Jeremias 7:18 - Kaxinawá Bíblia (BR)

¹⁸ Bake mishtĩbũ karu metash itxawakĩ mãtxiaĩbũ hatũ ibu hunibũ txi keti waibũ aĩbuaibũ shekiwã trigo duru misi wakatsi pewakĩ kamuskĩ teshwashũ misi watã dami yushibu aĩbu hawẽ kena Nai Shanẽ Ibu hawẽ dami bebũshũ kẽwãkĩ ha misi inãkubaĩmisbuki. Haska wakĩ ea danãkĩ nawabũ yushibubu kẽwãkĩ uva vinho inaĩ mã eki sinatamisbuki.

Jeremias 7:18 Referencias Cruzadas

Salmos 16:4

Hakia ha habũ dami betsa deus washũ kẽwãmisburã, mĩ haska tenetiruma tenei yumãhairashãkanikiki. Hamẽ eanã, haska wakĩ hatũ dami kẽwaĩburã, yuinaka tesẽshũ ẽ hatu inaĩsmahairaki! Ha inũ, ha dami betsa betsapa kẽwãmisbu hamẽkẽ hatũ kena ẽ yuismahairariki.

Isaías 65:3

Ha Israel enabunã, shabakabi eabi eki sinatakĩ ea danaĩ heneisbumaki. Hatũ bai nemakishũ yushĩ betsabu besti kẽwanũ ishũ hatũ inabu menushũmisbuki. Mai bawa txi tapu watã hakishũ hatũ inĩti kuashũmisbuki.

Jeremias 1:16

Nawabũ hatũ yushibu dami watã kẽwãmisbu enabũri ha dami kẽwãkĩ ha bebũshũ sheni ininipa kuakubaĩkĩ ea danãkĩ henenibuwẽ taeshũ ha txakabubu hau hatu kupinũbũ shanẽ ibu txakabubu hatu anu ẽ yunushanaii.

Jeremias 7:17

Judá enabũ mae tibi anushũ inũ Jerusalém anushũ haska habũ akaibu mĩ hatu uiãmamẽ?

1 Coríntios 10:22

Ha inũ, yushĩ dami betsa kẽwãkĩ Deus daka mã sinatamanũ, iwanã, aki ikai? Matũ kuxipawenã, mã Deus binuamẽ? Haska yushĩ dami betsa kẽwãkĩ mã husiakeakeairã, ana haska tibi akĩ Deus sinatamayamakãwẽ.

Deuteronômio 4:19

Ha dikabi naiuri uĩkĩ bari inũ ushe inũ bishi inũ bishi kauani txashakainai betxitã haki mesei ‘Habaa!’ iki datekĩ haska kẽwãyamakubaĩshãkãwẽ. Yurabu dasibi merabewakĩ hawara sharabu nai anua uĩtirubu Senhor Deusũ hatu damiwashuniki.