Jeremias 7:23 - Kaxinawá Bíblia (BR)

²³ hau ea dukũ nĩkakubaĩshanũbũ ẽ hatu yunukĩ taewaniki. Haska ẽ hatu yunua akubainaibu enabu hatu watã hatũ mekenika Deus ẽ ikũkaĩshanaii”, iwanã, “ẽ hatu yuiniki, hau habu ea hiwei peshũkubaĩshanũbunã.

Jeremias 7:23 Referencias Cruzadas

Salmos 40:6

Hau nukũ txakabu mĩ nuku buashũshanũ inabu menuti mĩ manamaki. Hawara inãkuĩ menuti tibi nũ mia ashũmis inũ shekiwã tibi inãkuĩkĩ mĩ hiwe anu nũ bemis haska dabewẽ mawaira mĩ hawẽ benimaismaki. Hamẽ haska binumakinã, mĩ hãtxa nĩkakubaĩkĩ haska mĩ yununi txibãkĩ ẽ mia meneshũtiru mĩ ea shabakabi nĩkamakĩ yusĩmiski.

Êxodo 15:26

Hanushũ Senhor Deusũ hatu yubakĩ yuikĩ: “Haska ẽ matu yunuai besti ea benimawakĩ ẽ yunuti akubaĩkĩ ẽ nemati nĩka pewakubaĩkĩ ẽ hãtxa dasibi mã nĩkakubainaibũ Egito nawabu ẽ hatu yumãwãshina keska wakĩ ẽ matu kupiama ishanaii. Hamẽ mã ea nĩkamahairakẽ ẽ matu kupishanaii. Earã, ẽ Senhor Deuski, matũ shusha wanikarã, ẽ ea bestiki.”

Êxodo 16:32

Txipu Moisĩ ana hatu yuikĩ: —Senhor Deusũ yunuti matu yuinũ ea nĩkakãwẽ. “Egito anua matu iweshũ nenu hanu tsua hiweabuma anushũ misi ẽ matu pimaima matunabu pakubaĩkĩ hau uĩkubaĩshanũbũ ha piti maná bishtu litro dabe mata watã hatu arushũkubaĩkãwẽ”, akĩ ea yuishinaki— iwanã,

Jeremias 31:33

Hawatiãra Israelĩ enabube eska ana yubakai ẽ benashanaii. Ẽ yusĩti hãtxa hatũ huĩti anu mistua keska wakĩ hatũ shinã merã ẽ kenea keska washanaii. Hatũ mekenika Deus ẽ ikũkaĩshanaii. Haburã, enabu ikubaĩshãkanikiki. Ea ẽ Senhor Deusũ ẽ hãtxa ẽ mestẽwaiĩ.

Jeremias 38:20

Jeremiasĩ kemakĩ yuikĩ: —Haskamaki. Caldéia nawabũ mia hatu yunuabumaki. Senhor Deusũ hãtxa ẽ dama mia banabimashu ha besti nĩkakĩ txibãwẽ. Haskatã pe hiwekaini mĩ hawa mawama ishanaii.

Romanos 16:26

natiã ha hãtxa hakiri hatu kenemakĩ shabakabi wama ini haska Deus ikibi initũ yununi txanima natiã yurabu shukua tibibũ nĩkatã tapĩ keyutirubu wani ma nũ unaiĩ, hau Deusũ hãtxa ikũwãkĩ txibãshanũbunã.

2 Coríntios 10:5

Haska inũ, haska Deus danaĩ unãnepabũ xinãmis hawauma wakĩ Deus nũ hatu unãmakatsis ikaii, hatũ txakabu beshteketã xinã betsatã hau Cristo txibanũbunã.

Deuteronômio 13:4

Hakia matũ mekenika Senhor Deus besti txibãkĩ kẽwaĩ haki dasia hiweshũ hawẽ hui nĩkakĩ hawẽ yunuti inũ hawẽ nemati akubaĩkĩ dayashũkĩ duawakubaĩshãkãwẽ, yusinã betsa betsapabu nĩkamarã.

Deuteronômio 13:5

Egito anu matũ ibubu itxakawakĩ hatu dayaru escravo wakubainaibũ hanua matũ mekenika Senhor Deusũ hawẽ kushipawẽ matũ ibubu pashawani hakimayamakubaĩshãkãwẽ. Na hunibũ hatũ yushĩ betsa matu txibãmakatsi ikĩ Senhor Deus matu danãmakĩ hawẽ hãtxa matu nĩkamamakĩ Senhor Deusũ hãtxa txibaĩ mã hawẽ pei hiwebiakẽ ha hunibũ haska iriamabia matu yuitirubu inũ namawẽ uĩtã matu unãmatirubu hatu detekĩ tenãshãkãwẽ. Haska wakĩ txakabu matu anua mã beshtetirubuki”, hatu watã

Deuteronômio 4:10

hatu ana yuikĩ: “Haria nũ huima anu Mati Horebe dapi Senhor Deus bebũ matũ ibubube mã mapubaunibu ẽ shinaiĩ. Harishũ Senhor Deusũ ea yuikĩ: ‘Israelĩ enabu ea bebũ ea hatu itxawashũwẽ, ẽ hãtxa ẽ hatu yusiaĩ nĩkakĩ tapĩtã hau shaba tibi eki mesekĩ ea kẽwãriakubaĩshanũbunã. Habiaskari wakĩ hatũ bakebu hatu yusĩkĩ hau hatu tapĩmariapakeshanũbunã’, ea wa

Deuteronômio 4:40

Haska natiã ẽ matu yunuai keska hawẽ yunuti inũ hawẽ nemati hãtxa Senhor Deusũ matu yunuima akĩ txibãkubaĩshãkãwẽ. Mã haska waibũ maiwã ibuwamakĩ Senhor Deusũ matu inaĩ anu matu inũ matunabu pakubaini bari itxapa hanus hiwepakeshãkanikiki”, hatu wanikiaki.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

1 Samuel 15:22

hanushũ Samuelĩ yuikĩ: “Senhor Deusũ betxipai benimamisrã, nũ ha nĩkakĩ nũ ashuaĩ besti betxipaimiski. Hamẽ ha inabu sheni menukĩ keyushũmisbu inũ hawẽ kẽwãti nami pitxãshũ pimisburã, hawẽ Senhor Deus benimai beshmasmiski. Habũ Senhor Deus nĩkakĩ ashũkubaĩmisburã, habuwẽ benimahairamiski, txashuwã sheni inũ hawẽ nami menukĩ keyushũmisbu binuarã.