi wanirã, hawenaki. Haska wakĩ dami washũ haki dasibi yunukĩ mapũbauniki. Haska dami wani hawẽ kushipawẽ taeshũ mai anu mania nuitapai hawauma hiweabu merabewakĩ hatu benimiski. Ha dikabi txaka putati anua pei ea imisbu merabewakĩ hatu kenatã shanẽ ibubube hatu tsaũtã hau yurabũ hatu kẽwanũbũ Senhor Deusũ hatu haska wamiski.

1 Samuel 3:18

Senhor Deusũ hãtxa Samuelĩ Eli banabimakĩ huneama dasibi yui keyua, Elĩ nĩkatã yuikĩ: —Aa, mĩ ea peirawawa! Txanimaki. Nukũ Shanẽ Ibu kayabiki. Hawenaki. Haska betxipaiai keska hau anũwẽ— aka