Jó 1:10 - Kaxinawá Bíblia (BR)

¹⁰ Tsuabũra Jó itxakawapanã mĩ hatu nemamiski, hawẽ yura mekekĩ dasibi hawenabu inũ hawara dasibi haya mekeshũkinã. Hawara sharabu Jó dayakĩ biai merabewakĩ duawakĩ mĩ pepa wakubaĩmiski. Haskawẽ taea hawẽ inabu inũ hawẽ mabu haya dasibi hawẽ mai pakea anu hatube hiwea Jó hatu binu keyuaki.

Jó 1:10 Referencias Cruzadas

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Gênesis 26:12

Hanua Isaque habianuri hiweyua hatube dayakĩ hawẽ tsumabu yunua bai ewapa washũ shekiwã banaima itxapahaira tsekaibũ Senhor Deusũ duawakubaina Isaque shanẽ ibukĩ hawẽ hawara ana bikubaini hawẽ txashuwã itxapahaira hayai inũ, hawẽ ina awa itxapahairari hayai inũ, hawẽ dayaru escravo itxapahairari hayariai hatube hiwekĩ Isaque hati itxawai shanẽ ibuhairakũkainaya hanua Filisteu nawabũ uĩ kemui yuinamei haki sinatai: —Yuu, ha hunirã, haskai nuku anu huima shanẽ ibuhairakĩ nuku binuimẽkaĩ, mabu itxapa hayairã?— ikaibũ

Gênesis 30:43

Haskawẽ taea Jacó hawena itxapa hayakũkainikiaki, inabu inũ, huni inũ aĩbu tsumabu inũ, camelo inũ, jumento mirima hayairã.

Gênesis 39:5

Hanushũ José haska yunuimawẽ taeshũ Senhor Deusũ Potifar duawakĩ dasibi hawẽ hiwe anua inũ hawẽ bai anua pepawakĩ merabewakubainaya

Gênesis 49:25

Ẽ mekenika Deusũ mia ea merabewashũmis ẽ kẽwaiĩ. Deus kushipahaira dasibi binuatũ hau mia inũ minabu duawakubaĩshanũwẽ. Nai anua minabu hamapai inãkĩ hene meranua hatu inãriakĩ bake itxapa hatu bawamakĩ txutxu mirima hatũ bakebu amakĩ hau minabu duawapakeshanũwẽ”, akĩ

Jó 1:3

Hanua hawẽ ina 7.000 txashuwã inũ, 3.000 camelo inũ, dabe ketashamabaĩbaina 500rã, habu ina awa bene pe dayamakubaĩkatsi hawẽ hubu meshte keyumis inũ, 500 jumenta yushã inũ, hawẽ dayaru escravo huni inũ aĩbu mirima hati hawenas ipaunikiaki. Haskawẽ taea bari huaikiri mai hirabi anu hiwebaunaburã, Jó ha besti mabuhairayatũ hatu binu keyua ipaunikiaki.

Jó 29:6

Ina awa txutxu inũ cabra txutxu itxapa nũ hayakũkainimaki. Ha inũ, oliva bimi tsinitã hawẽ sheni itxapahaira nũ hayaimaki.

Jó 31:25

Dayakũkaini inabu itxapa inũ, mabu itxapa inũ, dayarubu itxapa inũ, pei itxapa ẽ hayabia haska sharabu ha shinaĩ ẽ hawẽ hawa keĩsmahairaki.

Jó 42:12

Hanua Jó anibui bari itxapa hawẽ henei hiwekũkainaya haska uatiã duawani binumakĩ dabeki keska Senhor Deusũ Jó ana duawakubaina hawẽ txashuwã 14.000 inũ, 6.000 camelo inũ, 1.000ti dabebaĩbaina ina bene hau ana pubeãma pe dayakubainũbũ hawẽ hubu hatu meshtemamis inũ, 1.000 jumenta yushã Jó hayakũkaini

Salmos 34:7

Tsuabũra Senhor Deuskiri pe hãtxakĩ kẽwãkubainaiburã, hawẽ nai tsumã hatu keshe pewashũ hatu piskumamiski.

Provérbios 10:22

Senhor Deusũ tsuara hatu duawakinã, mabu pepa itxapa keska hatu inãkĩ benimawamiski, hawa hatu bika tenemakĩ isĩ tenemamarã.

Isaías 5:2

Pukĩbaĩkĩ mai pewakĩ mishki putakĩ pewatã hawẽ uva tatxa pepa bitã banaimaki. Hanushũ hawẽ bai nemaki hanushũ uĩbaũti hiwe pishta keyatapa waimaki. Ha inũ, hanushũ tsinikĩ vinho wãti pewaimaki. Ẽ haibũ haska watã hawẽ uva banaima uva batapa manabiaya hakia hawẽ uva besheai anu uva bimi pe ikama bimi bũkash besti hayashinaki.

Isaías 5:5

Eskaki. Matu yuinũ ea nĩkakãwẽ, ẽ uva bai haska wakatsi hakiri ẽ shinainã. Ẽ hawẽ hatu nemakĩ keneima daka pekati, hau txakabuwanũbunã. Ẽ mishki kenebaunima daka ẽ berãti, hau haki pai pai inũbunã.

1 Pedro 1:5

Matũ xinãwẽ mã Deusũ kakape ikũwãkubainaiwẽ taea Deusũ hawẽ kuxipa paewẽ matu mekekubaĩkĩ haska yubakani hanu bari hawẽ heneaitiã haska matu pewashuni mã unãkubaĩmis ibubis hanu haki nukukĩ mã uĩshãkanaii.